حلقة 42جزء 2: امل مينا � سمر : يما مرة هاذي روحو وحدكم مرة جاية نروحو مزال نديرولها فاتحة هاذي نهار عرس بالاربعاء كيما عادات تاعنا وروحو نفرحو للعريس عند رحيل : ياربي زعما صح مرة هاذي يجي ماما شوفي حالتنا والله نخلعو وش رايك روحو نديرو فيها دوش خفيف قاطو كاين وكلشي تع دار موجد فريال : ياحسرة حتهبلينا براجل هذا تقول جايك امير قطر ولاكاس رئيس يخطب وهو حكاية استاذ شريعة غدواء يديك يولي يقولك ديري هاذي وماتديريش هاذي يولي يلبس قميص ويقولك أختاه رحيل : شفت فيها وحطيت يدي على خصري وجاوبتها بنفس طريقة لي تحبها هي ...اولا نتي ماعندك مراحلك فيه استاذ شريعة ولا حتى استاذ رقص ثانيا واحد لا حتم عليك تحضري خطبة ووديجا هيا روحو فريال : وين نروحو رحيل : نحوسو على لي قالك مديلنا رايك برك لأنو لحد الأن واحد لا قالك قوليلي مشاعرك واحاسيسك اتجاه موضوع فريال : ناضت تطلق في دموع تماسيح تاعها ...يووو وانا قلت نجي نفرح لبنت لغالية وخت لغالي بما انك مراكيش حابتني ضك نروح لدار ماما نريح حتى يخلص خطبتك سامي : وين تروحي لقسامك ولا هاذي دارك كيما دارهم اطلعي بيتك ريحي ضك نلحڨك فريال : من عيوني ابن عمي هههه سامي : حكم قبضة يدو وشاف فيها بغضب وعصبية قرب ليها حكمها من يدها وزير عليها وهو حاط عينيه في عينها ...حسك عينك نزيد نشوفك حكيتي مع مرتي بطريقة هاذيك قتلك الف مرة مرتي خط حمر ميش كي نبهدلها ساعات انا تولي انتي يطوال فمك وترديلها كلام وتنبزيها بطريقة هاذيك متنسايش شكون وقفت معاك بزاف مرات ومتنسايش نهار طاحت بيك تطايشي هي لي جاباتك وشفقت عليك ولماتك في دارها ولا نسيتي انا نفكرك
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
