ياسعود ما أتعَبتني السِنين أنتظارك

البارت الرابع عشر

بقلم الكاتبه دَنو آل عَبدالله✍🏻

{البارت الرابع عشر}

بِسْمِ اللَّـهِ الرَّحْمَـٰنِ الرَّحِيم

وقفلو الأتصال وراحت موضي تختار هديه لغزال
~
"عند غزال بغرفة سلطان"
عند سلطان اللي قعد من نومه قبل ما تيجي غزالته في ربع ساعه
ناظر ساعته وشاف ان الوقت تأخر وقال بصوته الثقيل باين عليه ملامح النوم: اوف نمت للحين غريبه ماحد قعدني من النوم ، فتح دولابه يجهز له ثوبه اللي راح يلبسه للمزرعه واخذ ثوبه الاسود وحطه على سريره مع شماغه و عقاله والكبك حقه، واخذ منشفته وحطها على كتفه وتوجهه لدورة المياه(يكرم القارئ)
'وفي ذي اللحظه دخلت غزال غرفة سلطان
سمعت صوت مويه شغاله بدورة المياه
(يكرم القارئ)
غزال بتوتر: ياويلي هو موجود بالغرفه بجيب المبخره واطلع سريع قبل ما يخلص
سلطان اللي جاهل وجود غزالته بغرفته
غزال بدت تدور على المبخره وشد انتباهها ترتيب سلطان وان رنيم وقت كانت تقول ان سلطان كثير مرتب العطور حقته بمكانها وحاط اغراضه اللي يبي يلبسهم بترتيب على سريره ولمحت المبخره حاطها جنب ثوبه وتوجهت تاخذها
'وبذيك اللحظه خرج سلطان من دورة المياه
(يكرم القارئ) والمنشفه على خصره وشعره المبلل مويه
تقدم سلطان خطواته لعند غزالته
سلطان: ليه جايه لغرفتي في شي
غزال بتوتر: ءءا أبي المبخره
سلطان قال بصوت راخي: وليه تبي المبخره ياعيونه
تقدم سلطان ومايفصل بينهم شي، حاوط خصرها وشدها لصدره وانحنى لنحرها واستنشق عطرها
سلطان بنفس حار: ارفقي بحالي يابنت سالم
غزال تسارعت دقات قلبها ولقرب غزال من سلطان صارت تسمع صوت دقات قلبه
غزال بتوتر من نظرات سلطان لها: سسلطانن
سلطان بعد ماشاف خصرها يحلف بربه ماعاد به عقل رد عليها وقال: عيونه لسلطان
غزال توردت وجنتيها خجل وقالت: ءأبي المبخره
وقبل ما ينطق سلطان بحرف سمعوا صوت رنيم تنادي على غزال
رنيم من بعيد: غزالتي وين المبخره
تخربطت مشاعر سلطان وغزال
غزال بتوتر: يلا جايه ياعيونها
وطلبت من سلطان يعطيها المبخره
وتقدم سلطان يعطيها المبخره وتلامست يده بيدها
وطلعت من غرفته متوجهه عند رنيم
سلطان بقى واقف مكانه مب مصدق ان كانت غزالته بغرفته
وكمل يتجهز للمزرعه
~
"في بيت الجد سليمان"
ام منصور: ميهاف يايمه روحي قعدي اخوتس من النوم تأخرنا على جدك
ميهاف: ابشري يمه الحين اقعده
ام منصور: تبشري بالجنه يابنتي
'دخلت ميهاف لغرفة أمجد
وغرفته الظلام محتل عليها
ميهاف: يوهه أمجد ليه كذا غرفتك
أمجد بنعاس يهمهم لها كان يبي الفكه منها ويكمل نومه: هممم
ميهاف: قوم تأخرنا على جدي سعد بنروح للمزرعه
كان بينطق أمجد انه يبي ينام شوي والا يتذكر كل عهوده، فز أمجد من مكانه وقال: المزرعهه تأخرنا ولا وش
ميهاف انخرشت وضحكت بنفس الوقت: هههههههه خرشتني وش فيك بسم الله عليك لا ماتأخرنا قوم تجهز
أمجد: دقايق وبكون تحت بتروش سريع لحتى اصحصح وانزل لتحت
ميهاف: تمام يلا ننتظرك
ونزلت ميهاف لتحت عند أمها تزهب معها الاشياء اللي يبون ياخذوها معهم للمزرعه وتقول لها ان أمجد قعد من النوم
وقام أمجد وتوجهه لعند دولابه واخذ ثوبه الكحلي واخذ شماغه وعقاله وحطهم على سريره وتوجهه لدورة المياه(يكرم القارئ)
