جزء 2 حلقة 109:
مانيش عارفة وينا خيار مليح خيار حب ولا خيار ثاني تع اعجاب رغم انو إجابة واضحة لكن عقلي وقلبي في صراع خايفة نندم خايفة نتبع عقلي نخسر في علاقة اولى وخايفة نتبع قلبي ونندم يارب
سمر : نتي لي تعقدي في حكاية وطولتي فيها بزاف والله العظيم خيري ادهم على ضمان تاعي كون ماتعيشيش معاه هانية هزت صبعها ودرت علامة (×) ..مانيش سمر وهاي مرشومة هنا ترجعي وانتي مرتو وتقوليلي كثر خيرك ختي
أيوب: كملتو بنات ولا مزال اي 11:30 تبالي هذاك هو تشدو طريق
سمر : مزال شويا مزال ندير مكياج برك
آيات : دقيقة برك تكون واجدة خويا .
أيوب : الله يرضى عليك ماتديريلهاش مكياج كيما تع بارح ثقيل شويا نحبها تدير لون خفيف يبينها على طبيعتها وفي نفس وقت تجي شابة
سمر : يعني علاه هذو ايام ايام فرحتي فلحق ماتقوليش طول ضك خلي عرس يفوت وقولي على مكياج وساعتها نقص
أيوب تبسم : امم نشاء الله بربي ايا ديري كيما تحبي بصح روحي نشوفو قاوي نحيهولك بطريقتي خاصة
سمر : طير طير علينا خلينا نكملو اك تعطل فينا مووح احبي
آيات : هههه اعدلي برك وجهك خليني نكملك مبعد او عندكم عمر كامل اتمعشقو فيه ولا وش قال اايوب
سمر : صاييي شفاعة احبي
خلصتلها مكياج وكلشي جاء بتمام وكمان تغداو وكلشي حمدلله سارو في طريقهم لدارهم كيعاد صبوحي في دار باباها هكذا كان قرار امها من بداية لأنو حابة تشوفها قبل سفرتهم لشهر عسل
هبطو من طاكسي دخلو لدار بزغاريت وشطيح بنات داير حالة
دخلت بشويا تمشي خطوة بخطوة حتى وصلت بلاصتها ريحة تستنى في عجوزتها ويماها هي علابلها رايحين يجيوها قعدت تتفرج في نساء يشطحو حتى تشوف وحدة لابسة احمر تشطح وتعاود شطحت نايلي تونسي قبائلي وهراني لاكن ماعرفتهاش
رحيل تشوف في ختها : حستها رقاصة هي جات قاعدة قدامها قرصتها تزيدي تنوضي تشوفي وش نديرلك
حسنة : الله الله توبة توبة يارب اعبد ربي جيت نزهى نشطح وندير جو ولا كيفاش رايح يكون عرسها مسكينة ميت في حابة شوفي أصنام لي مريحين ماتحركتش ولا وحدة منهم تقول غايرين منها وديجا اصبري تشوفي
راحت لدي جي من فضلك ديريلي غناية هاذي
(دايك دايك ) ناضو كامل لساحة تقول نمل لي تتمايل لي تشطح وتصور
رجعت ريحة مع ختها شوفي اماما كيفاش نوضتهم دواهم كامل اغاني راي
رحيل : والله صدقتي اختي ههه مانلومكش مالا مين تشطحي ..ريحت حتى شمت ريحة بكبوكا خرجت روحها عليها ريحتها سخفتها بززاف ناضت ضك شويا نرجعلك
راحت كوزينة لقات لي تطيب معاها شاف تاعهم شافت فيهم ونطقت ممكن تحطيلي في سحينة نذوق شهاتني ريحة بكوبكة تاعكم
بهار تشنف: علاه فوق راسك ريشة اختي روحي روحي نعود نقبلهالك على راسك
رحيل : وش أسلوب هذا وديجا ماحكيتش معاك حكيت مع شاف زيد بزيادة انا مولات دار مين نحب عفسة فلحق منشاوركش
