وهاي ثلاث بارتات لعيونكم
#عشگ_الشاهين - ٧
#zahraa_Rk
زين ادري بيه تحبني ههه او يمكن جانت تحبني. واني بعدني متوهم. انو هيه تحبني يمكن صدك مثل ما كالت الجدي أني ماشفت غير فهد كدامي.
طلعت من يمه واني شياطين جهنم كله تركض گدامي. وبلحضه قررت انهي كلشي وقسمت قسم انو ماخليه تصير الغيري. لا ارحمه ولا. اخلي رحمه الله. تنزل عليه.
بس سمعت وحده من بنات عمي تگل الثانيه ومايدرن أني وراهن
- شفتي مريم شلون الضحكه تارسه وجهه تمشي وسوي صرت مرت الشيخ فهد
- اي وليش ماسوي. هيج هو فهد منو محصله. والي سمعته عايف خطيبته علمودهه
هنانه. حرت شنو قصده من هذا الي جاي سوي. معقوله تمثل كدام البنات حتى ميحسن هيه مجبوره لو هيه صدك فرحانه بيه
كل شويه تخطر فكره براسي اخر شي رحت بدلت وحضرت نفسي
وعقدنه بس مادخلت عليه رغم جانت كاضي اليل كله افكر شراح اسوي من اشوفه وهيه مرتي
وقبل مايخلص كلشي كلتلهم اجاني اتصال لازم اروح. شاهين صفن عليه وصگر همس لي
صگر
شبيك يول. ليش مادخلت باركت المريم. وهسه شنو سالفتك ليش تريد تشرد
فهد
لا يابه شنو القضيه اشرد ليش بس كتلك شغله مهمه ولازم اروح
عفتهم وطلعت رحت. بدلت ملابسي وطلعت لبغداد. اريد اشرد. اكيد. من راح يرجعون راح شاهين يدخلني تحقيق. وماريد احد يعرف شصاير وياي
كمل العقد. وفهد مادخل. جنت متمنيه اشوفه. وجنت متوقعه راح يعاند ويجي بعد ماعقدنه ردته حتى لو شغله عناد بس يكلي. مبروك
اي شي حتى لو ينرفزني بكلامه بس فهد مادخل. وحتى وره ماراحو الناس الغربه وبقينه بس حنه عمام وخوال أني صعدت بدلت ونزلت أمي كالت عمامج يردون يسلمون عليج همه وجدج
تصورت راح يدخل وياهم لان اهنانه اجباري يدخل بس الي فاجئني من عرفت. هو عايف العقد عل نص وطالع ضلت غصه بداخلي صح أني. جرحته هواي بالكلام بس ميوصل ربع. جروحه الي تركه بيه ومازال يجرحني
ضليت ساكته واوزع ابتسامات
مر سبوع وهو ماكو كالو رايح لبغداد. شنو رايح لبغداد شيسوي. حتى مافكر يتصل بيه يكلي. شلونج اخبارج واني صرت على ذمته محسوبة. مرته
اخر شي رجعت لحياتي الطبيعية. بدلت وطلعت للجامعه وهنانه جانت الصدمة. جان عدي زميل ويايه بالجامعة اسمه. فراس
هذا ولد كلش حباب وخلوق ودائما يساعدني. وميقصر ويايه بشي بس اليوم مدري شبي حتى من سلمت مارد السلام الطلاب. باركولي وهو حتى عل خير ما كال
وره مخلصنه محاضرات جنت اريد اطلع واشوف. فهد كدامي حسيت بفرحه بداخلي رغم جنت زعلانه منه قبل ميوصلني سحبني فراس من ايدي. وكال
فراس
ليش مريم. ليش هيج سويتي بيه ليش ماكلتي من البدايه أني محجوزه لابن عمي. ليش مالمحتي مجرد تلميح. والله جنت راح افتهم. وابتعد. ليش هيج سويتي بيه بشنو ضريتج أني.
هذا شيحجي شيسولف أني كل همي فهد. الي طك خشمه دم اباوع عروك ركبته طكت وهذا لازم ايدي. ومستمر يعاتب عبالك. جانت بينه قصه حب وهسه خنته.
فهد أتقدم علينه سحبه من ياخته وجابه بوكس فلش خلقته وكال.
فهد
انتي كدامي السياره
طبعًا فراس بعد ذيج الضربة. ما كام من مكانه ضل نايم بالكاع. صعدت وياه بالسيارة. وهو يسوق بس وحش موفهد حتى ماباوع بوجهي.
هنانه أني رغم خوفي الي يمكن راد. كلبي يوكف كتله بكل ثقه
مريمً
تعرف مرتك شنو لو يحتاج اشرحلك الي صار
فهد
ههه وصلتي بيتكم انزلي
مريم
المعنى شيخ فهد
فهد
اسمعيني. دكتوره. أني كبل. ماحجي. احد كتلج رفضج الي رد اعتبار لو. اكو شي ثاني.
مريم
بوكته جاوبتك
فهد
اي. اي. اي جاوبتي. بس للأسف جان عدي شك. وهسه تاكدت من رفضج شنو سببه. بس خليه ترجيه باذنح. مو شيخ فهد الي ينضحك عليه.
مريم
فهد
فهد
اسمعي زين كلام زايد ماريد. اولا. جامعه بعد ماكو. ورجال وطالع من ضهر ابوه. يكدر يكلي لا. ثانيا. مو شيخ فهد الي يأخذ فضاله غير ويصير بيه هيج. انتي من اليوم حرمتي عليه. وهم اريد اشوف الي يدافع عنج. ويكلي مو من حقك. وآخرهن. اذا سمعت مجرد كلام صاير واحد متقدم الج ويريدج. تندفنين بارضج
مريم
فهد أني راح. اسوي الي گلت عليه لان بيوم من الأيام. جانت هاي الأشياء. مقابل. ضحكه اشوفه منك لا شيء بس وحق الحق يا فهد
خاف جنت. اگلب وجهي كدامك وبداخلي. امدي احضنك
لا هسه صار داخلي وخارجي واحد مو أني الي أرخص روحي هيجً ولا. اني الي ارضه واحد مثلك يحطني بركن حالي حال اي وحده من الشارع.