~
وبعد ما الكل تجهز
"في بيت الجد سعد"
بدا كل واحد يركبو بسياراتهم
الجد سعد: سلطان خذ البنات بالجمس حقك
سلطان: ابشر يايبه
الجد سعد: تبشر بالجنه ياوليدي
وبعد ما الجد سعد قال للكل وش يسوي بدأ كل واحد من احفاد الجد سعد ينفذوا اللي جدهم قال لهم عنه
بدت تطلع سيارات عيال الجد سعد متحركين للمزرعه بقت سياره حفيده سلطان ينتظر البنات يركبون
سلطان بصراخ: يا وجد يلا اخلصي عليي تأخرنا
وجد بحلطمه: وش فيك جايين اصبر
غزال: بنات من اخذت نقابي
دانا: مب وقته يضيع، غزال بأستعجال: بروح لغرفتي اجيبه ردت رنيم عليها: كل الملاحق مقفلين
غزال شهقت بصدمه: لاتكفين وش الحل الحين، وجود بطنازه: الحل عندي دقيقه بس وارجعلتس
غزال بفضول وش بتسوي وجود قالت: وش تبي تسوي
وجود: الحين اجيتس
طلعت وجود لعند سلطان
وجود: سلطان بطلبك شي
سلطان: لو تبين عيوني فداتس
وجود: جعلني فدا عيونك ابيك بخدمه عاد ماراح ننسى ذي الخدمه
سلطان: ابد من الحين تم
وجود بحماس تقدمت لراس سلطان واخذت الشماغ حقه وقبل ما ينطق سلطان بشي
وجود قاطعت حديثه وقالت: قلت تم خليك قدها بنسرق شماغك شوي ودخلت للداخل
سلطان بذيك اللحظه مافهم وش صار وجلس ينتظرهم لحتى يطلعون
دخلت وجود ومعها شماغ سلطان ومعطيتها ابتسامة النصر: جبت لتس الحل
غزال بصدمه: وش ذا، وجود بفهاوه: شماغ
غزال ضربت راس وجود بخفه: ادري انه شماغ حق مين، وجود بعد ما استوعبت: حق سلطان
غزال: وش جابه، وجود زفرت بملل: اقول خذي تلطمي فيه وانتِ ساكته لازم تشكريني لأني انقذتس
غزال اخذت الشماغ من وجود وتلطمت فيه واستنشقت بنفس عميق ريحة عطره اللي احتلها وماعاد فيها عقل
غزال: انا جهزت الحين
وبعد انتظار ربع ساعه خرجوا البنات لعند سلطان كان يكلم سعود اللي صرعه كثرة الاتصالات لأنهم تأخروا
سلطان كان يبي يتحلطم بس مالمح الا عيونها من شماغه ومتقدمه اتجاهه
سلطان بهمس قال: عيونتس مُحيطي وذيتس العيون انا غرقان فيها
غزال سمعته وابتسمت بالخفى من تحت اللطمه
ركبوا الجمس وتحرك سلطان متوجهه للمزرعه وقفل البوابه وراهم بحكم انهم راح يقضون ثلاث ايام جاهلين احداثها
~
"في بيت الجد سليمان"
تقدم أمجد لعند جده اللي جالس يقول تأخرنا على خويي وحب راسه: شلونك يايبه
الجد سليمان: بخير ياوليدي
أمجد: جعلك دايم بخير يايبه
الجد سليمان: رح قل لهم ينزلون تأخرنا
أمجد: ابشر يايبه
الجد سليمان: تبشر بالجنه ياوليدي
وتوجهه أمجد عند أمه خواته
أمجد: يمه تأخرنا وينكم فيه
ام منصور: يلا يايمه جايين
أمجد زفر بملل: كلكم يا الحريم ليه تتأخرون بس أبي افهم
ام منصور تخز ولدها وتقول: بس تتزوج يايمه بتفهم
أمجد ابتسم بالخفى لحتى ماحد يلاحظ عليه
تنحنح وقال: الله يرزقنا يايمه بس يلا أخلصوا بنطلع
ام منصور: جايين يايمه اصبر
وطلع أمجد من عند أمه متوجهه لعند جده
: يايبه الحين يطلعون
وبعد ما الكل تجهز عند الجد سليمان
تحركوا كل السيارات متوجهيين لعند الجد سعد وعياله واحفاده
~
"في مكان خارج المملكة العربيه السعوديه، وتحديدًا تركيا."
موضي بتعب: بعد ذا التعب جبنا لها هديه تجننن، رد ياسر: بقى ربع ساعه وراح نقلع
وكمل كلامه وقال: تبي نفر شوي