بهار : قودي قودي من هنا مبعد نشوفو ياكذابة مولات دار مراءة كبيرة زيد بزيادة بناتها نعرفهم وماشفتكش طول معاهم
شاف : وش بيك بهار مهبولة خلي مرا بلاك تتوحم ولا خطيها ارواحي ختي نمدلك
بهار : اقسم بالله تاكلها نخرجهالها من خشمها
رحيل : لالا نتي مهبولة وش بيه جدك معيا وش جيتك في طريقك وش دخلك فينا
خرجت من فما تبكي من اسلوبها هي من عند ربي وحم هذا جاها على بكاء طلعت شومبرا غلقت بابا بيتها .. بكات حتى كرهت نحات قشها ودخلت تحت غطاء تكات
يعقوب : دخل يعيط رحيل رحيل ااارحيل
حنان : وش حاب وليدي مرتك اي مع بنات ضك نعيطلها
دخلت تحوس سقسات عليها مالقتهاش خلعة خرجت تجري ول..د..ي مرتك مكانتش داخل مانيش عارفة وينها
يعقوب : وين حتكون اصبري نعيطلها عيط عليك ملقاش رد ديراكت راسو داه تخمام سلبي دخل لشاف سقسى كشما معاهم مرا من غير لي معاه قالو لالا خرج من فما
شاف : ربي يجيب خير ظاهرة او يحوس على مرا لي جات هذوين شويا
بهار : مانضنش والله كذابة ماشفتهاش طول مع مالين عرس حابة نحطولها مبعد تدوبلي ماكلة ويحسبونا حنا كون ماتكفيش
يعقوب : مالقيتهاش يما وين راهي خليتها في امانتك
آيات : خير خويا وش بيك كشما خصك
يعقوب : رحيل ميش ظاهرة مالقيتهاش
آيات : اصبر ضك نشوف بلاك اي فدوش ونتا شوف بلاك اي في بيتكم بلاك راحت تغير قشها ولا
يعقوب : صح شوفي ختي ولا لقيتيها عيطيلي تعيشي
آيات : معليش خويا ونتا ثاني لا لقيتها عيطلي
يعقوب : طلع في بلاصة درجة بزوج دروج مهم يشوف أسيرة قلبو مرتو ونوارة دارو ام وريث.طبطب عدة مرات لارد حوس على مفتاح مالقهاش مبعد تفكر مفتاح في مخبيه تحت زربية لي عافس عليها جبدو وفتح باب يشوف فيها متكيا حمد ربي وشكرو في نفس وقت ستغرب منها علاه راقدة وعرس قايم كشما يكون صاريلها ؟!قربت ومسحتلها على شعرها تخطفت تشوف فيا تغلق في عينيها وتفتحهم تلاحت عليا حظنتني بادلتها حظن وبستها على جبينها بوسة معززة ..وش بيها عمري متكيا هنا وعرس قايم تحت
بوزة شفايفها مستعدة للبكاء
- كنت مريحة مع بنات مبعد شميت ريحة بكبوكا هبلتني ريحتها سخفت عليها بزاف
يعقوب : علاه مارحتيش لشاف يحطلك عمري
- هذا هو مشكل رحت ولقيت واحد عقربة معاه وهي تبكي حاوزتني ودزتني وانا حامل بولدك قريب طحت على كرشي وضاع منا ولدنا
يعقوب : بقلقة وش بيه عزرينها هبلت قتيلها مولات دار
- قلتلها حبيبي بصح هي دزتني وقاتلي كذابة وزيد بزيادة وحكمت كرشها اي كرشي توجع فيا تشهيت بكبوكا بززاف
VOUS LISEZ
أحببتكِ في اللّٰه (كرونيك جزائرية) جزء 02
Truyện Ngắn(كرونيك جزائرية ) جزء ثاني اتمنى ان تجد القصة اعجاب وتعليقات من كل متابعيني تشجيعا لكي أضيف قصص اخرى احبكم 💗🥺
