ياسعود ما أتعَبتني السِنين أنتظارك

البارت الحادي عشر

بقلم الكاتبة دنو ال عبدالله ✍🏻

حسابي الانستا: 4dn_ox

{البارت الحادي عشر}

بِسْمِ اللَّـهِ الرَّحْمَـٰنِ الرَّحِيمِ

وطلعت غزال بدون شي يسترها بفستانها الي شافه عليها قبل ساعات
سلطان: غزالتي ادخلي للداخل
غزال: سلطان ما أبي بروح لأختي
سلطان ضمها لصدره
سلطان: قلت لتس لا
غزال تضرب صدره بقهر
غزال بدموع: سلطان فكني بروح لها
سلطان ضمها بزياده لصدره
وبعد ثواني استوعبت غزال انها بين ضلوع سلطان
غزال بخجل: سلطان فكني انكتمت ، هز راسه وقال: تمام
سلطان وهو يناظر بعيون غزال أجته الشجاعه لحتى يعترف بحبه لها قال : غزال انا هايم فيتس
غزال الصدمه ارتسمت على وجهها وفضلت انها تصد بدون كلام او أي ردة فعل
صدت عنه غزال بدون أي ردة فعل
غزال بنفسها(ياربييي قلبي يدق بسرعه كيف بصارحه انه انا بعد احبه)
وتوجهت للداخل
~
بغرفه غزال
غزال كان على كتفها شماغ سلطان
غزال اخذت الشماغ واستشقت عطره
غزال ذابت بعد الريحه وقالت: اوفف يازينه هو وعطره
وحطت الشماغ على سريرها وتوجهت تنزل عند الحريم بعد ما عدلت الميكب حقها واختفت ملامحها انها كانت تصيح
~
عند الحريم دخلت عليهم غزال
غزال: السلام عليكم
الكل رد عليها: وعليكم السلام
وجلست غزال عند البنات
غزال بهمس للبنات قالت: بنات لاحد يقول لحد عن ألي صار
دانا: لا تخافي قلت للبنات قبل ما تقولي
غزال ناظرت دانا بحُب وردت عليها: يازينها الي فاهمتني
وجود بغيره: ياهووو ترا نحن هِنا
رغد بغيره وتناظر وجود قالت: عندنا مشاعر اعتقد
ردو البنات كلهم: ونحن بعد عندنا مشاعر
ضحكت غزال ودانا عليهم، دانا بضحك قالت: انتم تحبون تدمرون اسعد لحظاتي
غزال بضحك: فديتهم الغيورات يازينكم
وكملت غزال كلامها وقالت: بنات نظرات امي تقتل اكيد شاكة بغيابي بروح اشوفها
وراحت غزال جلست عند أمها
ام ضاري بشك: وين كنتي
غزال بدت تبان ملامح التوتر عليها وقالت: هااه يمه كنت بعدل الميكب حقي لانه خرب، ردت ام ضاري وقالت وهي تحاول تدور على عهد: عهد وين مب شايفتها جالسه مع البنات
غزال توترت زياده وقالت: ءءءاه عهد راحت مع ضاري، ردت امها وقالت بأستغراب: ليه وين راحت مع ضاري
كانت بترد عليها غزال وقاطعهم كلام دانا
دانا وهي تحاول تنقذ غزال من الموقف قالت: غزال روحي قولي لجدتي ان العشاء جاهز
استأذنت غزال امها وراحت هي ودانا
غزال زفرت براحه: اخخ يا الراحه يازينها متقذتي
دانا بنرجسيه: دانتك للأنقاذ دائمًا
غزال: حقتس تكوني نرجسيه بذي
دانا:اقول خلينا نروح نقول لجدتي عن العشاء
غزال بتعب: انا بسبقك لغرفتي وانتي قولي لجدتي
هزت دانا رأسها بمعنى "اوكيه"
تقدمت دانا عند جدتها وقالت بهمس: جده العشاء جاهز
الجده نوره: تمام يا حبيبة جدتها
وقفت الجده نوره وقالت بصوت جمهوري: ياحريم تفضلوا على العشاء
و ابتدا الكل يتجمع على العشاء وبدوا يتعشون ما عدا غزال ودانا
~
عند غزال بغرفتها دخلت عليها دانا
دانا لمحت الشماغ وقالت بأستغراب: غزالتي لمين ذا الشماغ
غزال توردت وجنتيها بخجل قالت: لسلطان
دانا والصدمه على وجهها قالت: وششششش كيفف  قولي القصه من البدايه
وابتدت غزال تقول كيف شي صار
غزال: ولما طلع من الطبخ قال