مو بت عمه الي ربيت وياه سنين وكدامً عينه
گلتله هيج ونزلت واني احس كل. شي بيه ينزف صح فهد حلمي بهاي الدنيا
بس بنفس الوقت اكو شي يكول مو كل الأحلام. تتحقق واكو أشياء. وان حصلت عليه مو ضروري تتهنه وتفرح بيه
الصراحه بعد الي صار بيني وبين فهد فقدت الإحساس احس روحي فارغه ماكو شي بداخلي. واصرف عادي وطبيعي
اروح لبيت جدي واضحك وأسولف ويه الكل. وأختي زهراء تحير شسوي. وشتحضر. لعرسي تكلي انتي اختي الوحيدة. وفهد اخويه. الغالي
راح اسوي كلشي يخطر بالبال لعرسكم.
لا اگدر اگله هذا العرس من الأساس مراح يصير. والأستاذ فهد اصلا لغاه ويگول عن اختج افضالات غيره. ولا اگدر اسكت.
مر شهر واني فهد حتى وجهه مشايفته
مانكر اختفائه خوفني.
والكل يسال ليش تركت الجامعه. واني حتى عذر مقنع ماعندي
إلى ان بيوم جانت اكو عزيمه بيت جدي وشهر رمضان وكلنه صايمين وجان شاهين نازل مجاز.
سمعت صوته. عالي وهو يصيح عله فهد فهد.
ماعرف. شصار بيه اريد رجليه تصعدني الطابق الثاني ماكو اركض وأحس نفسي بمكاني
نزل شاهين يركض وبيده سلاحه. وصگر وراه وهم شايل اسلاح
اني. جلبت برجلين شاهين كتله
مريم
فدوه اروحلك شبي فهد
شاهين
زهراء زهراء
زهراء
ها خويه شبيكم يا ستار شهل سلاح
شاهين
دخلين اختج جوه. وممنوع اسمع احد موصل خبر لامي
مريم
صگر فدوه كلي شبي فهد
صگر
ماكو شي
هذا كل الي سمعته منه عافوني وطلعو لليل دخلو. همه وعباس ابن عمي بس أني شنو منا صايمه ومنا الخوف الي ملك كل شبر بيه شبيج ولج مريم موعلساس. تكرهينه وبعد ماتريديته ليش هيج صرتي
دخل شاهين وصگر ساند فهد عله جتفه. ورأسه ملفوف. ويده بيه جبصين صابيه
بس هذا ليش هيج معقوله هيج ضعفان وصاير فلم لان رمضان وصايم. دخلو. لغرفه جدي وجدي ماحجه شي. ولا سالهم
بس خطيه عمتي ضلت تتوسل شاهين بس كالله
شاهين
كلشي مابي مرض مايطبه الي يجي من ايده الله يزيده
هنانه حرت شسوي اباوع عله جدي يباوع لفهد بحسره وناهد. وعمتي حجايه والثانية وكالت
ام علي
ليش يا يمه هيج سويت بروحك شني الي غاثك فهمني
فهد
يمه كافي. ( يسولفً بصعوبه. كوه يحجي )
علي
يمه روحي افطري منا عالم وناس ماريد احد يحس شصاير
ام علي
يمه واخوك جيبوله. فطور يمه مريم جيبله. صينه اكل
من كالت عمتي هيج هو غمض عيونه وشاهين گال
شاهين
كلشي لا جيبين. خلي يصوم بالأول وبعدين يفطر. مأكل. ومكثر هسه تلكينه كلشي مابي
هنانه ستغربت فهد مستحيل يفوت يوم واحد من رمضان. وليش هيج شاهين. يحجي وياه وضعه صعب وهو طايحله رزايل كدامنهً
طلع الكل واني واكفه عل باب جان يكولً
فهد
روحي وياهم انتي حالج من حالهم.
قبل مارد عليه. صاح شاهين من وراي
شاهينً
تاكل تبن محد لعب بروحه غيرك. خوش
فهد
ترى لصبح وماشوف وجهي بعد بس خلي أمي وجدي ينامون
شاهين
اي يكون أفضل. بيت الشيخ مظفر مايشرفه يدخله واحد مكسر سوالف مثلك
فهد
شاهين كافي.
شاهينً
حتى مره بعد مالك. وفضيحت اليوم. ادفعك ثمنه لو مو اخوي ابن امي وأبوي. سمعت
فهد
ههههههههههههههه هههههههههه ولك يامره انته شتخربطً. هو منو الي كلك وهمك عدي مره أني. هاي مجرد خيال شبح. واسمع مريم ومكتوب باسمي.
انيً صافنه. واباوع بالوجوه فهد شمسويً عله اي أساس. شاهين يطرده من البيت ً. بس من كال هيج. شاهين صفن صفنه طويله وكال
شاهين
انتو. شصاير بينكم
فهد
ماكو شي. وانتي لضلين واكفه. فوك راسي علساس كلش هامج. ادري بيج هههههه يمكن حتى كمتي بصلاة اليل تدعين اموت.
أني عفته وطلعت شاهين واكف ماكدر اسوي شي بس مستحيل يمر اليل وماعرف شصاير. مثل ما جبر حبسني بقفص اسمه فهد. غصبا ما عليه يفسر. شجاي يصير
