ياسعود ما أتعَبتني السِنين أنتظارك

البارت الثاني عشر

بقلم الكاتبه دَنو آل عَبدالله✍🏻

حسابي الانستا: 4dn_ox

{البارت الثاني عشر}

بِسْمِ اللَّـهِ الرَّحْمَـٰنِ الرَّحِيم

ضاري: أمجد وقف عند بقاله
أمجد: ابشر
وقف أمجد عند البقاله
ضاري لف لعهد
ضاري: وش تبي تشربي وتاكلي
عهد بتعب: ما ودي
أمجد حس بتعبها قال بنفسه(ليته فيني ولا فيتس)
ضاري: قلت لتس بالمستشفى راح تاكلي غصب
عهد: انت تعرف وش احب جيب أي شي
وراح ضاري للبقاله وبقى أمجد وعهد بروحهم  بالسياره
أمجد: خطاتس الشر
ردت عليه عهد: خطاك اللاش
عهد: مشكور لأنك جبتنا للمستشفى وبقيت معنا للحين
أمجد: ولو مب بيننا نحنا أهل واساسا قريب علاقتنا بتكون اكثر من أهل
عهد ما استوعبت وش يقول
عهد: مافهمت
ضحك أمجد: ههههههههه
عهد قالت بهمس: بعد ضحكته تجنن
سمعها أمجد عهد كانت تفكره ما سمع
أمجد: قلتي شي الحين؟
عهد توترت: ءء لاا ماا قلتت
~
دخل ضاري للبقاله
ضاري: السلام عليكم
صاحب البقاله: وعليكم السلام
ضاري: وش عندك عصيرات
أشر صاحب البقاله على عصيرات
صاحب البقاله: ذا الموجود
اتجه ضاري عند العصيرات
كان الموجود كثير ومن بينهم
عصير سنتوب وحليب شوكولاتهه
اخذ ضاري له عصير سنتوب ول عهد و أمجد حليب شوكولاته
توجه ضاري لعند صاحب البقاله
ضاري: اخذت ذول عادي اروح اوريهم للأهل
صاحب البقاله: تمام
توجه ضاري لعندهم
ضاري: أمجد تحب حليب الشوكولاته
عهد بخوف على أمجد: لا عنده حساسيه
أبتسم أمجد لها انها للحين متذكره انه عنده حساسيه
ضاري التفت ل أمجد: منجد
أمجد: ايوا
ضاري: خلاص بجيب لك سنتوب
أمجد: تمام
التفت ضاري لعهد جبت لتس الي تحبيه حليب شوكولاته
عهد ابتسمت: شووكووولاتهههههه
ضاري ضحك على لفظها للشوكولاته
قال بروح احاسب وارجع
أمجد ضحك: شووكوولاااتههه
عهد: ترا سامعتك
أمجد: منجد للحين متذكره
عهد بأستنكار: وش متذكره
أمجد: عن حساسيتي مع الشوكولاته
عهد: اكيددد
ابتسم امجد لها
عهد عضت على شفايفها: بعد ابتسامته تدوخني
أمجد سمعها وأبتسم
أمجد: ترا سمعتس
عهد تفشلت: ه هااه
أمجد انفجر ضحك: هههههههههههههه
عهد بدون قصد: أمجدي اص
أمجد سكت اول ما قالت "أمجدي"
أمجد التفت لها
أمجد ابتسم: عيدي وش قلتي
عهد استوعبت انها قالت "أمجدي"
عهد: ماقلت شي
أمجد: عيديها
عهد: قلتها بالغلط ما بعيدها
-عند ضاري رجع للبقاله
ضاري اخذ فطاير والعصائر وحاسب وطلع
فتح باب السياره
ضاري بدا يوزع الي جابه
ضاري: يلا توكلنا
أمجد: يلا
ضاري: متى بنوصل
أمجد: تقريبا بعد الفجر
ضاري: عندك شاحن جوالي خلص شحنه
أمجد: ايوا
واعطاه شاحن
ضاري التفت لعهد
ضاري: نحنا مطولين اذا تبي تريحي نامي
عهد: باكل الي جبته وبعدها بنام
ضاري: تمام
~
في الساعه 12:00
"في المجلس عند الرجال"
الجد سليمان: يلا أبطينا
الجد سعد: اجلس شوي يا رجال
الجد سليمان: بذا الوقت بكون نايم
الجد سعد: وأنا بعد
الجد سعد: بكرا لا تنسى بنروح كلنا للمزرعه
الجد سليمان: ان شاء الله
قاسم: منصور رح ناد امك
منصور: الحين اتصل عليهم يطلعون
"عند الحريم"
نَوور جوال ميهاف معلن اتصال احد عليها وشافت المتصل منصور
ميهاف: هلا منصوري
منصور: قولي لأمي يلا
ميهاف: يلا الحين بنطلع لكم
ميهاف جلست عند امها
ميهاف: ماما يلا
ام منصور: يلا
وقفت ام منصور والكل وقف
ام منصور: جلستكم والله ما تنمل منها
