عشك الشاهين
زهراء رزاق
البارت الخامس والثلاثون
هلوووووووووو اياها القوم كل عاااااااام وانتوووووو بالف خيررررر يارب صحه وسلامه وتحقيق الأماني. ويارب نخلص من هل وباء وترجع الحياة طبيعه امييييين يارب
سوري حبايبي اعذروني لان تاخرت بالتنزبيل لان مجنت بالبيت ونت ماعندي
واني كلش اشكر الأشخاص الي. شالو عني والي دخلو عايدونيً واعتذر لان هسه يله شفت الرسال. يعني بعدني مراده عله اي احد
حياااااااااااتي. والله احلا متابعين بالدنيا
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
لو تسمعه .. چا عرفت شسوّه بيّه
لو تسمعه .. چا خفت مثلي ،
وبقيت سنين ، مو وياي ، بيّه
صوت أصابيعك وهنّه يطلعن
من چفوف أديّه !
شاهين
من تريد عني تبتعد احس كون الله بيه يظيك. لا اكدر مثل قبل اجبره بيه. قبل جانت تعشگني
لا اكدر اتركه روحي معلكه بيه
ظليت حاير اباوع بعيونه احس العيون هيه هيه بس فحواها مو هو.
يعني دار الوكت وكرهتني.
رجعته للبيت دون نقاش وهيه دموعه صب طلعت للبصره. بهل ليل
شيصير لو الله ياخذ امانته.
طبيت الفجر. للبيت بس امي كاعده. صلي. اخذت. جنطتي وملابس العسكريه. وسلمت عليه وطلعت
احس الدوام صاير ملجائي الوحيد
مر شهر واني. بالدوام تليفون ما شالت. هاي الي جانت اذا يمر يوم مشوفني تشبع بجي
بس حقه عشر سنين تنسي الابن امه.
رجعت مجبور هذا الاسبوع عرس فهد
لحو هواي نسوي عرسنه سوى بس ماقبلت
رغم كل الي صار بعدني اريد اسويله ذاك العرس الي جانت تحلم بي جنت بالطريق جان يرن تليفوني معقوله هيه شتريد فتحت خط
شاهين
الو
غرام
هلو
شاهين
هلا بيج
غرام
بعدك بالدوام
شاهين
راجع هسه بالطريق
غرام
اخذني وياك
شاهين
تردين ترحين للبصره.
غرام
اعتقد هذا عرس اخوك واني اسمه مرتك
شاهين
يله حضري روحج راجعلج
غرام
كل مجاي اذكر الماضي والي عشته ويه شاهين. اختنك. شاهين جاي يذكرني بكلشي. عشناه بحذافيرهً
يريد يذكرني بكلشي يرجعني وياه مثل قبل وهم بليله وضحاها يرجع يختفي وكان مصار شي.
رجعني للبيت واني بس اريد أسيطر على دموعي ماكو. وصلنه وختفه الي عرفته من مرام ملتحق للجيش
بس وين اكو عسكري يلتحق شهر
هاي بس شاهين هيج دوامه.
مانكر بالي وياه بس اشو احس اهله عدهم الموضوع عادي حتى سالفه اتصاله المعدومة
يعني من يلتحق محد يعرف شيصير وياه
مر شهر وكلشي ماكو أني جنت مصوره راح يلح ويايه. راح يخليني اخضعله لان جان الصراحه هذا الي مبين عليه
بس أني. عن منو احجي عن الشيخ شاهين. يمشي وميدير راسه
وراها اتصلت بيه مرام وهم مريم لحت تريد اروح علمود عرسه. لذالك قررت اروح
جان لازم اتصل بيه حتى لو جان بعده بالدوام هم لازم اخذ أذنه احسن ميسويلي مشكله.
اني جنت أتواصل. ويه زهراء. دائما تقريبا هيه عمره قريب الي وأحسه تفهم شلي اريد سولفنه بالتجهيزات وانطتني كم معلومه عن الأشياء الي حصير
من وصل شاهين. طبعًا بعد تلث ساعات حتى مليت من الانتظار. خابر كال أني بالباب
طلعت لكيته بزيه العسكري منتجي عل سياره. طبعًا شكله خرافي رغم مبين عليه التعب. ومامحلق. وهل سوالف بس مرتب
هو صفن بيه. والله. اليوم اذا حجه الله ميخلصه
لابسه ثوب عدل. اسود وفوكاه بشت بيجي وشالي اسود. وحذاء كعب بيج. ومكياج هادء.
طبعًا وره الصفنه الطويلة. كال.
