عشك الشاهين
بقلم زهراء رزاق
البارت السادس والثلاثون
دومك عايش أبالي ،
وخيالك فوگ جفني أندگ ..
تعال وخلي نتعاتب ،
ولا تجفي من أگول الحگ ،
چم مرسال وديتة ،
وگبل لا ينفتح ينشگ !
غرام
نيته يعذبني. عذاب نفسي يدري بروحه مالك كل جزء بيه. وبعده يسوي هل حركات.
ماريد ارجع لهل جحيم. ماريد بس ماكدر بعد اقاومه اذا ما سوي الي يريده زين اعرف بيه مراح يتركني
اول ماخليت. راسي بركبته نزل دموعي هو بسرعه بتعد. وكال بخوف.
شاهين
غرام شبيج
غرام
ماريدك.
من كتله هيج. عافني بهدوء وطلع. ماعرف شسويت أني لو شصار بس عدي احساس. تالي هل حركه مو خوش حركه من كد ما بجيت. احس راسي راح ينفجر أني وملابسي. نمت عله سريره الي مليان بعطره
مشبع بيه
هل عطر الي تبدي وتنتهي حياتي بي
حسيت الصبح على حركه بالغرفه بس مافتحت عيوني. وره فتره كعدت لكيت جنطتي يم الجربايه طلعت منه ملابس ورحت للحمام. الي بالغرفه
جان. كلش حلو ومرتب اصلا عباره عن مرايات.
سبحت وبدلت. وتعطرت ورتبت مكياجي
ونزلت. ويه مرام. الي ستلمتني اساله شبيج وليش لحد مهلكت اجيت اكله كلشي مابيه فلم
بس عفته وراها خاله ام شاهين ضلت تعرفني عل عالم الموجودة. شكدهم كومه
جت كاعده بصف خاله ودخلت. نهله شكد اكره لهل بنيه سلمت عليه من وره خشمه ماعجبه ام الوسخ. اخته رفل كالتله
رفل
نهله شيخ شاهين من الصبح يدور عليج. وين جنتي
نهله
خير ليش شصاير
رفل
مادري بس هذا هل اجه
غرام
ضليت صافنه شاهين شيريد من نهله. هو ماشافني. جان لابس كلابيه سوده اوووف ربي هل رجال يموووت جان يكله
شاهين
الله جابج وين من الصبح
نهله
بيتنه شيخ بس كول امر
شاهين
مايمر عليج ضالم. بس اخبار الخيل شو حصاني ماكو
نهله
موجود يمنه اخذته قبل سبوع جان يصهل ولام العرب لذالك اخذته
شاهين
زين ماسويتي شافه طبيب
نهله
شيخ صگر وصه واحد من الحراس وجابله طبيب شافه
شاهين
خير انشاء الله وهم اريدج. بشغله ثانيه
نهله
دلل شيخ
شاهين
اليوم جايني خطار واريدج طبخين يعني مال عشرين شخص
لان اليوم الطبابيخ عدهم اجازه. والي بالبيت يطبخن للي بالبيت هل شوفينه متروس
نهله
من عيوني شيخ دلل والفرس هسه اجيبه الك واجي
شاهين
تسلمين ماتقصربن
ضليت صافنه. يتعامل وياها مثل رجال ومرته مو بنت عمته وشمعنه هيه من دون الكل. تهتم بخطاره. سلم على نسوان كاعدات الي عرفته ذني عمات ابوه. وطلع مابوع بوجهي
زهراء جانت كاعده بصفي ولاحضت. كل الي صار جان تكول
زهراء
انتي وشاهين على خلاف
غرام
لا ليش هل سوال
زهراء
لان واضح ومبين. بس اريد اكلج شغله. الكل يدري ومتأكد. شاهين من اختارج تبع كلبه مو عقله. وهل تصرفات. جاي تثبت هل شي
غرام
شلون يعني
زهراء
واضحه مبين شاهين يعرف انتي متعرفين اي شي عن الطبخ. وهنهههه مرت شيخ ماتعرف تطبخ تعتبر عيبه بحقه. وهل راح خله نهله الي تسوي الغده مو انتي
غرام
الصراحه. أني اعرف اطبخ بس شاهين ميعرف هل شي. يعني الي يعرفه قديمًا أني صح ماعرف اطبخ بس هسه لا فنانه
زهراء
هههههههههه خوش لعد اخذي مكانج ولا تنطينه لاغيرج لو بينكم خرب
غرام
شلون يعني
زهراء
شوفي نهله من هيه زغيره تحضر روحه حتى تصير الشيخه من بعد عمتي لان معروفه الشيخ من بعد جدي الله يطول بعمره. هو شاهين. لذالك. هيه تشتغل على روحه من جنه زغار. تعلمت ركوب الخيل وشلون تتعامل وياهم. اتعلمت. شلون تتصرف بهيج مواقف. يعني بين قوسين شنو ممكن يخطر بال شاهين بخصوص. زوجه المستقبل. هيه تلكينه بيه. لذالك ديري بالج. واني هنانه وياج
وراها بفتره طلعت للحديقه. الي وره البيت. لان شفته جان اشوف هاي الي اسمه نهله. جايه عله ظهر حصانه وهو واكف حاط ادينه بجيوبه. وكفت بصفه باوعلي بستغزاب. هيه نزلت من الفرس. وكالت
نهله
شيخ هذ حصانك. واني رايحه اطبخ الغده
غرام
ماله داعي.