"مستعد ابيع عمري لأجل اشوف عيونتس
وش ابي في العمر وأنتِ عيونتس احلى منّه"
دانا بصدمه: حيييي عينه ولد العم ابشرتس طايح فيتس
غزال: اصص
دانا بأستغراب: مافهمت وش قصة الشماغ
غزال بخجل: ضمني لصدره، دانا كانت تشرب قهوه وشرقت فيها قالت: وششششش
غزال بخجل: وقال أنا هايم فيتس
دانا بدت تعمل حركات تمثل انها ذابت
دانا: خلاص ذبتت من الكلام كل ذا قاله سلطان مستحيللللل
غزال لانت ملامحها زفرت وقالت: انا صديت عنه ما اعطيته جوابي
دانا: اوف منتس ليه ما قلتي له وانا بعد هايمه فيك
غزال: توترت ما قدرت انطق شي حسيت لساني انربط ما قدرت اجاوبه
دانا: ياعزتي لسلطان تلاقيه الحين متضايق ومعصب
غزال: راح اخليه يسامحني بس مستحيل بذي الايام اعترف له واقول له وانا بعد اشاركك بنفس المشاعر والاحاسيس
دانا: سلطان ما يقدر يزعل منتس راح يسامحتس بس بدها وقت
غزال: أي والله خلينا نروح عند الحريم
دانا: تمام ياقلبها
غزال: فديت قلبتس
دانا: فديت إلي يفداني
اتجهوا ينزلون عند الحريم
~
عند سلطان
بعد ما تركته غزالته بعد ما اعترف لها بحبه تصد عنه تركته غزالته هايج معصب ومتضايق
مد يده لجيبته واخذ بوكيت دخانه و ولاعته
ولع زيقارته وينفث بعصبيه وفتح ازرار ثوبه بضيقة
سلطان بينه وبين نفسه(انا وش ذنبي يوم قلت لها ألي بقلبي تصد بدون أي تعبير)
سعود طلع لبرا ينادي سلطان لحتى يتعشى لمحه واقف لحاله ويدخن توجهه سعود عنده
سعود بأستغراب: علامك يا العضيد
سلطان زفر بضيقه: ضايق يا عضيدي
سعود: يا العضيد تخاويني
سلطان بأستغراب: وين
سعود: للرياض
سلطان: تمام، وركبوا السياره متوجهين للرياض
على مخارج الديره
سعود: اييي وش العلم يا العضيد
سلطان: ضايق
سعود: ترا انا ملاحظ عليك وضعك مهو بعاجبني
سلطان: خلينا نوصل للرياض وبقول لك
سعود: تمام
~
في الرياض في مستشفى ******
عند عهد وامجد وضاري
ضاري: امجد لا هنت يا أخوي في علاجات اصرفهم وتعال
امجد: أبشررر
ومد يده ضاري لجيبته يطلع البوكه
امجد: عليي بالحرام ما تدفع شي انا بدفع
ضاري: ما يصير
امجد: توكل على الله ماباخذ شي منك انا الحين بروح اصرفهم
ضاري استسلم بعد محاولاته ان امجد يقبل ياخذ فلوس لحتى يصرف العلاج
ضاري زفر وقال: تمام لا تتأخر
امجد: تمام
وتركهم امجد وراح يصرف العلاجات
بذا الوقت عهد كانت تسمعهم سمعت نفس الصوت الي سمعته اول ما طاحت عليهم هو نفسه حب الطفوله ونفسه الي تسمت ليه زوجه له من الصغر
فتحت عهد عيونها وشافت ضاري فوق راسها
ضاري بفرحه: الحمدلله انتس قعدتي
عهد بتعب: وش صار ليه انا هِنا
ضاري: لأنتس طحتي علينا ماشاء الله ما تاكلي شي
عهد ماتحب جلسات المستشفى وقامت بتروح
ضاري بخوف: هوب هوب وين رايحه
عهد بتعب: للبيت ما بجلس بالمستشفى
ضاري: بنرجع للبيت بعد ما يخلص المغذي ونتطمن على حالتس
عهد: مافيني شي
ضاري: الدكتور لازم يقول ذا مب انتِ
عهد: اوف ما أبي برجع الحين
ضاري: الحين يجي الدكتور انتظري
دخل عليهم الدكتور وبدا يشوف حالتها
الدكتور: الحمدلله على سلامتها
ضاري: الله يسلمك، دكتور تقدر تطلع بعد ما يخلص المغذي
الدكتور: حالتها كويسه تقدر تطلع بعد ما يخلص المغذي
واستأذن الدكتور وطلع من عندهم
عهد: شفت قلت لك مافيني شي
