عشك الشاهين
للكاتبة زهراء رزاق
البارت الخامس والعشرون
بعد ليشَ أكتب رسـِٰالة و ليشّ إتـٰاني ؟
مالي وحشهَّ و أدري موَ فـٰارغ مكِاني !
غرام
بعد ماتركت العراق وسافرت انقطعت عني اخبار الكل. احمد ومرام يمكن نسو عدهم أخت. تليفون واحد محد شال عليه.
بس جهاد جان دائما يسال عني ويتواصل ويايه رغم اني أسلوبي جاف وياه بس هو مانسه احنه ولد خاله واجبه يهتم بيه
بيوم جنت توني راجعه لشقتي ورن تليفوني باوعت الرقم عراقي. رديت
غرام
الو
صگر
سلام عليكم خاله ابني
غرام
صگر. شنو شلون يعني خاله ابنك يعني مرام حامل
صگر
هدي هدي شويه ترى مرام جابت مو حامل
غرام
هسه راح احجز وبالهوايه باجر بليل اني بالبصرة
صگر
اي وهو هذا المطلوب.
غرام
هههههه صدك والله مرام صارت ام
صكر
ههه اي واني عود ابوه
غرام
الف مبروك. يتربه بعزكم
سديته من صگر واني الدنيا ماتوسع فرحتي رغم الرجعه للعراق وبالذات البصره يعني موت اليه من ارجع من جديد التقي بيه بس مو مال اعوف مرام وحده بهيج يوم
حجزت بأول طياره لبغداد. ورها بساعين طرت ١٦ ساعه ودخلت بغداد. جانت الدنيا ضهر رحت لأقرب مرل عليه بعد ماحجزت البصره طياره.
رحت اشتريت كل التجهيزات للطفل لان العاده تكول أهل الأم. يجهزون اول طفل. ما بقيت شي ماشتريته اتوجهت للمطار اني وجنطي. وصلت البصره الساعه ب ٩ بليل.
أخذت تكسي ورحت لبيتهم. الطفل عمره يوم وأحد. هذا الملاك الي كدر يجبرني افرح بعد كل هاي السنين
من دخلت. مرام مجانت موجوده. ماخذه صكر حتى الدكتوره جيك وضعه سلمت عل كل. خطيه جانو كلش يخبوني بس اني ابنهم هاجم حياتي شلون احبهم ماعرف
سالت زهراء على الطفل كالت خليته بغرفه جهالي صعدت. بسرعه حتى مانتضرت. هيه تجي وياي لاكتني عامله. تنضيف اشو هاي اخذتله صفنه بيه وراحت
اول مافتحت باب الغرفه شفت اخر شخص اريد اشوفه. بزي العسكري. كاعد. عل كرسي بحضنه ابن مرام. وبصفه الطفلة. غرام. وحسن ابن اخوه. يلاعب بيهم. لايكله حيل دور الاب. هو مانتبه عليه. جان يحجي وياهم. من كال ( غرامي ) احس. الدم بجسمي وكف
شاهين
(غرامي ) باباتي. هذا اخوج الجديد. واسمه الشاهين يعني صارولج حراس ثنين ( الحسن والشاهين ). اريدج تحبينه هواي مثل متحبين حسوني وتلاعبينه انتي وحسونيً
حسن
عمو هذا ابن ماما مرام مو.
شاهين
اي حبيبي هذا اخوك وابن عمك وسندك. أريدك. تحبه وتلعب وياه وتخاف عليه مثل ماتحب غرام
حسن
اي عمو هذا اخويه الجديد
شاهين
عفيه بالبطل
حسن
عمو انته شوكت جيب النه اخ جديد
شاهين
حبيبي انتو كلكم ولدي واني ابو الكل.
حسن
لعد شوكت يجي مهيب
من كال حسن هيج احس. شاهين تغيرت ملامح وجه خله ابن. مرام بكاروكه. وكال وهو يبوس حسن
شاهين
حبيبي هذا مايجي.
من اندار حته يطلع شافني صفن بيه