ام عبد العزيز: يابعد قلبي
ام منصور: نحنا بنستاذن
ام نايف: بنجيكم مرا ثانيه الايام طويله
ام ضاري: بأمان الله
ام عبد الرحمن: يلا يابنات
لينا: يلا يا ماما
ام عساف: نحنا نستأذن
وطلعوا الحريم كل وحده لرجلها
وفضى البيت من الضيوف
الجده نوره: وين عهد
غزال توترت: لازم اقول لكم شي
ام ضاري بخوف: قولي
غزال: عهد وقت العشاء اغمى عليها من قلة الاكل وضاري اخذها للمستشفى
ام ضاري بعد الخبر رجولها ما عاد تقدر تتحملها
وجلسوها لحتى ترتاح
ام عبد العزيز: وكيف وضعها الحين
غزال: بخير هيهم بالطريق راجعين
ام ياسر: الحمدلله
ام ياسر اتجهت عند ام ضاري
ام ياسر: يا غروب بنتس بخير لا تخافي
ام ضاري بتعب: ليه للحين قلتي
غزال: كان في ضيوف
الجده نوره: ياغروب بنتس صادقه
ام عبد العزيز: ما حبت تقلق راحتنا
ام ياسر: انتظرت لحتى يرجعون وتقول لنا لما تتأكد انها بخير
ام ضاري: لاحد يقول للرجال
الجده نوره: بنقول لهم لما يصلون لهِنا بخير
~
عند سلطان وسعود
سعود جاب الطلب
سعود: بالعافيه
سلطان: مالي خلق اكل
سعود: كل وانت ساكت
سلطان هز راسه بمعنى"اوكيه"
سعود: وش تبي تعمل الحين
‏سلطان: مدري بس انا ما راح اكلمها
‏سعود: انتوا الاثنين غلطانين
‏سلطان: انا بحاول ما افكر فيها
‏سعود: لاتفكر بس راح اذكرك للمره الثانيه لو ابطيت احتمال تطير من يدك
‏سلطان بكتمه: ادري
‏سلطان: سعود بطلع لبرا
‏سعود: ليه
‏سلطان: بدخن
‏سعود: دخن بالسياره
‏سلطان: خليني ادخن برا
‏سعود: تمام
‏طلع سلطان من السياره
‏وفتح ازرار ثوبه بعنف
‏واخذ من جيبته بوكيت دخانه وولاعته واخذ زيقاره وولعها
‏سلطان ينفث بقهر الزيقاره
‏سعود أتجه له
‏سعود: انت حرقت نفسك بحبها
‏سلطان وهو ينفث الزيقاره: فداها
‏سعود: انت تفكر لو حرقت زيقاره بجسمك تقدر تشفي غليلك انت كذا تدمر صحتك
‏سلطان انفجر من قهره، سلطان جلس على الأرض
‏سعود بخوف عليه: طَلع كل الي بقلبك
‏سلطان بقهر: ليهه ياسعود ليههه قول لي
‏كمل سلطان كلامه: انا حبيتها وهي صدت بدون جواب طيب وش ذنبي قول لي
‏سلطان والدموع بعيونه: انا حبيتها وفصحت لها كل الي بقلبي هي صدت بدون جواب
‏سعود ما تحمل حالة سلطان وحضنه، سلطان وهو بحضن سعود والدموع بعيونه قال: ليه تشعل بقلبي نار ليه تتركني وسط ناري انا طلبت منها نجاه من النار ومديت يدي لها وهي ما مسكتها ليه خلتني اوقع بالنار قول لي انا وش ذنبي يوم اعترفت لها، سعود بحزن على حاله: سلطان انت  افصحت عن مشاعرك هي يمكن خجلت ما تدري
‏سلطان: ترا كان بأمكانها تقول أي شي غير انها تصد بدون جواب، سلطان بدموع: ما اقدر اتحمل لو رفضتني، سعود: انت كيف تحكم بدون ما تقول لك عن مشاعرها
‏سلطان: ادري هي ماتحبني
‏سعود: ليه تظلمها كذا حكمت على نفسك بالموت البطيء، سلطان بتعب: انا بقيت جسد بدون روح خلاص، وقع سلطان على الارض وقلبه الي ما طاب من جرحه، سعود بحزن على عضيده: سلطان قوم، قام سلطان وحضنه سعود
‏سعود: طلعت الي فيك
‏سلطان: ايوا
‏سعود: تبي ترجع للديره
‏سلطان: ايوا
‏اتجهوا يركبون السياره
‏وحركوا من مكانهم متجهين للديره
‏~
‏عند البنات
‏رنيم شافت غزال تعبانه وما أكلت
‏رنيم: غزالتي تعالي معي
‏غزال: وين
‏رنيم: لغرفتس
‏غزال: تمام
‏اتجهت غزال لغرفتها
‏ولمحت الشماغ غزال وتذكرته وجلست تصيح حطت الشماغ بدولابها لحتى ما تشوفه رنيم
‏دخلت عليها رنيم معها توست وعصير برتقال
