حلقة 32جزء 2: امل مينا � جواهر : ولا تحسبي انتي يجي يوم نقولك يما يما وحدة برك أسية لي مانعرف والله اعلم وين راهي لي هي امي وامك لي وهمتيني كل سنين هذو بلي هي امي وقفت توجهت لباب فتحاتو وغلقاتو بأقصى قوتها راحت لدار اكثر انسانة رغم انها تغير منها كيعاد قريبة منو بصح لازم تشوفو وتستغل فرصة حتى يكون ليها آيات : بخوف .. صوت باب شكون لي جاء في نص ليل سمر : ماتفتحيش خلي نوضو بابا احسن كون يكون كاش واحد راجل ويدخل علينا نص ليل يحسبنا وحدنا زيد في زوج شوفي لباسنا اصبري نوض بابا أحمد : كنت هذاك وين نايض حتى نقضي فاتتني صلاة مين جاوني هذوك ناس ماصلحتليش نصلي في وجهم ونحرجهم نسمع في صوت بابا ...انعم تفضل سمر : بخوف ..بابا كاين واحد يطبطب فلباب ولا وحدة مولاي عالم ربي أحمد : اذهبي عليا جياحة جاية تتمصخري بيا نتيجك انا سمر : والله لباب آيات اي تستنى فيك حتى تفتح ماحبيناش نفتحو حنايا كون يكون راجل ولا أحمد : اني رايح نفتح بصح ياويلك يكون مكان حتى واحد نحكمك نعلڨك حنان : تثاوب صباح خير وش بيكم على واش اكم تحكيو ؟ أحمد : صحى نوم بصح نزلنا فليل حنون حنان : احم احم وتديرلو بعينيها على سمر لي حاطة يدها على وجها من حشمة جامي سمعت باباها تغزل بيمها لأنو رباهم هو على احترام درجة يديها مايقيسهمش قدامها يحكي معها قدامهم بكل ادب أحمد : هيا هيا يعود يدخل علينا كاش واحد خرج هو وسمر قرب لباب لقاه يطبطب صحصح وهوما خايفين طل من عين يشوف في حالة مظلمة قال شكون جواهر : عمي هاذي انا صاحبة سمر جواهر سمر : جواهر ؟؟وش جابها هاذي نص ليل هبلت ؟! أحمد: أسكتي علينا طفلة جاتك بلاك كشما خصها ..فتح باب يشوف فيها ريسيل طايح وفي حالة ..تفضلي بنتي سمر : قدمت ليها مشوكية من حالتها اخاه وش بيك جواهر جواهر :تلاحت عندها حضنتها وتبكي للحظة حستها اختها صحصح وحضنتها وفرغت قلبها بلبكاء سمر: سكتتها مبعد راحت داتها ريحتها فوق بونكات وجابتلها آيات كاس ماء وحبات من حلوة كانت حاطتهم سمر : أشربي ماء وفهميني وش بيك تبكي ؟! أحمد : هيه بنتي وش بيك تبكي هكذا حنان : سلام عليكم جواهر مرحبا بيك بنتي زارتنا براكة بصح شافت فيهم وفيها لقاتها عينيها كامل بريسيل ودموع ويدان سقساتها هي ثاني وش بيك جواهر : ياربي نقلهم ولالا كون نقولهم ممكن يشفقو عليا وكون مانقولهمش يسمعو من غيري خلي نهدر انا خير ..ظهرت عايشة في كذبة بابا ميش بابا وامي ميش امي وانا ميش انا واختي ميش اختي وكلشي في حياتي ميش صحيح
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