ضاري: بتصل على غزال اطمنها عنتس
عهد: تمام
اتصل ضاري على غزال
غزال: هلا ضاري وش صار معكك
ضاري: عهد بخير بننتظر المغذي يخلص
غزال: بكلم عهد
مد ضاري الجوال لعهد لحتى تكلم غزال
عهد بتعب: هلا يا قلبي
غزال: خطاتس الشر عهدي
عهد بتعب: خطاتس الاش
غزال: متى بترجعون
عهد: ذا الكلام لازم تقوليه لضاري
ومدت الجوال لضاري
ضاري: هلا
غزال: متى بترجعون
ضاري: بعد ما يخلص المغذي بنرجع
غزال: تتوصلون بالسلامه يا عيوني
وقفل ضاري الاتصال واتصل على امجد
~
عند امجد بعد ما صرف العلاج وانتهى من كل شي نَور جواله معلن اتصال احد عليه وكان المتصل ضاري رد عليه امجد وقال: هلا هاه وش صار معكم، رد عليه ضاري: الحمدلله كل شي بخير وجا الدكتور وتطمنا، ابتسم امجد بخفه وقال: الحين جاي لعندكم وقفل الأتصال
~
"عند سعود وسلطان تحديدًا بالرياض"
وقف سعود سيارته وقال: هاه يلا قول وش مضايقك يا العضيد؟؟
رد سلطان: قبل ما اقول لك ابي اكل
سعود: انا اساسا لما جيت عندك كنت رايح اناديك تاكل وبعدها طلعنا للرياض رد سلطان عليه بصدمه: ماحد يدري انه نحنا هِنا
سعود: ايوا ماحد يدري
سلطان: اتصل على رنيم وقول لها انه نحنا بالرياض، رد سعود عليه: يشيخ اصبر بنروح لماك نجيب شي ناكله
سلطان: يلا بسرعه
ووقف سعود سيارته لحتى يطلب وبعد ما انتهى من الطلب جلسو ينتظرون لحتى يجهز الطلب
سلطان: سعود اتصل على رنيم وقول لها
سعود: ابشر الحين اتصل
واخذ سعود جواله واتصل على رنيم
~
"عند البنات"
دانا:يابنات ترا بكرا راح نروح للمزرعه كيف استعداداتكم، ردت عليها ميهاف بحماس: اشتقت لمتيمي، ردت دانا على ميهاف وقالت: اشتقت لأبهري اوفف متى يجي بكرا
وجود: وانا اشتقت لزامري
رنيم التفت للباقي: خيرر كأن نحنا مب موجودات الوو من كوكب الأرض لدنو و وجود وميهاف
ضحكوا البنات: هههههههههههه
وجد: انا اخاف منهم
ميهاف بصدمه: وي احد يخاف من الخيول يا زينهم
دانا بضحك: منجدتس تخافين وربي انه ما عندتس عقل
وقاطع سوالفهم وضحكهم أتصال سعود على رنيم
ردت رنيم عليه وقالت: هلا سعودي
تدخلت وجود بينهم وقالت رنيم افتحي سبيكر
رنيم: اص يا الملقوفه
وجود: افتحي اقولل
وفتحت رنيم السبيكر ورجعت تكلم سعود
سعود: رنيمي انا وسلطان بالرياض
غزال فزت لأسمه تبي تشوف وش صار عليه تبي تطمن عليه هي حاسه بندم انها ما قالت لسلطان أيوا انا احبك مثل ما تحبني
رنيم بأستغراب قالت: ليه انتو بالرياض
سعود: العضيد متضايق ورحنا للرياض
ميهاف بنفسها (واي يا زين صوته اذا كان كذا صوته اجل كيف شكله وجع ميهاف من متى انتِ خفيفه)
رنيم بخوف على سلطان: وش فيه اخوي متضايق
سعود: متضايق من شي صار معه
غزال زاد عندها احساس الندم والتفت ل دانا وقالت بهمس: انا السبب انا الي ضقت عليه الوسيعه
دانا: غزالتي ماعليتس راح يتصلح كل شي
وجود: سعود وش فيه سلطان خليني اكلمه
واخذ سلطان الجوال من و رد عليهم وقال بصوت تعبان: انا بخير ماتخافون
غزال بهمس ل دانا: ياقلبي عليه واضح انه تعبان بسببي
دانا: يوه غزالتي راح نحلها ماعليتس لاتزعلي
رنيم: سلطاني وش فيك
سلطان بتعب: مافيني شي يا عيون سلطانتس
رنيم والدموع امتلت محاجرها قالت: سلطان لاتخوفني عليك صوتك ترا واضح وش فيك