‏رنيم: تعالي كلي
‏اتصل بذا الوقت سعود
‏طلبت غزال من رنيم تفتح سبيكر لعل وعسى تسمع صوته وتطمن عليه
‏رنيم: هلا سعودي
‏سعود: رنيمي نحنا راجعين
‏رنيم: سعود قول لي وش السالفه
‏سعود كان حاط سبيكر
‏سعود: في احد عندتس
‏رنيم: غزال
‏سلطان فز لطاريها، سعود التفت لسلطان بمعنى"اقول لها"، سلطان هز راسه بمعنى"ايوا"
‏سعود: عادي بقول لكم الثنتين
‏غزال كانت بتطلع بس رنيم مسكتها من يدها
‏رنيم: غزالتي حتى لو طلعتي لازم تاكلي، غزال بتعب قالت : مالي خلق، سلطان حس بصوتها انها تعبانه، رنيم: الا بتاكلي
‏غزال: كملي حديثتس مع اخوتس
‏سعود: غزال ترا قلت عادي تسمعي وش الحديث
‏رنيم خلت غزال تجلس جنبها، رنيم:يلا تكلم سلطان كيف وضعه، سعود: مب بخير
‏غزال تسمع وامتلت محاجرها دموع
‏رنيم: ليه مب بخير
‏سعود: طاح بحب وحده، ‏رنيم: البنت من عندنا
‏سعود: ما اقدر اجاوبتس عليه، رنيم: كمللل
‏سعود: وتعب جسمه من كثر ما دخن
‏رنيم: سلطان اعترف لها
‏سعود: ايوا بسسس
‏سكت سعود، ‏رنيم: كملل، سعود: بس هي ما ردت عليه وصدت عنه أول ما قال لها انه هايم فيها
‏غزال بنفسها(انا جبت له التعب انا ما اكرهه)
‏رنيم: بكلم سلطان، رنيم: سلطاني وش فيك
‏سلطان بتعب: مافيني شي
‏غزال ما قدرت تتحمل صوته المرهق
‏غزال بدموع: رنيم بروح،
‏ رنيم: وين
‏غزال بدموع: بغسل وجهي
‏رنيم: كنتي تصيحي
‏غزال بدموع: لاا
‏رنيم: الا
‏غزال: بروح
‏سلطان بتعب: لا تروحي
‏سكتت غزال
‏رنيم ماسمعته بس غزال سمعته
‏رنيم: سلطان كيف مافيك شي
‏سلطان بتعب: انا كنت بحاجه اخذ راحه
‏رنيم: متأكد انك بخير
‏سلطان بتعب: لو كانت حولي التعب يروح
‏رنيم: ذي طيحتك طيحه قويه
‏سلطان بتعب: فداها، تدري ذي الكلمه قلتها لها بعد قلت لها شعر
‏رنيم بحماس: وش قلتتت
‏سلطان بتعب:
‏"مستعد ابيع عمري لأجل اشوف عيونتس
وش ابي في العمر وأنتِ عيونتس احلى منّه"
رنيم: الله يا الشاعر اخواني شعراء وانا ما ادري واحد جونسينا والثاني شاعر والثالث شاعر والرابع ملقوف
ضحك سعود: ههههههههههه
سلطان بتعب: انا قلت لها مستعد ابيع عمري لأجل اشوف عيونها ما أبيها تصيح دموعها غاليه والدم رخيص
رنيم: الله يا حظها
غزال امتلت محاجرها دموع
سلطان بتعب: وبعد ما ابيها تتعب لازم تاكل انا لو ضعفت باخذ من قوتها
سلطان حاول يقول لغزال بدون ما تلاحظ رنيم
رنيم: انت خاق وطايح
كمل سلطان كلامه
سلطان بتعب: انا الحين تعبان لانها تعبانه خليها تاكل وتقوى لحتى أقوى
غزال ما قدرت تتحمل
غزال: رنيمي وين الاكل باكل
ابتسم سلطان
رنيم: كفوو عليها
غزال: لازم اكون قويه لحتى الي احبهم يقوا
ابتسم سلطان لها
غزال كانت تحاول تغير نظرة سلطان لها انها ما صدت كرهه صدت لأنها خجلت منه وبالعكس هي  ا طايحه بحبه بس هي ماحبت تعترف له انها تحبه
سعود: يلا بقفل بننتبه للطريق
رنيم: بأمان الله
بعد ما قفل سعود
سعود: تبي تاكل لحتى تكون قويه لحتى الي تحبهم يقوا وش قصدها
سلطان: مدري بس انا لازم اتأكد انها تحبني قبل نا أتقدم لها
سعود:كل ذا وما تحبك
سلطان: مدري اتركها للأيام والايام تحلها وتكشفها
______________________
انتهى البارت ادعموني بنجمه واكتبوا رأيكم بالتعليقات لحتى اتحفز اكتب لكم
(ارحبوااااا ينجومييي!!✨، عُدنا ببارت يحبه قلبكم استمتعوا اعطوه حقه ولا تنسون النجمه انا افداكم💗)