استمتعوا ياحلوين
تجاهلوا الاخطاء الاملائية
............
يَفدَاه قَلبِي لِي سَكنْ بَه
.......................
عدت ليلتهم على خير وبعدها انصرفوا الضيوف وظلوا البدر ونواف وسعود بالمجلس وناموا فيه ومعهم ذياب طبعا
وسراج رجع لبيته ويحس بضيقه بصدره ومجروح
فزاع وسلاف نايمين بحضن بعض من شدة البرد وحاسين بالدفىء متجاهلين دقات قلب فزاع المزعجه والقويه
....
الساعه 5:44 بعد صلاه الفجر
خرج من بيته بعد ما افطر مع امه وخوانه ، يمشي ويغني ويحس بنظرات الناس له لانه الوحيد اللي بالقريه متعلم ودارس ويحسونه مجنون
دخل لبقاله سراج وابتسم لما لمح محمد اللي بادله الابتسامه بهدوء ، وقف قدام الارفف وسحب له علبتين تونه وعلبه مويه كبيره
قرب من محمد ومدها على الطاوله قدامه واشر بعيونه للرف اللي وراه وكان عباره عن سجاير كثيره بأنواع مختلفه
همهم محمد كـ رد له وسحب له علبه وبعدها حطها بكيسه ومدها له
اخذها وحاسب وخرج كان بيمشي بس وقف وهو يناظر ذياب ولد خالته وهو يمشي ومع ثلاثه اول مره يشوفهم
استغرب معقوله هم سبب عزيمه امس اللي ماقدر يحظرها لانه تو يرجع لقريته بدايه ساعات الفجر
مشى لاتجاههم ناوي يسلم عليهم ويحتضن ذياب صديق طفولته واخوه الكبير
خطواته شبه كبيره وسريعه وهو يدندن بصوته الجميل والثقيل :
قولوا لمن صابني يعطف علي
وان كنت مخطي فلا يزعل علي
وان كان جاني حبيبي ما علي!
خلو حبيبي يجيني واساله؟
ابتسم ذياب لما سمع صوته ولف له بسرعه وبدا يغني معه بصوته المبحوح :
ابكي على ما جرالي ياهلي
قلبي انا من المحبه مهتري
ولا حصل من يحل المشكلِ
ما ناعم العود انا اللي بساله
ضحك لما كملها وقرب من ذياب وضمه بقوه ، بادله ذياب ويده تسمح على ظهره ويتمتم له بكلام غير مسموع لثلاث الواقفين
................
صحى سلاف وناظر فزاع اللي اخيرا نام واضح التعب بعيونه
جلس وانتبه ليده اللي كان منسدح عليها حس بتأنيب الضمير لان فزاع ما غير وضعيته من امس وفوقها هو نام على يده
تنهد و وقف مايبي يصحيه افضل شي يقوم من نفسه ، قرب من خيله اللي انتبهت له وقربت له بحماس
ضحك ومسح على جبينها وانتبه لمشط بالمركب حقها اخذه وترك المركب على الارض وبدا يمشطها ويلعب بشعرها وهو يغني بهدوء وشبه همس :-