نهله
شنو الي ماله داعي
غرام
الخطار. خطار الشيخ شاهين. والي يطبخله مرت الشيخ شاهين. ماله. داعي. نتعبج واني موجوده.
نهله
وانتي شمعرفج بطبخنه وشلون نطبخ لو شيريد الشيخ شاهين نطبخ. خطارنه هنانه مانقدمله فنكر وبرگر.
غرام
العندي كلته وانتهى
كلتله هيج ودخلت طبعًا ماحجيلكم عن شاهين وصدمته. خلي هو يحجيلكم
شاهين
الصراحه. موقف غرام. والي صار البارحه. خلاني ابتعد عنه تبجي ولا تقترب مني معقوله هيج كارهتني. الصبح أني شفته يم امي بس جاهلته. جنت احجي ويه بت عمتي خطار جايني. والبيت هوسه شصير زهراء. صح اكو شغلات وياها بس مو مال هم ازيد حمله.
كلت النهله تطبخ لان ادري طبخه لا يعله عليه
اشو شويه. واشوف غرام بصفي. وانطت. مجموعه أوامر.
ههههه هله والله هاي عايشه الدور. دخله بجو صاحبه الامر المنتهي بس لا يا الله. هاي بيضه ماتعرف طك شهل بلوه. لحكته. قبل متوصل البيت. سحبته للبستان.
هيه تباوعلي باستغراب. كتله
شاهين
هاي من شوكت صرتي طباخه بله سوالف المزعطه جاي خطار من غير محافضه
غرام
اعتقد هذا الكلام كوله الروحك وبطل سوالف المزعطه انته
شاهين
شنوووو ولج انتي شتحجين. شنو نسيتي روحج
غرام
لا مانسيت شي. وأدري أني وياك هامج مو اكثر. بس كدام العالم. أني مرت الشاهين. لذالك اتصرف عله هل أساس لو تخليني اروح بسبيلي الخلاف الي يصير بيني وبينك حده. باب الغرفه سمعت لباب. الغرف. خلي يطلع باب الغرفه ياشاهين وشوف شسوي.
شاهين
انتي منو
غرام
اني نفسي بس قبل ماجنت احتاج اثبت وجودي. لان جان وجودي فوك الكل بس هسه ادري أني وانته مو مثل قبل بس خليه بالك. شما جانت مشاعرنه والي صاير بينه. دير بالك شاهين. تتعداني
شاهين
ولج هاي تهددين منو
غرام
جاي انبه حضره الشيخ بس انبه أني ماهدد. والله ثم والله. اطلع بروحك وروح هاي الثوله اذا اظطريت
غرام أني جنت احجي. وشاهين. صافن هههه خرب حضي الرجال. تخبل طبعا. زهراء كالتلي شاهين يعشق المره القويه وتاخذ حقه بيده. صح يحبه مطيعه بس قويه.
اذكر اول مره حاجاني جنت ابجي لان راسبه. وكل مره يشوفني مهزوزه وضعيفة لذالك دائما يكول. كلبي الي اختارج مو عقلي.
لذالك يا شيخ شاهين. ادري اعلمك اذا جانت غرام مثل الي بعقلك شممكن سوي
رحت للمطبخ ويه زهراء. وطبخت الاكل. حتى دولمه شويت رغم هو جان رايد بس تشريب. لحم وبرياني. وكملت الزلاطه وهل سوالف وهم مرام خطيه ساعدتني يعني بيت قوسين جان اكو دعم ويايه. رفعت راسي. اريد اشوف احد يكلبلي جدر الدولمه لان جبير. وماكدر اشيله. وحدي. جان اشوفه دخل للمطبخ. كتله
غرام
شيخ شاهين
شاهين
نعم
غرام
انعم الله عليك اذا مصير زحمه. بس اكلبلي الجدر ماكدرله
شاهين
اي ليش لا تددلين ادري بمرتي. مايعه مابيه شيل كلاص مي
غرام
همست باذنه
اي والله مايعه لدرجه ممكن اشمك هسه ونشوف منو المايع بيته.
غرام
ههههههههههه ماعرف منين جبت هل جرئه وحجيت هيج بس صدك لو كالو كيدهن عظيم. اني اعلمك والله لعيشك حرب. اصبرلي هو سكت بس شنو كصته عركت اباوع عله ركبته طكت دمراته
اي اي بعد وبعد. اني اعلمك
يتبع..
