استمتعوا يحلوين
تجاهلوا الاخطاء الاملائية
....................
ضايقن صدري وفاقد لي حبيب
واحد قفا ولا ادري ويش سوا
ماذبحني غير قبل انه يغيب
غير يوم انه على صدري تلوى
..................
فزاع سلاف .
صحى بكسل ومدد جسمه يحسه متكسر ، انتبه لسلاف جالس جنبه ويناظر التراب وسرحان وتعابيره حزينه
جلس فزاع وقرب منه ومسح على ظهره يجذب انتباهه وابتسم له :- شفيك
تنحنح سلاف وعدل جلسته وناظر فزاع وابتسم بدوره :- ولاشي انت تعبان؟
عقد حواجبه باستغراب ومبتسم وناظر خيله :- لا مو تعبان
همهم سلاف ويده تحت خده و ضام رجوله لصدره ويناظر فزاع :- انا قلت لك كل شي صار معي بس انت ما قلت لي شي
ناظره فزاع بأهتمام من كلامه وتنهد وهو يمد رجوله ويتكي بيدينه ورا ظهره :- وش تبي اقولك اسألني وبجاوبك واذا السؤال ماعجبني ما برد
ابتسم سلاف بحماس وعدل جلسته بسرعه وقرب من فزاع :- اول شي ليش خيلك فيها جرح برقبتها وانت فيه جرح برجلك؟
ناظره فزاع بصدمه ورافع حاجبه :- شعرفك
سلاف بلع ريقه بتوتر من نظرات فزاع :- شفت جرحها لما كنت امشطها وجرحك لما كنت نايم وضح لي
همهم فزاع واكتفى بعدم الرد ، توتر سلاف ومد يده يمسح على عضد فزاع اللي سرح بافكاره العميقه لدرجه ما انتبه له وفز
ناظره سلاف بخوف لما شافه بدا يرمي تراب على مكان جلسته بعد ما سحب سلاف من يده يوقفه عشان محد ينتبه لأثارهم
كان واضح على ملامح فزاع الغضب وانه يحاول يمسك اعصابه بقوه
قرب منه سلاف ومسك يده يناظره :- اسف فزاع مو قصدي خلاص مو لازم اسالك او اعرف عنك شي
تنهد فزاع وناظره لثواني بعدها سحب يده ومشى لخيله وبدا يرتب مركبها ناوي يمشون وسلاف يناظره بحزن وزعلان من تجاهله له
.................
دخل الدكان وناظر الشياب متجمعين ويسولفون ، توجه للثلاجات وسحب له بيبسي وعصير ليمون وكم علبه مويه
قرب من المحاسب ومافيه احد تنهد والتفت يبي ينادي محمد اللي يسولف مع الشياب ويضحكهم
بس سكت لما دخل سراج ومعه واحد ركز بملامحه وقدر يعرفه هذا اللي جاهم اليوم الصباح يسلم على ذياب وصوته حلو
ابتسم سراج وناظر سعود وقرب منه :- سعود وينك مختفي مايصير نشتاق لك
بادله سعود الابتسامه وانتبه لملامح الانزعاج الواقف جنب سراج :- انشغلت مع البدر والله انت وينك لا تمرنا ولانشوفك؟
