عشك الشاهين
للكاتبة زهراء رزاق
البارت الأربعون
بدة لوّني يتغير هذا شيّ يكفي ،
بدة صوتي يتعثر و أرتجف چفـٰي
أحبك ما گِدرت أخفي .. !
شاهين
يمه وين غرامي.
من كال هيجً احسه يكل للكون كله. ماشوف. غيره. واني زين اعرف هل شي
صح لهسه ماعرفت شلي خلاه يبعد عني
وكمت ماريد افكر بالسبب
بس واضح مثل وضوح الشمس غيري مادخل حياته ولا شافت عينه وحده غيري
من كال هل كلمه. بيهم الضحكه تارسه وجهم وبيهم دنكو خجل
وبيهم مثل نهله ماتو قهر
اني اجيت وكفت يمه. وكتله
غرام
اي أني موجوده شيخ شاهين
صفن بيه وطول صفنته وهمس بذني
شاهين
اني اعلمج عله هل خلقه
غرام
ترى لابسه الي انته جبته
شاهين
لو ادري بيه هيج يطلعج فلا شتريته
غرام
لهل درجه قبيحه
شاهين
لدرجه حتى الطفل صافن بيج. انشاء الون الفضي بعد نلغي من قائمه الملابس
غرام
يعني حلو
شاهين
لا
غرام
عادي مو كلش مهم عندي رأيك
شاهين
اي المهم طلعين سوين استعراض للعالم
هو جان يحجي وياي هم ويوزع ابتسامات. للعالم دست حيل عله رجله يمكن الكعب دخل برجله. هو صار وجه احمر. يعني حقي شنو اسوي استعراض لا ادفن روحي ولان شيخ شاهين ماعجبي
هذا لو بيده يلبسني اسود ونقاب ريطلعني للعالم
هو عصبيته وصلت حده أني شردت كعدت يم امه
هو مايطولً يم النسوان ادري بيه يسلم ويطلع
من طلع سؤالي حركه بيده عود صبريلي
الله كريم شيخ نشوف منو يصبر لمنو
وراها. زهراء كالت
زهراء
ولج شسويتي شاهين ليش هيج عصب
غرام
عزه هاي كله لاحضت عصبيته
زهراء
لا مو لهل درجه بس احنه اهل بيته نعرفه
غرام
سويت قابل دست على رجله بالكعب
زهراء
خرب ببليسج ولج ليش
غرام
خلي يطير يكلي مسويه استعراض
زهراء
يمه يمه الشيخ شاهين بلش يغار آكليه بعد
غرام
لا يمعوده يا غيره هذا بس يريد يتحكم
زهراء
هو مو بحاجه لحجج حتى يتحكم اصلا فارض حكمه عل كل. بس هاي الغيره
وإنشاء الله. عقابه بالغيرة يختلف عن عقاب اخوه علي
غرام
زهراء رحمه لوالديج لا تخوفيني ماناقصه يكفي. الي اعرفه هل شاهين وحش ماحجه تكثرين
زهراء
هههههههههه وحش بطيب كلب واحن كلب. واصدق بشر ممكن تلاكينه
غرام
هو منو يمدح العروس امه وخالته. مانتي بت عمه
ضلينه أني وزهراء نسولف ونشاقه وخطيه هيه المسكينه عباله أني ماعرف شاهين منو لو شممكن سوي غيرته لو عصبيته
وجاي تشرحلي أني ماكتله كل ذني اعرفهن وأكثر
ضلين ساكته وراها اتصل عليه. ستغربت لان اني جنت ناسيه سالفه الطلعه من رديت كتله
غرام
الو
شاهين
هااا والله وزين تكدرين تحجين رغم كيلو الحمره هذا الي مخليته كلت حلكه مينفتح
غرام
لا حبيبي ينفتح وكلشي مابي
شاهين
حيل مشتاقله
غرام
شنو
شاهين
حبيبي
غرام
ترى ماقصدت الي بالك. هيج طلعت
شاهين
واني هم ماقصد الي بالج. قابل أني شقصد
غرام
هسه ممكن اعرف ليش اتصلت
شاهين
اعتقد اليوم. متفقين نطلع.
غرام
يااااااا صدكً نسيت
شاهين
ماشي بدلي وجهزي أني راح اسلم واطلع. الكاج جاهزه
غرام
ماشي
شاهين
غرااااامً
غرام
هااااا
شاهين
ذره مكياج ذره ماريد.
غرام
لا والله. خاف متقبل.
شاهين
هيه مو مال عناد. بعدين انتي. حلوه بلا مكياج.
غرام
كيفي
شاهين
اي حبيبي اطلعي بمكياج وشوفي وشي ثاني. لبسج. غرااااام ماحجه احجي.
وبدون متردين ولا اسمع ردج الج ربع ساعه. اوك باي
