عشك الشاهين
للكاتبة زهراء رزاق
البارت العاشر
جنت نايمه شارده من واقعي الي اتعس منه ماكو. ماحسيت غير انرفعت من شعري. ونشمرت بالكاع اباوع. فهد متحول. لوحش. وشارب. وبيده تليفوني. نهاني ضرب سب. غلط كلمات بعمري مسامعتهن. واني ماعرف شنو السببب. فقدت الوعي. جواه واني مادري. شنو السببب.
ماعرف شكد صارلي اني عله هل الحاله. بس من فتحت عيوني جان فوك راسي. وكال.
فهد
لو تموتين ماطلگجً. لو تموتين. ماخليج تتهنين وياه. صرتي بيتي وبعدج وياه ولج عل اقل امشي بصلج. لا ضيعين تربات الشيوخ ولج من وراج هجيت من كل مدينتي. شسوي بعد.
هو يحجي وعصبي نار بارود وماعرف. ليش داخلي هل برود. باوع عليه وكال.
هو يحجي وعصبي نار بارود وماعرف. ليش داخلي هل برود. باوع عليه وكال.
فهد
بعمري ماصورت راح ينزل راسي والسبب مريم
مريم
تدري صايره. استلذ بعذابك
من كتله هيج يمكن شفت كل أنواع العتب بعيونه بس ماحجه شي كال
فهد
هيه هاي الي اترجاهه من. الي متصون. شرفه.
اني حتى مشي ماكدر امشي باوعت شفت تليفوني. مشمور بالكاع بألف يا الله. كمت. هو يباوع عليه بستغراب. طبعا هو نيته. يكمل تعذيب. واضح هذا الشئ اصلا يمكن جان منتضرني اصحه حتى. عيد امجاده
اني سحبت التليفون. كام يريد ياخذنه مني. كتله
مريم
دقيقه. اني وين رايحه هل كدامك. مامعقولهراخابر صاحبي كدامك.
من كتله. هيج هستر عل اخر اني حاولت اكعد لان ماكدر ابقه واكفه جسمي ميعيني. هو ضل رغم. ثورانه. يباوع شراح اسوي. اتصلت على شاهين. شويه ورد كال
شاهين.
هله بالعروس المختفيه
مريم
بيوم من الأيام جنت. ابجي. ومقهورة. اكول اني. ماعدي اخوان. وانته كلت. لا انتي عدج شاهين اخوج الي. يحرك العالم لخاطرج
شاهين.
بعدني اخوج اليحرك الكون الخاطرج
مريم.
شاهين. المره من تغلط يحاسبونه أهله. مو هيج
شاهين
اي هيج
مريم
شاهين اليوم. رجلي تهمني بشرفي وعرضي. انتو انطيتوني لواحد يشرب ويدور نسوان. وكل مساوء الله. بيه. بس اليوم هان شرفكم وترباتكم ويكول على بت عمك. تربات الشيخ مظفر. بله اصل خويه اذا برأسك. غيرهه عله عرضك رجعني لبيت ابوي
أني من كلت لشاهين هيج فهد سحب التليفون مني وسده بيس بيه كتل. وهو يسوي
فهد
ههههههههههه شعبالج اكو احد يكدر يخلصج مني لو مثلا اذا. شاهين ادخل راح يسوي شي. ولج فوك مارضيت اخذج وأستر عليج.
ضل يهدد ويصيح وأخر شي طلع وقفل عليه الشقه ومآخذ تليفوني. مر سبوع اني بس الميح وجوده بالبيت وره الأسبوع وذيج الكتله دخلت للحمام سبحت وطلعت جنت لافه روحي بالمنشفه ادري هو ماموجود. طلعت دخلت للغرفه. بدلت ومشطت درت وجهي. اريد انام عل جربايه واشوفه مدد وصافن عليه. كتله بخوف