موضي: باخذ لي كوفي خلنا نروح لكوفي قريب
ياسر أشر على عيونه وقال: من العين ذي قبل ذي
موضي: جعلني فدا عيونك ياولد اخوي
وتحركوا لأقرب كوفي لحتى ياخذون كوفي ويتوجهوا للطياره
وبعد ربع ساعه توجهت موضي مع ياسر للطياره اللي راح تهبط على الأراضي المملكه العربيه السعوديه
موضي: وين المقعد حقي
ياسر: تبي تجلسي عندي بغرفة التحكم
موضي بحماس: منجدكك ذا سؤال ينسأل  اكيد بجلس عندك
ضحك ياسر وبانت غمازاته وبدا يشغل محركات الطياره وموضي جالسه تناظره ومستانسه
اخذ ياسر مكبر الصوت لحتى يقول للمسافرين ان الطياره على وشك الأقلاع
موضي: تصدق بخاطري انا اقول
ياسر: وانا وربي ما اردتس ومد لها مكبر الصوت
موضي بحماس قالت للمسافرين
"الرجاء ربط أحزمة الأمان الطائره على وشك الأقلاع"
موضي: ذيب ولد اخوي ياحبيب عمتك
ابتسم ياسر وبدأ يركز ويقود الطياره بتركيز
ياسر: ارتاحي شوي وقبل ما نهبط بقعدتس من النوم
~
نرجع عند الأجداد وعيالهم واحفادهم بالمزرعه
بعد ما وصل الجميع
تعالت اصوات تراحيب عيال واحفاد ال سعد ل ال سليمان
والكل بدا ينزلون من سياراتهم والحريم يدخلون لخيمه الحريم
وماهي الا دقايق معدوده ووصل سلطان معه حفيدات الجد سعد
نزلوا البنات من الجمس مابقى الا اخوات سلطان
سلطان: يلا سريع على ملحقكم وما اشوف حد طالع
وجود: تغار؟
سلطان بدم حار : وجود انا كلامي واضح ماحد يطلع للخارج وان تبون شي اتصلوا عليي او نادوني
رنيم: ابشر ماطلبت شي ياخوي
سلطان التفت على وجود وقال: كذا يكون الرد مب مثل ردتس
وجود مالت ملامحها للزعل: أجل لا تكلمني وطلعت من الجمس متوجهه عند الحريم
بدون ما تلفت لهم
سلطان: تهقين انها زعلت
رنيم: كل ذا ومازعلت
وجد: تراضيها بعدين بس تشوفها
رنيم: الحين تنسى بس تشوف زامر
سلطان: مابتركها زعلانه الا ما اشوفها واراضيها
كمل كلامه سلطان وقال: مثل ما وصيتكم اي شي تحتاجوه كلموني
رنيم و وجد: ابشر ماطلبت شي
سلطان: تبشرون بالجنه
ونزلوا اخوات سلطان متوجهيين لعند الحريم بخيمتهم
~
"في الطياره عند ياسر وموضي"
هبطت الطياره على الأراضي المملكه العربيه السعوديه
ياسر: موضي ترانا وصلنا
موضي بصوت باين عليه النعاس والتعب: هاه من متى
ياسر: قبل دقايق يلا اقعدي
موضي: ياسر بنمر للبيت باخذ لي اغراض
ياسر: ابشري
وكمل كلامه وقال: بنتجهز وبنطلع للمزرعه
موضي: اسوي حلى وناخذه معنا
ضحك ياسر وبانت غمازاته اللي تفتن الكل بضحكه منه وقال: يعني مب تعبانه!
موضي: نسيته اول ما وصلت دياري
ياسر: تبينا نمر على البقاله
موضي: ايوه اكيد بجيب مكوناتها
ياسر: وش بتسوي
موضي: مدري بعدني مافكرت انت وش حاب
ياسر: الحمدلله ان لي نصيب من الحلى
موضي غمزت له وقالت: ترا بس لك
ياسر: أجل يلا نتحرك للبقاله وفكري بوش تبي تسوي
موضي: تمم
___________________________
ارحبووووو يا نجومي✨ شلونكم ان شاء تكونوا بخير، عُدنا ببارت اللي يحبه قلبكم أدري طولت عليكم عاد من طول الغيابات جاب الغنايم ابشروا باللي تحبوه لاتنسوا تعطوا البارت حقه وادعموني بنجمه لحتى استمر واكتبوا رأيكم بالكومنت رأيكم يهمني يانجومي✨✨
استودعتكم ربي
ألتقي فيكم ببارت جديد بإذن الله
قرأة مُمتعة❤.