حلقة 109 جزء 2:
(تكملة حلقة 108)
يعقوب : نوضي نوضي وراس حبي نجيبلك حقك ثاني ومثلث
ناضت بزربة من فوق فرش هي ماهمها ولو غير تاكلها جات تلبس شافت لاغوب تاعها وهي حاسة بنغزات تحت بطنها ريحة وحتلبس رفض انو تلبسها قالها البسي عفسة تكون مريحة باش متتأذاش
هبطت حاكمة في يدو ماهمها حتى شخص هي مرتو حلالو وعشقها دخلت معاه تكيل في عقربة
يعقوب : حطيلي سحن بكبوكا
شاف : من عينيا ضك نحطلك
يعقوب : لا حاب هي تحطو وتجيبو هنا للمدام
بهار : معليش سيدي ..سكبت سحن معبي
يعقوب : كولي حبي حتى تشبعي ومرة جاية مين تسخفي على اي شيء قوليلي عمري باسها وخرج
وهي تتبسم بانتصار
بهار : مااسميش كون مانطبقش وش قلت جات فايتا وهي تاكل لعبتها تفركشت وطيحتها معها وهي مسكينة تاكل من بنة ماشفتش وش اي تدير حتى طاحت الارض وكانت ضربة واعرة شويا جاتها في كرشها ..شاف خزر في بهار تع علاه درتي هكذا وخبط راسو
ولات حاكمة كرشها تسطر و تبكي
بهار : نشفلها دم في ركايبها ندمت وش دارت
يعقوب : دخل يجري على صوت بكاها وش بيك عمري وش بيك وش درولك
يعقوب كرشي توجع فيا بززاف من صباح توجع حاسة روحي مانيش مليحة خايفة نخسر ولدنا
يعقوب ولأول مرة يسب ****وش درتيلها هبلتي يوم "*****#
شاف: امسحها فيا والله اي مخصوصة في راسها ماتشوفلهاش
يعقوب بعصبية خبط يدو على طابلة : معلابليش انا بلي جبت مهابل يخدمولنا في عرس
رحيل : معليش حبي طلعني شومپرا نرتاح شويا بلاك ضك نرتاح عمري
طبعها لشومبرا ناض يضحك بطريقة هستيرية حتى ضحكها وش رايك في أفكاري مرتي عزيزة
رحيل : والله ينخاف منك خليتها وجها قوس قزح هههه حمر مبعد صفر ...بصح تعرف والله نضريت شويا صح من عفسة انها طبعتني كون ميش شاف كثر خيرو لي حكمني في اخر دقيقة وهي من غشها حسبت طيحتني صح 😂 دينا ذنوبها اما تستاهل وش داها تقولي كلام هكاك تولي تخمم من يوم قبل ماتدير حركة كيما هكذاك
يعقوب : قوليلي نحيتي شهوتك من بكبوكا ولا مزال نعاود نهبط نطلعلك سحن
رحيل : هههه ضك تحرم انها تدير بكبوكا من يوم ينحيوها من قائمة
حنان شفتهم طالعين شومبرا ماحبيتش نقلقهم بصح طولو بززاف فوق وعلابلو بلي باباه وحيد ماعندوش لي يعاونو من غيرو هو ولدو صح كاين خاوتي بصح كبار مايقدروش وحدهم واسامة لي كان واقف معنا راح يجيب بنت ناريمان من عند حفافة حبت تعاود شعرها وبحكم هي صغيرة ماعرفتش طبطبت باب عليهم اكثر من مرتين غير صوتهم وهوما يضحكو دعيت ربي يدوم ضحكتهم وعاودت طبطبت عليهم حتى فتحولي باب : ادخلي يما سمحيلي ماسمعناكش
حنان : ربي يهديك ولدي فلحق اك مع باباك وخوالك تتعاونو خليتهم وحدهم وطلعت شومبرا وش يقولو علينا
رحيل : صح يقولو مخلوع في مرتو وطلع راح ليها
يعقوب : صح مخلوع فيك ههه لكان كل هذا يوم ومرانيش مخلوع خلات هههه
حنان : مهم ايا انزل ونتي كيف كيف مخليا جو تحت فرحة وشطيح وقاعدة في بيتك علاه
رحيل: لالا طلعت يما نريح برك شويا تعبت وننزل نكمل نقوم بلاواجب نشاء الله على اكمل وجه
حنان : معليش بنتي راحتك سبق من كلشي بصح ضك اني رايحة وندي معايا يعقوب مين تحتاجي اي شيء قوليلي برك نكون عندك
رحيل :لالا يما مشقاش اني هابطة معاكم
VOUS LISEZ
أحببتكِ في اللّٰه (كرونيك جزائرية) جزء 02
Historia Corta(كرونيك جزائرية ) جزء ثاني اتمنى ان تجد القصة اعجاب وتعليقات من كل متابعيني تشجيعا لكي أضيف قصص اخرى احبكم 💗🥺