سلطان اعطى الجوال ل سعود
سعود: رنيمي يلا بقفل وان حد قال لتس وين سعود وسلطان قولي لهم طلعوا للرياض عندهم شغل
رنيم: منجدكم وش فيه سلطان
سعود: خلاص راح تعرفون قريب
وقفل سعود الأتصال
غزال تسارعت نبض قلبها وش قصد سعود انه قريب
دانا غمزت لغزال وقالت بهمس: قريبب معقول راح يتزوجتس
غزال احترت من كلامها وخدها صار لونه احمر وقالت: اصصص
وقبصت دانا
دانا بألم قالت بهمس: اخخ عورتيني يحيوانه خلاص ماراح يتزوجتس
غزال بهمس: اقول اصص
وجد بتسأل: وش الي قريب
رنيم: مدري خلاص خلينا نصبر لحتى نشوف متى يجي هالقريب
وكملو سوالفهم وتخطيطاتهم عن وش راح يسون بكرا بالمزرعه
~
"عند ضاري وعهد وأمجد"
وصل أمجد على المستشفى واتصل على ضاري لحتى يطلع له
أمجد: هلا ضاري انا برا انتظركم
ضاري: يلا جايين
وقفل الأتصال
وبذا الوقت طلعو ضاري وعهد
مد ضاري يده لعهد لحتى تستند عليه
وبذيك اللحظه شافت عهد حب طفولتها مستند على السياره ويلعب بجواله
التفت أمجد لهم وشاف حب طفولته الي تسمت له من وهم صغار متوجهه له
أمجد من فرحته بدا يرحب فيهم وقال: ارحببب
ضاري: البقى يا الخوي
امجد: الحمدلله على السلامه
ضاري: الله يسلمك
وركبت عهد بالسياره وقلبها تسارع نبضاته
وتحركوا للديره
~
"عند سعود وسلطان"
طلب سعود الاكل
سعود: ايوا هاه قول لي وش صاير وش فيك متضايق
سلطان بضيقه: طحت بحب وحده
سعود بصدمه: وشش بمن طحت
سلطان بضيقه: بحب غزال
سعود: غزال بنت عمي سالم، رد عليه سلطان: ايوا بنت عمي سالم
سعود: وش قلت لها انت لحتى ل ذي الدرجه متضايق
سلطان زفر بضيق وقال: اعترفت لها بحبي لها وهي صدت بدون سبب
سعود: يمكن استحت منك يرجال
سلطان: كأن بأمكانها انها ترد بس اهم شي تطمن قلبي انها تحبني
سعود: انت اعترفت بوقت غلط ماكان لازم تعترف لها الحين
سلطان بضيق: هي ماتحبني انا ادري
سعود بعصبيه: ليه تقول انها ما بتحبك ليه تحكم عليها يا العضيد لازم تصبر لحتى يجيك الرد والجواب منها ما يصير تحكم عليها وهي ماردت لك جواب
سلطان بتعب: انا انكسرت يا العضيد انا وقت ماجاتني الشجاعه اقول لها هي تصد ليه ليه تصد
وكمل كلامه سلطان وقال: انا ما راح اتقدم لها الا لما هي توافق عليي وتقول انها تحبني
سعود: تبي تنتظر رح تقدم لها لحتى ما تروح البنت من يدك انا من الحين جالس اقول لك
سلطان: يتخسى ويتعقب احد ياخذها ماراح اسمح لحد ياخذها مني
سعود: يعني تبي تنتظر وتقابلها وهي ما تحل لك
سلطان بعصبيه: هي تحل لي ما تحل لغيري
سعود تأكد ان اخوه يحبها وهايم فيها بس ما يقدر يسوي شي غير انه يبقى مع اخوه بكل خطوه يخطيها
سعود: دامك تحبها تقدم لها لحتى ما تروح من يده
سلطان: ياسعود أفهم انا ما أبي اتقدم الا لما هي تحبني
سعود: من الحين بقول لك اذا كذا بقيت على ذي الحاله راح تروح من يدك
سلطان رفع راسه للسماء وشاف القمرا
سلطان بنفسه(احاول ما أتذكرك وكل ما شفت القمرا تذكرت)
_______________
ارحبوووووا يواحشيني💗✨، عُدنا ببارت لذيذ يحبه قلبكم اعذروني على القطعه ينجومي✨
اتمنى ينال اعجابكم ادعموني بنجمه لحتى استمر ولا تحرموني من تعليقاتكم الحلوه ينجومي✨
حسابي الانستا: 4dn_ox بنزل عليه أول بأول
استودعتكم ربي💗✨