ياسعود ما أتعَبتني السِنين أنتظارك

البارت السادس عشر

بقلم الكاتبه دَنو آل عَبدالله✍🏻

{البارت السادس عشر}

بِسْمِ اللَّـهِ الرَّحْمَـٰنِ الرَّحِيم
غزال والدموع بعيونها: ما ابيك دامها عناد
سلطان: يعني تكرهيني يابنت سالم؟
غزال مسحت دموعها بعنف وقالت: دام الشغله عناد ايوه بكرهك يابن يوسف
سلطان زفر بعصبيه ورمى الزيقاره على الارض وقال: انا تقولي لي ذا الكلام ؟
هزت غزال راسها بمعنى "ايوه" ، كمل كلامه وقال: في وش غلطت دامني قلت لتس أني رايدتس بالحلال وين الغلط
غزال والدموع بعيونها قالت: قلت لك مب جاهزه ليه مستعجل !
سلطان بقهر وعصبيه قال: انتِ تبيهم ياخذونتس مني كذا ترتاحين يابنت سالم
غزال بدموع وخوف من نبرة صوت سلطان اللي تغيرت مجرد ماعصب سلطان وعروق يده اللي برزت مع عصبيته قالت: ومين قال اني ابيهم ياخذوني منك بس ان كانت الشغله عناد انا ما ابيك ياولد عمي
سلطان بعناد: جهزي حالتس هاليومين انا رايح اقول لجدي الليله عني وعنتس وعن موضوع زواجنا يا حَرم سلطان بن يوسف ال سعد
غزال بعناد: تخسى اخذك ان كانت عناد يابن يوسف
سلطان سحب عليها وتركها بحيرتها وخوفها انه يتقدم لها ذي الايام
دخلت غزال عند البنات بكل هدوء التفكير شاغلها
ساره لاحظت على وجهه غزال انها مب طبيعيه فكرت صاير شي ببنتها وقالت: غزالتي حور فيها شي
غزال طلعت من بحر تفكيرها وقالت: هاه
ساره: حوري فيها شي
غزال: لا مافيها شي جالسه عند الرجال مع ابوها
ساره ارتاح قلبها وقالت: اوف الحمدلله افكر صار فيها شي
غزال: لاتطمني هي بخير
جلست غزال بين البنات والتفكير ماخذ عقلها
عهد لاحظت على اختها وتقدمت جلست جنب غزال وقالت: وش فيتس ياعيون اختس
غزال والدموع بعيونها: ولا شي ياعيونها
عهد بخوف على اختها بعد ما شافت دموعها: يوهه ياعيون اختس ليه الدموع وش صاير قولي لي
غزال مسحت دموعها وقالت بنبره حزن: دنو وين
لينا: عند اسطبل الخيل ،  وكملت لينا كلامها وقالت غزالي وش فيه صوتس كذا في شي
غزال: مافيني شي ياعيونها بس بروح عند دنو
وتوجهت غزال عند دانا تبي تفضفضلها وتقول لها وش صار
~
"عند الأسطبل"
دانا وهي جالسه تلعب مع خيلها دخلت وجود عندها
دانا بصوت عالي: وجودد فينتس ليه تأخرتي
وجود: رحت اشوف سلطان
دانا: تصالحتي معه
وجود: ايوه
وضحكت وجود وضحكت دانا معها
دانا وهي بعدها بتضحك قالت: انا بدخل عند البنات
وجود بانت ملامح الزعل وقالت: يعني بتسحبي عليي، ردت دانا وقالت: يابنت بنسوي العشاء للرجال والحريم وبعدها بنلعب
وجود: لعاد اذا تسذا بالليل بنروح عند الخيول
دانا: يعني بتدخلي معي للداخل عند الحريم
وجود هزت راسها بمعنى "ايوه"
دانا: أجل يلاا
'
وتوجهوا لخيمة الحريم ، وقابلت دانا غزال كانت متوجهه لها ، لاحظت دانا و وجود ملامح غزال، وجود بأستغراب قالت: غزال فيتس شي؟
تنهدت غزال تنهيده طويله وقالت: ابد مافيني شي بس ودي دانا بشي
فهمت وجود عليها ودخلت لعند الحريم
دانا بخوف من ملامح غزالتها قالت: ياغزالة سلطان وش فيتس
غزال زفرت بضيق: بالله عليتس لاتجيبي طاريه
دانا الشكوك لعبت فيها وقالت: كنت متوقعه من ملامحتس انه في شي يخص سلطان
غزال: عشان كذا جيتس
دانا مسكت يد غزال ومشت فيها لخلف خيمة الحريم
دانا ناظرت بالمكان لحتى تتأكد ان مافي حد يسمعهم لكن كانت جاهله الشخص اللي كان جالس قريب عندهم وقالت: وكذا تقدري تتكلمي وش السالفه يا غزالة سلطان
غزال بدت تقول لدانا كل شي من البداية لحد النهايه وقالت: يبي ياخذني وانا مب جاهزه
دانا بتسأُل قالت: صح انتِ تبيه وين اللي مب جاهزه تستهبلي غزالتي
شابكت غزال اصابعها ببعض ونزلت راسها وقالت: اخاف منه واحبه واكرهه
دانا بصدمه: تكرهيهه !!
