حلقة 103 جزء 2:
امل مينا ❣️
نحات تيليفون من وذنها طلبت منها تديرلو بلوك وتتحل موضوع باش مايوصلش موضوع اهلها ويخافو عليها من شخص مجهول هذا
هلال : يلعنك ربي انا بهلول ونستنى في ردهم رد **** لعنة رايح نخسر ويروحو دراهم من يديا ونخسر صفقة ملاير لازم نديها تحت اي ظرف يو نخطفها ونديها
______
يعقوب : مرحبا مرحبا خويا الغالي توحشتك طولت اخويا هذوين تجي
سامي : والله كان ودي نحضر مع اول بصح مع اسف طولت ديت مدام لتونس قبل يخي تعرف وماتلي باسبور ماقدرتش نرجع وغير ضك قدرت نرجع توحشتكم كيفاش فات عرسكم
يعقوب : والله لوز لوز هذوين بدات صهرية مرحبا بيك
فريال : سلام عليكم راحت سلمت عليهم وحدة بوحدة مع عائلة لي ماتخلصش كلما تسلمي على وحدة تزيد تظهر وحدة أخرى حست خدودها طابو من تسلام وشواربها ياكلو وقفت حطت يديها على كرشها لي ولات باينة من حمل : اووف حمدالله هههه
نعيمة : هههه ريحي روحك ابنتي وجهك ولا احمر هههه
فريال : هههه توحشتك ايما وش حوالك سمحيلي مين رحت وخليتكم حاصلين
نعيمة : احي عادي حمدالله جاز كلشي يوم ازهاي او افرحي وتهلايلنا لي في كرشك بزايد علينا هذا هو رسمي
فريال والله مكان ما أحن منها : تعيشي امي الغالية قدمت عند عروسة رحيل جات تهبل روب برنساس بيضة وشعرها مدايرتو بطريقة بينتلها وجها مدور ولون لي فوق عنينها وحتى لينار وطريقة سميتو زادو فيها نص صحصح خرجت تضوي بينهم وبانت بلي عروسة قدمت ليها ..مبروك عليك لعقوبة لذرية صالحة نشاء الله جبدت مكتوب من عندي وباطة صغيرة شوفي باطة مانعرفش وش فيها جابها سامي ويعتاذر منك كي مالحقش لعرسك مع اول كيما تعرفي ضوروف ومكتوب هذا وش عندي يارب ماتلوميش اختك
رحيل جاست هذا كبرو في عينيا والله نعم اخوة مين ماحضرش وخمم فيا وجابلي هدية عرسي وكلشي : بستها ههه اما طليتلها خدها مسحتهولها تحت انظار جميع كاين لي يخزر خزرة انسان حاسد ولي فرحان من قلبو وحمدلله ربي وهبلي قدرة نميز ناس من وجوهم حمدلله
وصلت 12 تع ليل وقت نروح مع يعقوب ونبدى حياتي زوجية او مانسموه قفص ذهبي يوم رايحة نكون على كتاف راجل...درولي برنوس ابيض وهبطولي لڤوال على راسي وقفوني و خرجوني بزغاريت تدوي وصوت بارود يرعد في كل مكان تقول حيحررو بلاد وصلوني ليه حطولي يدي في يدو زير على يدي سلملي على راسي بابا وحضنني خويا
VOUS LISEZ
أحببتكِ في اللّٰه (كرونيك جزائرية) جزء 02
القصة القصيرة(كرونيك جزائرية ) جزء ثاني اتمنى ان تجد القصة اعجاب وتعليقات من كل متابعيني تشجيعا لكي أضيف قصص اخرى احبكم 💗🥺
