:ليت العمر مر ولا لمحت طرف عينه
......
شب ناره وجلس بعد ما سوا له شاهي وبدا يشربه وجنبه عوده و فروته عليه و متلثم
سرح بأفكاره ما انتبه لشخص اللي يراقبه ، فز لما سمع صوت وراه
وقف وسحب مسدسه وشغل انوار سيارته ويتلفت يبحث عن مصدر الصوت
توسعت عيونه لما لمح شخص يركض ومر من جنبه بسرعه وركب سيارته وقفلها بلمح البصر
تنح مكانه وقرب من جهه السايق بعدم استيعاب وضرب الشباك سمع صوت خفيف ، قرب من باب السياره :- هاه!
رفع صوته وهو يرجف من البرد :- في وجهك في حمايتك
تنهد ومسك راسه متورط مايعرف اذا ذا جني ولا بشر :- في وجهي من انت وش جابك هنا؟
فتح جزء من الشباك وناظره بعيون ذبلانه وحمرا :- بيذبحوني قبيلتي
وسع عيونه بصدمه ونزل شماغه ودخله من فتحه الشباك :- انت في وجهي انزل و تدفى عند النار
ورجع جلس بمكانه جنب النار وشرب كاسه الشاهي بسرعه مو مهتم بالحراره يحس بريقه نشف
نزل بعد تردد كبير وتلثم بشماغه وجلس جنبه وهو يضم نفسه من البرد ولا ناظره يحس بخوف مو طبيعي ومستعد اذا حس بتهديد من طرفه بينحاش
تنهد ومسح ع وجهه وفصخ فروته و وقف ورا الجالس يرتجف وغطاه فيها وراح لسيارته وسحب علبه مويه وكاسه
جلس ومد له المويه وصب له شاهي :- اهد الحين وعلمني وش سالفتك من البدايه
شرب المويه كلها واخذ كاسه الشاهي يدفي فيه يدينه :- ديرتنا فيها قبيلتين قبيله جدي وقبيله ماعديه لنا والناس اللي منها خبيثين اتفقوا علي عشانهم يكرهون جدي وابوي
همهم بتفهم وزاد من الحطب فوق النار ورجع يتأمل عيونه :- زين كمل ليش يبون يقتلونك!
بلع ريقه بتوتر من نظرات اللي جنبه بس حس بشويه ثقه شرب من الشاهي وحس بمرارته مثل مراره قلبه الان :- اجذبوني لبيت خالي مافيه احد كنت احسب بلاقي فيه ولد عمي حمد بس لقيت فيه بنت معتدي عليها وهي من القبيله الماعديه لنا واطلبوا قبيلتها اتزوجها ولا بيذبحوني وقبيلتي يبون يذبحوني ولا اتزوج منهم
ناظره بحزن على حاله وحلف بداخله يساعده قد ما يقدر :- وانت هربت منهم بس وش قالوا ابوك وجدك؟
تنهد وسحب كميه كبيره من الهواء البارد :- ما قالوا شي ماعندهم رايي بعد كلام الناس
مد يده ومسح على كتفه من فوق الفروه بلطف مو متعود يظهره :- في وجهي ومحد يقرب منك الا بأذنك
ابتسم له من تحت لثمته ويحس بامتنان لانه تفهم الوضع ، انتبه لعيونه الكبار تصغر بشكل لطيف استوعب انه يبتسم له