غزال كانت ماكانت تقصد انها تكرهه لكن الشخص اللي سمع كلامهم تأكد انه غزال تكرهه تقدم لعندهم وسارع خطواته متوجهه لهم وقال: وش سويت لتس لحتى تكرهيني
غزال ودانا بصدمه: سلطان !!!
سلطان بعصبيه: ايوه سلطان لعاد الجني
وكمل سلطان كلامه وقال: يابنت خالد ودي غزال بكلام يعني اعطيني مجال
تركتهم دانا ودخلت لعند الحريم والتوتر واضح على وجهها
'
جلست دانا جنب لينا
لينا بأستغراب من ملامح دانا: فيتس شي دنو
دانا: مافيني شي ياعيونها
لينا: ترا ذا الكلام مايمشي عليي وش العلم
دانا: ابد بس تعبت عند الاسطبل تطمني مافيني شي
لينا حطت يدها على قلبها وقالت: مع انه ذا مب مرتاح بس بالوقت اللي تحسي نفستس تبي تقولي لي انا موجوده
دانا: تدرين اني احبتس؟
لينا ضحكت بخفه وقالت: ايوه ادري وانا بعد احبتس ياعيونها
دانا: جعلني فدا عيونتس
'
نرجع عند سلطان وغزالته ،
بعد ما تركتهم دانا ودخلت
سلطان بعصبيه: انا تكرهينيي !!
غزال بجمود: ايوه
سلطان: انا مب مصدقتس ناظري عيوني وقوليها
تقدمت غزال رفعت راسها لحتى تقدر تكون متوازيه له وقالت بجمود: اكرهك
سلطان ناظر عيونها وقال: شعور متبادل يبنت سالم
غزال بعد كلمته انصدمت منه ودموعها بدت تملي محاجرها قربت عليه وصارت تضرب صدره والدموع سبقت مشاعرها وقالت: لعاد خلك بعيد عني ما أبيك خلص تعبت
سلطان جلس يناظرها وكان ساكت
وكملت غزال ضرب وقالت: ليهه ساكت !!!
سلطان ببرود: وش تبين اقول خلص مافي بعد كلمتي شي ينقال فيه
غزال مسحت دموعها بعنف وقالت:
اكرهك ، اكرهك ، اكرهك
سلطان زفر بضيق وقال: مطوله ؟
قبل ما تتكلم غزال سلطان صدمها بصدته عنه
صد عنها وتركها كانت اثقل خطوات يخطيها سلطان كانت كل خطوه عباره عن وجع وجرح بقلبه وحلف انه ماعاد راح يشوفها دامها ماتبيه
'
دخلت غزال عند البنات وملامحها باينه انها تعبانه
دانا كانت جالسه متوتره وتنتظر غزال تيجي وبس شافتها فزت لعندها
دانا بهمس: وش صار
غزال والدموع بعيونها: قلت له اكرهك
دانا وهي تحاول تخفف عن غزالتها قالت بضحك: مبروتس خراب بيتس
تنهدت غزال بضيق وقالت: خلص اللي بيني وبين سلطان انتهى
دانا بصدمه: منجدتس !!!
