عشك الشاهين
للكاتبة زهراء رزاق
#عشگ_الشاهين - ١٦
#zahraa_Rk
ياهَي تريد ؟
من يا سـِٰالفة أبديلِك ؟
ذِكرتك والأغـِٰاني تريدني أبچيلك !
غرام
بريئه وهادئة. ماملك ذره شجاعه عاديه حيل جنت اشوف نفسي. بنيه گضت كل عمرهه بين الكتب وملازم أقوى أمنياتها من هاي الحياة جانت يكلوله دكتوره غرام. التخدير جان اعظم احلامه
دخلت كليه الطب. واني يمكن مقوماتي صفر.
ضليت صافنه شنو هاي البنات شنو هذا المكياج واني حتى مرطب ماجنت اخلي
شنو هاي البس مالتهم. اني أقوى كشخه عدي البس جنز وتشيرت نص رد
بحياتي مالبسه كعب
كل احذيتي رياضيه
كاعده وحدي حتى اخاف أصادق بنيه او ولد.
بس اليوم داوم طالب يجبر الكل يصفن بيه. مدري اني الوحيدة. الي هيج اجرء وطول صفنتي بيه
جنت مرات احسه ينتبه عليه. بس بسرعه أدير راسي.
جان اسمه الشاهين وهواي اسمعهم يكلوله شيخ شاهين. يمكن لان هو هيج شخصيه وهم مبين حيل غني.
هل شخص جان مالك كل حواسي بحيث جنت ابقه سهرانه ليله الجمعه والسبت لان عيوني مشوفه
بكل شي. اشوفه رغم هو سلام ممسلم عليه.
جنت هواي اقره واتعب بس ابد. مو راضيه عله مستواي لان اني انكليزيتي ضعيفه وهاي المسطلحات اول مره اشوفه
بيوم سلمونه الدرجات وجنت راسبه بماده. كوه حبست دمعتي حتى ماتنزل
جان اكو مكان وره القسم مالتنه محد يوصله جان هذا مكاني المفضل اول ماوصلت. بيه شبعت بجي طلعت كل دموع الي بداخلي جنت كاعده ومندنكه راسي. ومستمره بالبجي. جان اسمع واحد يكول ( منو النزل دموعج) رفعت راسي وشفته هو اي هذا هو الي سالب كل ذره عقل بيه حرت وين اشرد. هسه شيكول عليه زعطوط ابجي ضليت ساكته كرفص وكعد كدامي. ورفع راسي. بيده وبعد شعري من عله وجهي وكال
شاهين
اوووف اوووف شهل منضر بويه منو الي مسوي بيج هيج
غرام
راسبه بالتشريح
شاهين
هاهاهاهاهاهاها كل هل بجي لأجل التشريح. اي غير انتي ماتقرين. حايره بس تتصفنين
دون مانتبه لكلامه او كلامي كتله
غرام
لا والله صح أني هواي اصفن بيك بس كومه اقره
شاهين
اهااا ... خوش لعد وين المشكله اذا تقرين
غرام
ماعرف يمكن لان انكليزتي ضعيفة او يمكن ماعرف الخص الماده
شاهين
هذا رقمي منا وهيج ندرس تشريح سوى
غرام
هااا شلون يعني
شاهين
يعني اترجملج المحاضره واكلج شنو المهم وحضرتج تحفضين
غرام
شكرا الك
شاهين
انتي تعرفيني
غرام
اي اسمك شاهين. وجماعتك يلقبونك شيخ
شاهين
هههههههه لا مو يلقبوني اني اصلا شيخ.
ضل بوكته يحجيلي عن نفسه. بس كله مختصر واني هم عرفته عن نفسي. كتله اني عدي اخ واخت وامي وابويه وعايشه بالكراده. وضلينه نسولف وراها صار كل ماعدنه محاضرًت تشريح شاهين يلخصه ويترجمه الي
صح جان يصرف وياي كصديق مو اكثر بس جان حبه. بداخلي يوم عن يوم يزيد. صرت من الأوائل بالتشريح جنت كله في سبيل ينعجب بيه جنت ماعرف شسوي
جنت. احس. روحي اقل من غيري البنات تكشخ وتتانق عبالك رايحات حفله واني من مرات اوكف احجي وياه احس فرقي عن جماعته شعري طويل
جنت دائما اشوف روحي اقل منه بهواي خاصه هو هيبه وجمال. وذكاء.
جنت. اشوف شلون البنات ميتات عليه صح مو كلش يعبرهن
بس جنت اموت من داخلي من اشوفه. يضحك ويسولف ويه وحده.
خلصت المرحلة. الاولى واني عايشه بهيج عذاب. مره لو مرتين رد على رسالئي بالعطله رغم. هواي راسلته.
بالي يمه احس روحي معلكه بيه
ويه هذا الي اسمه ( الشاهين حسن. مظفر ). ماجنت اعوف شي اسمه كرامه او منطق. جنت كلشي ماسحه من حياتي اهم شي هو موجود كدامي رغم هو قليل يعبرني صح يدرسني. ويلخصلي بس مجرد ما يخلص يسد تليفونه ويروح
بدت المرحلة الثانيه. واكيد بعد ماكدر اقترب منه بعذر الدراسه لان صار واضح ضبطت الشغله بس جانت انكليزتي هم مو كلش. ومره رحت صدك اريد منه مساعده. بس رده خله دموعي تنزل كدام الكل من كلي ( باعي بابا ترى اني مامبتليي بيج بعدين شنو معنه متعرفينه ترى اكو شي اسمه مترجم تعبي روحج شويه ). كال هيج وعافني وراح.
جنت اشوف نضرات الاستهزاء بعيون اكثر من شخص والي يباوعلي بشفقه. من رجعت للبيت اصريت على بابا يدخلني كورس لغه جنت اروح وره الدوام. وقتي نمله. صح مانكر بعدني نفسي اني مهوسسه بشي اسمه الشاهين بس. صرت أتهرب منه شي خوف وشي بداخلي يرفض قربه خاصه من سمعت ثنين كاعدات ورايه. يسولفن وحده كالت الثانيه. انتي لضلين تركضين وراه وشيكلج سوين. ثكلي روحج شويه وشوفي اذا ماجاج يركض
ههههههههه من غبائي. طبقت هل شي عله نفسي عبالك شاهين كاتل روحه عليه.
بس صرت ارتاح وصار مامتقيد مني يعني جنت احسه يتهرب مني. بس الفكره اني صرت اهرب منه لان عرفت نفسي مستحيل اسيطر عله مشاعري بوجوده.
وصعدت مرحله ثانيه وجنت الاولى عله المرحلة. بس حتى ذيج الفرحة الي بيوم من الايام جانت كل حياتي هيه دراستي. ماتهنيت وفرحت بيه لان بيومه سمعت من الطلاب يكولون شيخ شاهين خاطب بت عمه البارحه جانت الحفله
احس روحي اختنك هوى اريد أتنفس ماكو بيومه جنت مخليه كحله احس راح اصير دراكولا.
التقيت بيه باب الجامعه مثل كل مره قمه بالاناقه والفخامة. من شافني صفن بيه احسه جان يحاسبني عله الكحله بس كال
