( استثناء لكم )
استمتعوا يحلويني
............
أشهد أنك فوق عرش الزين ذروه .
............
الساعه 2:30 فجراً
صحى مفجوع لدرجه فز من مرقده بدون ما يحس بنفسه
ناظر مكانه ومرقد شيخه الفاضي ، خرج من الخيمه يركض حافي
الكل نايم ومافيه دليل على صحوة احد
زاد الخوف بقلبه بعد كابوسه وخاف ان ممكن هداج صاير فيه شي
توجه للشبك وانتبه لظله وركض بسرعه وهو يصارخ بأسمه
رمى نفسه بحضن هداج اللي حضنه باستغراب منه ما صار له اكثر من اربع ساعات من تكلم معه عشان الناس الي يبون هداج لبنتهم
طبطب على ظهر عناد وابعده عنه يتأمل وجه محبوبه :- وشفيك يولد ؟
تنهد عناد براحه ورجع يحضن هداج ويستنشق ريحه عوده القويه :- اشتقت لك
ابتسم هداج ونزل يدينه لفخوذ عناد وشاله مجلسه فوق الشبك وصار بطوله وتنحنح ويدينه تسمح وجه عناد المبلول :- وش حلمك ؟
بلع ريقه عناد والتفت للخيل اللي قربت منهم وتركت راسها على كتفه كأنها عارفه وش حلمه :- ما تحلمت وخلاص ازعجتني بروح
ضحك هداج ومسك عناد قبل ينزل وقرب وجهه منه وباس انفه :- طيب اهجد
ابتسم عناد وشد هداج له اكثر تارك راسه على صدره ويحس بدقات قلبه السريعه وهمس له :- انت اللي اهجد لا يوقف كل هذا حُب لي ؟
كتم ضحكته هداج وشال عناد متوجه لخيمته :- طيب تكمل نومتك شرايك
هز راسه بايجاب وابتسم لما هداج نزله على مرقده بشويش وانسدح بجنبه يدفنه بصدره ويدفيه بفروته
عدل سدحته هداج ويده بشعر عناده يلعب فيه وهو يتناسى فكرة ان عناد تحلم بشي وخاف وجاه ركض لدرجه نسى زعله منه اليوم
انسدح على جنبه وباس عيون عناد اللي غط بنومه ورفع شعره عن وجهه وغمض عيونه لعله ينام ويريح نفسه بعد تعب سببه عناد له ولقلبه
.....................
بداية النهار 6:00 صباح
صحى هداج ومدد جسمه بكسل وناظر جهة عناد الفاضيه
وقف وتوجه لخارج الخيمه وبدا يغسل وجهه ويتوضى ، انتهى وصلى الفجر
ولما خلص دخل خيمته وبدا يسوي به قهوته الخاصه من غير القهاوي اللي يسويها القهوجي
انتهى بعد وقت وجلس بنص الخيمه وبدا يتقهوى وهو يفكر وين ممكن يروح عناد من الصباح ولا يقومه معه