غزال: ايوه خلص انتهى بالنسبه لي
دانا: لاتنهي كل شي على ولا شي
غزال بنرجسيه: انا بنت سالم ماحد يقدر يجبرني على شي ما ابيه
دانا تكتفت وقالت: بتندمي وربي
غزال وهي من داخلها جالسه تنكر ان هي تكرهه سلطان وقالت: مابندم على افعالي
دانا اعطتها نظره وقالت: اقول اصص للحين اكفخك وش فيتس قلبتي مالت عليتس
وجلسو مع البنات
'
طلع ياسر من عند الرجال متوجهه لأمه وخواته واتصل على عمته لحتى يقول لدانا ورغد وامه يطلعو بس ما تقول لهم مين يبيهم ياسر: موضي انا بالخارج قولي شي وخلي امي تطلع هي والبنات
موضي: تمم
وقفل الاتصال وتوجهت موضي لعند دانا
موضي: ناصر على الباب شوفيه
دانا بأستغراب: غريبه ما اتصل عليي
موضي: مدري الزبده روحي شوفيه ونادي رغد وامتس بعد لانه يبيهم
دانا زاد استغرايبها وتوجهت تنادي امها واختها
دانا: يمه ناصر بالخارج
ام ياسر: وش يبي
دانا رفعت اكتافها بمعنى "مدري"
وتوجهت ام ياسر للخارج والا وتشوف واحد معطيهم ظهره جالس يلعب بجواله ألتفت ياسر لها
ياسر بأبتسامه: مفاجأةةة !!
أبتسمت ام ياسر وتقدم ياسر يحبّ راس امه
ياسر: شلونتس يمه
ام ياسر: بخير ياوليدي، وش ذي المفاجأة
ياسر ضحك وقال: بالله كيف بس؟
ام ياسر: تجنن يمه
دانا طلعت لأخوها و شهقت بصدمه انها شافت ياسر وركضت تحضنه وقالت بصوت كله دفى: وحشتنييي ياعضيدي
رغد تحاول تشيل دانا من حضن ياسر وقالت: اعطيني مجال احضنه
ضحك ياسر وفتح لها حضنه وحضنهم الثنتين
رغد ناظرت اخوها وقالت: وحشتنااا
ياسر: مايوحشكم غالي ياغاليات قلبي
دانا: متى وصلت للسعوديه
ياسر: مع موضي
رغد: يعني انت كنت الكابتن
هز ياسر راسه بمعنى "ايوه"
رغد تذكرت كلام موضي وقت قالت انه كابتن الطياره خلاها تقول للمسافرين وقالت: يعني كانت معك بغرفه التحكم
ياسر: ايوه
دانا ناظرت ياسر وسألته: يسوري رحت للأسطبل اليوم؟
ياسر: لا للحين ما رحت بجلس مع العيال بعدين بروح للترف كمل كلامه وقال: يلا ادخلوا للداخل وانتبهوا على نفسكم و أي شي تبوه اتصلوا عليي
دانا ورغد: ابشر
ياسر: تبشرون بالجنه
واستأذن منهم وتوجهه لعند خيمة الرجال
'
"في خيمة الحريم"
الجده نوره: يابنات وش صار بالعشاء؟
طلعت عهد من المطبخ وردت على جدتها وقالت: يبي له وقت مب كثير
ورجعت للمطبخ تساعد البنات
كان لكل وحده لها مهمه
دانا عليها السلطات وقالت غزال تجهيز العصاير عليها واللي يحرك بالأكل وتوزعت جميع المهام على الكل وبدت كل وحده تنفذ اللي عليها
وبعد ساعه العشاء بدا يجهز
'
"في خيمة الرجال"
الجد سعد: صالح قم شف وش صار بالعشاء
صالح: ابشر يايبه
اتصل صالح على غزال يسألها وش صار بالعشاء
غزال: تعال وخذهم لأنه جهز
صالح: تم
ودخل للخيمة يقول لجده
الجد سعد: يلا يعيال قوموا
وتوجهه صالح وفهد وناصر ومعهم سلطان
يجيبون العشاء من عند الحريم
صالح اخذ العشاء من غزال وصار يعطي ناصر وفهد وسلطان غزال لمحت سلطان وكان صاد مايبي يشوفها ومشت و سفهته وابتدا الكل يتعشىسواء كان عند الرجال والحريم
بعد ما انتهوا من العشاء تقدمت موضي بالحلى حقها
تقدمت تضيف الحريم
ام عساف: ماشاء الله عليكِ لحقتي تسويه
موضي: والله ياعمه سويته اول مارجعت من السفر
الجده نوره: سنعه بنتي
