كايد ماهو يلين لمن بغاه
..سراج..
......................
دخل البيت و وراه البدر اتجه للمجلس وبدا يجمع الحطب ويشب النار وعيونه كل ثانيه تناظر الجالس بمكانه وابتسامته خذت عقله
يبتسم مثل الغبي واذا لمح بدر يناظره يخفي ابتسامته ويشغل نفسه بالنار لحد ما دفى الجو
بعدها حط الدله قريب منها عشان تكون حاره اذا جاهم احد ، قرب من بدر وناظره :- اليوم لازم تتضبط
ناظره بدر باستغراب :- ليش اتضبط ما فهمت؟
ضحك ذياب ومسكه من يده يسحبه وراه :- اول شي بشوف اذا عندي لك ثوب يناسبك بعدها تتروش و ابخرك بالعود حقي بس هاه ترا محظوظ محد يتبخر فيه غيري
ابتسم بدر ولحقه وهو يفكر وش سوا بحياته عشان يقابل ذياب هو حسنة حياته الوحيده بعد اصحابه وعمه
دخل لداخل البيت وانتبه لصوت بجهه اليسار بس ذياب دخل ممر بجهة اليمين وكان في نهايته باب
دخل ذياب وناظر غرفته ورجع ناظر بدر باحراج :- يعني شوف هي كانت نظيفه بس مدري وش صار هنا
ضحك بدر وجلس بالارض يشوف ذياب يرتب اللي يقدر عليه وبعدها خرج ثواني ورجع وبيده مجموع ثياب مكويه وجاهزه
نزلها ذياب وجلس جنب بدر وابتسم له :- شوف هذي ثياب اخوي اختار اللي يناسبك وبعدين بنشتري لك شي جديد
همهم بدر و وقف وبدا يشوف وفعلا لقى له واحد مناسب له بس حسه طويل شوي رفعه وحطه على اكتافه يتأكد ، ناظر ذياب اللي معدل جلسته ومتكي على مخدته و يناظره :- تشوفه طويل بزياده ولا!
ابتسم ذياب و وضحت نبره الحزن بصوته :- شوي بس محد بينتبه اخوي كان طويل اطول مني حتى
استغرب بدر من كلمته كان اطول مني ليش كان يعني بس ما سأله واكتفى بالسكوت
تنحنح ذياب و وقف وهو ياخذ له ثوب ولبسه داخليه وناظر بدر واشر على دولاب صغير بزاويه الغرفه :- هناك بتلاقي كل شي جديد ومحد لبسه خذ اللي يناسبك بروح اتروش انا وبعدها بسخن المويه لك
هز راسه بدر ولمح ذياب يلف بسرعه ويمسح عينه وبعدها علق ثوب وخرج ما ركز كثير وانسدح على مفرشه الكبير مناسب لحجم ذياب وكبير لحجمه هو
ابتسم وعدل مخدته تحت راسه وقدر يستنشق ريحته القويه استنتج ان هذي ريحه بخوره المميز
ضحك بخفه وغمض عيونه يفكر بأهله وابوه واخوانه وجده الشيخ وفوقها عمه مايدري وش يسوي الحين من بيقدر يهديه عشان ما يسوي لهم مصيبه اكيد قالب الدنيا عليه يدوره
تنهد وانسدح على جهته اليسار مقابل باب الغرفه وعقد حواجبه ولحد الان مغمض عيونه
او يمكن صدقهم وسكت لانه مو موجود يوضح سوء الفهم اللي صار والناس تضغط عليهم ويمكن مو مصدقهم بس ينتظرني اجي وافسر له السالفه
