تتممة حلقة 125 :
أمل مينا ❣️
الصراع المنتظر ❣️🥀
قيس : اڨزاكتلي عمي انا هو انا انسان لي كل مدة هاذي راني متمني نقتلك انت وكل انسان من عائلة تاعك مقابل نتحصل على حبيبتي وتكون ليا رغم انها عنيدة بنتك و رفضتني الا اني نعشق في عفسة مستحيلة كلما كانت مستحيلة كلما كانت حلوة في نظري ههههه
أدهم : احلم احلم وزيد احلم حبي انا آيات مرتي وديتها وعقد تاعنا كان في 26 مارس 2024 ويوم انا في 1 افريل لذلك زقط عليك لقط وصاي طار لحمام احبي ايات ليها راجل واحد وحبيب واحد انا أدهم بن **** ونزيدلك عفسة شوف فوق شكون كاين مع يهز راسو تجيه ضربة في منتصف جبهة بعد
احمد : كيفاش ؟؟ شكون هذو وعلاه قتلوه مزلت حاجتي بيه
أدهم : هههه علابلكم غير نتوما مخابرات وتعرفو تخططو وانا نسيتوني انا أدهم بن **** انا هو رئيس كل مخابرات انا مسؤول على لكبيرة وصغيرة وكل شيء تحت امري وشوري انا هو انسان لي كنت رافض نبين روحي رجل صعاب ورجل مهمات انا لي دخلت لجامعة بحجة اني انسان فازد وتتفكرو صاحبي لي حكمتوني انا وهو مين كنت مع آيات هذاك عضو تابع ليا وكل شيء درتو من اول دخولي الجامعة لحد الان مخطط ورئيس جامعة على علم وعمري حقيقي ميش 26 عمري حقيقي 30 سنة واب تاعي صحيح هكذاك كان تع شراب انما مكانش يزطل كيما كان شايع عليه كان زير نساء يجيبلي نساء لدار حتى روحت مرة من مرات لقيتو ميت الله اعلم طريقة موتو كانت كيفاش انما كان كلشي فات وكلشي ذكريات صحصح خليت حقيقة تاعي سر حتى آيات ماعلابلهاش وحاسبتني انسان فازد انسان لي تاب بعدما عصى ربي ودار كل شيء في حياتو غالط انما انا لي حبيتها وخليتها تشوفني بصورة هاذيك لحتى نحمي روحي ونحمي لي نحب ومجرد اتمامي لكل مهمات تاعي واخيرا ضك نقدر نقول كلشي براحتي
احمد : تسمى كلشي تمثيل وخبر هذوين عقد ماعقد ؟!
ايوب : انت صح عقدة على طفلة ووقتاش ؟!
يعقوب : مافهمتش ولو حاس روحي في فيلم والله
أدهم : ريحو وضك نفهمكم مبعد كلشي بصح بأول نحب عفسة نحب داركم تغيروها بما انو تقتلت فيها روح مانحبش تريحو فيها انا ميش مرتاح فيها حاليا سكروها او ارواحو عيشو معايا لا تحبو ؟؟
احمد : عندك حق هيا نخرجو
جاو خارجين تفكرو بلي هي كانت فوق وكانت مخططة انها تحللهم هاتف طلع يجري يشوف ليكونو اذاوها دخل مالقا والو يعيط باسمها سمر سمورتي وينك حبي ماتخوفينيش عليك سمر يحوس في دوش وفي بيت ثانية مالقاهاش حتى لمحها
VOUS LISEZ
أحببتكِ في اللّٰه (كرونيك جزائرية) جزء 02
القصة القصيرة(كرونيك جزائرية ) جزء ثاني اتمنى ان تجد القصة اعجاب وتعليقات من كل متابعيني تشجيعا لكي أضيف قصص اخرى احبكم 💗🥺