وابتدا الكل ياكل من حلى موضي وابتدت جلسة السوالف والضحك وتعالت اصوات ضحكهم
قاطعت حديثهم وضحكم ميهاف يلي تقول لأمها انه عمتها نهار بالطريق جايه للمزرعه
الجده نوره: الله يحيّها
ام منصور: بالسلامه يارب وبس توصل قولي لها تطمنا
ميهاف: ابشري يمه
~
••••••••{تعريف بسيط للشخصيات}••••••••
-ابو عبدالله(مطلق): احن اب يمر عليكم العوض لأم عبدالله وبناته وعياله مايخلي شي بخاطر بناته وعياله وزوجته ساكن هو وعيلته بالرياض وعمره(46)
-ام عبدالله(نهار): اطلق ام تحب بناتها وعيالها وقريبه منهم بشكلل ماتحب حد يزعل او يقرب على شخص من افراد عائلتها وعمرها(43)
-عبدالله: ولدهم الكبير احن اخ وابن لأمه وابوه وبار فيهم ونقطة ضعفه عيلته وخواته اقرب اخ لأخواته وقريب اكثر لأخته شام مواصفاته: طويل القامه حنطي البشره يتملك غمازه عند ذقنه قوي البنيه عسكري وخوي منصور  عمره(26)
-حمد: لازم بكل عيلة يكون في اخ يخرب عليهم وحمد ذا كريهه بعين خواته لكن ما ندري وش مشاعره اتجاههم بالبارتات الجايه بنعرفه اكثر وعصبي وراعي هواش ولسانه متبري منه وقت عصبيته بس الكل مستحمله عشان خاطر امهم وابوهم مواصفاته: حنطي البشره حواجبه كالسيف وملامحه حاده وطويل قوامه عمره(25)
-الحارث: فلاويي والمكان اللي هو فيه كله ضحك يشيل الهم عن الصدر ووسيع الصدر ومنكرف من الكل وخوي خواته ومايرفض لهم طلب مواصفاته: حنطي البشره حواجبه مبعثره بشكل لطيف طويل القامه يتملك جسم رياضي بحكم شغله وتخصصه يلي اختاره يشتغل مدرس بدنيه وعمره(24)
-شام: احن اخت حنونه بشكل لطيفف على اخوانها واهلها محبوبه من الكل وتدخل القلب بدون استأذان ماتعرف تطبخ معتمده على اختها لونا قريبه لأخوها عبدالله له محبه خاصه بقلبها الصفات تعجز عن الوصف مواصفاتها: قصيره بشكل لطيفف نتفهه شعرها كيرلي بشرتها بيضاء كالحليب ثغرها مرسوم وتمتلك اسفل ثغرها شامه صديقة دانا تشتغل علاج طبيعي وحنونه على مرضاها عمرها (23)
-لونا: اخر العنقود بس منكرفه الكل يحبها قريبه لأخوانها ام دميعه حساسه بشكلل ماتحب الظلم تحب تطبخ ومُبدعه فيه وذا سبب كفيل ان شام تعتمد عليها وكشوخه وتحب الطلعات والوناسه مواصفاتها: طولها متوسط وعيونها ناعسه تمتلك شامه متوسطه بين كتفها ومواصفاتها كفيلة تدخل القلب طالبة جامعه عمرها(21)
~
فتح العامل بوابة المزرعه لدخول ابو عبدالله وعيلته واستقبلوهم عيال الجد سعد والجد سليمان بصدر وسيع
وقف امجد جنب سعود ومنصور وسلطان وياسر ورحبوا فيهم بصوت جمهوري: حاايي يا الغوالي
عبدالله: حي نباكم يا اهل الخير
وتقدموا يسلمو على بعض سلام رجال وام عبدالله دخلت هي وبناتها عند خيمة الحريم
__________________________
ارحبووواا يواحشينيي،وحشتوني ادري طولت عليكم بالغيبه بس ماعاد بغيب عنكم ورجعت لكم بغنايم جديده ومستمرين بإذن الله
رمضان مبارك علينا وعليكم بالخير والعافيه واستغلوه الدعاء والطاعه وماتنسوني من دعواتكم اللي تدخل القلب،
رجعت لكم ببارت يلي تحبوه وماتقصرو فيه ادعموني بنجمه واكتبوا رأيكم بالكومنت رأيكم يهمني وكم تبون بارتات بعد ذا وبنزله لكم اليوم اكتبوا بالكومنت 💗
استودعتكم الله ونلتقي ببارت جديد بإذن الله♥.