ياسعود ما أتعَبتني السِنين أنتظارك

البارت الثالث عشر

بقلم الكاتبه دَنو آل عَبدالله✍🏻

{البارت الثالث عشر}

حسابي الأنستا: 4dn_ox

بِسْمِ اللَّـهِ الرَّحْمَـٰنِ الرَّحِيم

سلطان: مدري اتركها للأيام والايام تحلها وتكشفها
~
بعد الفجر عند حلول الساعه6:00
وصل أمجد وضاري وعهد
وبعدها سلطان وسعود
التقوا عند البوابه
نزل سلطان وسعود
سعود: أمجد؟
أمجد: وش فيك استغربت
سعود: وين كنتوا
أمجد: اخت ضاري طاحت علينا ووديتها مع ضاري للمستشفى
سعود غمز له: اخت ضاري قلت لي
أمجد: بعدين اقول لك
نزلت عهد ومستنده على ضاري
سلطان: خطاتس الشر
عهد: خطاك الاش
ضاري: انتوا كنتوا بالرياض؟
سلطان وسعود: ايوا
ضاري: ليه
سعود التفت لسلطان: طفشنا ورحنا للرياض
ضاري: ادخلوا للداخل
أمجد: انا برجع لبيتنا
ضاري: ادخل يا رجال
أمجد: بشوفكم بالمزرعه ان شاء الله
ضاري: ان شاء الله
ودخلوا الكل للبيت
دخلت عهد وهي مستنده على كتف ضاري
ضاري: ياولد طريق
ام ضاري: ادخل يمه
دخلوا ضاري وعهد
غزال ركضت تحضن اختها
عهد بتعب: انا بخير
غزال بدموع: خفت عليتس
عهد: ياحظي دام عندي غزالي
وبذي اللحظه دخل سلطان وسعود
سلطان بتعب: ياولد طريق
غزال استغربت من مظهر سلطان
كان متلطم بشماغ سعود وملامحه تعبانه
ام عبد العزيز: وش فيك يايمه
سلطان بتعب: بخير يا يمه
غزال والدموع بعينها وتذكرت كلام سلطان
انه مستعد يبيع عمره لأجل يشوف عيونها ما يبيها  تصيح دموعها غاليه والدم رخيص
لمح سلطان دموعها وغزال مسحت دموعها بعنف بعد ما تذكرت كلامه
ابتسم سلطان من تحت اللطمه
سعود: يمه بندخل نرتاح
ام عبد العزيز: بأمان الله
وطلعوا سعود وسلطان لغرفهم
دخل سلطان لغرفته
فسخ ثوبه ونام بسروال وبدون تيشيرت لأنه يتضايق منه
انسدح على سريره ورفع راسه للسقف
سلطان دخل بين الهواجيس
سلطان:
"هواجيس قلبي ما تجي والعرب واعين
لها حزةٍ في تالي الليل تزعجني"
نام سلطان بعد يوم مُتعب له ولغزالته
~
عند عهد وأمها
غزال: يمه خلي عهد تدخل ترتاح
ام ضاري: يلا روحوا ناموا
دخلت غزال وعهد لغرفتهم
غزال: اوفف شكثر خفت عليتس
عهد: ياقلبي
غزال غمزت لعهد: وداتس أمجد
عهد بخجل: ايوا
غزال: اسفين مب أمجد اقصد زوجتس
عهد: وييي!!
غزال: لو شفتي خوفه  الي يمر يفكره زوجتس
عهد: ليه وش عمل
ابتدت غزال تقول لها كل شي
غزال: وفجأه درعم علينا وسدحتس على رجوله ويقعد فيتس
عهد ماتت حيااء: منجد
غزال: ايوا
غزال: وش صار لما كنتم هناك
عهد بدت تتهرب
عهد تثاوبت: خلاص نعست
غزال: ترا لو تهربتي بستجوبتس لما افضى لتس
عهد: خلاص نمتت لا تتكلمي
تسدحت غزال على سريرها ورفعت راسها للسقف
غزال تنهدت تنهيده طويله
غزال بنفسها(كيف بقول له اني أحبه)
ونامت بعد يوم مُتعب لها ولسلطانها
~
في صباح جديد على أبطالي
في بيت ال سعد
الجد سعد: يا أهل يوسف قوموا
نزل يوسف وفهد وبناته وزجته
الجد سعد استغرب بالعاده سعود أول من يصبح عليه
الجد سعد: وين سعود
يوسف: رجعوا اليوم الساعه 6من الرياض
الجد سعد بأستغراب: من الرياض؟
فهد: تدري يا جدي صار احداث اكشن امس
الجد سعد: قلل لي وش صار
الجده نوره: انا بقول لك فكك من البزر ذا
فهد بصدمه: انا بزر؟
وجود ورنيم ووجد كتموا ضحكتهم
يوسف ضحك عليه: ههههههههه
الجد سعد: وين بزر يا حرمه شنبه خط وجهه
فهد: كفووو جدي
الجده نوره: بعيني للحين بزور
وجود وهي كاتمه الضحكه: عادي اضحك
فهد: وقفت عليكم اضحكوا
وانفجروا ثلاثتهم يضحكوا عليه
الجد سعد: وش الاحداث الي فاتتني
الجده نوره قالت له كل شي
الجده نوره: ورجع الكل على الساعه 6 الصباح
الجد سعد بخوف على حفيدته: وكيفها الحين
الجده نوره: بخير
الجد سعد:الحمدلله
الجد سعد: فهد رح عند ملاحق عمانك قعدهم
فهد: ابشر
وبدا فهد يلف على كل ملحق ويقعدهم
وابتدا الكل ينزل ما عدا سلطان وغزال وعهد وسعود وضاري الي ناموا الصباح
بعد ما انتهوا الكل من الفطور
الجد سعد: بنروح للمزرعه نقعد ثلاث ايام
وجود: حماسسسس
دانا: أشتقت لأبهري مب مصدقه راح اشوفه
وجود: وانا بعد اشتقت لزامري
ناصر: دانتي الترف بأمانتس صح
دانا: ايوا
ناصر: اليوم باخذها منتس
دانا: لا طبعا
ناصر: ليهه
دانا: لأنك متهور معهم انا انجرح بداخلي الف مرا اذا انجرحت الترف او الابهر
ناصر بطقطقه: الله يا دراما كوين
وجود انفجرت ضحك على دراما كوين
رغد: دامك بديت طقطقه بقول لك وش قالت قبل أمس
ناصر بحماس: وش قالت
دانا حطت يدها على فم رغد لحتى ما تتكلم
رغد حاولت تبعد يدها ونجحت
رغد: قالت للشوكولاته "ششوكووولللاتهههههه"
انفجر ناصر يضحك: ههههههههههههههه
الكل صار يضحك معه: هههههههههههه
ناصر بطقطقه حاول يقلدها: شووككولاتههه
دانا: الحين اكفخكم
ناصر بضحك: خلاص اخ بطني عورني من كثر الضحك
الجد سعد بضحك: خلاص كافي ضحك جهزوا نفسكم لان كمان ساعه موضي بتقلع الطياره ولحد ما توصل للديره الكل يكون جاهز
البنات ركضوا كل وحده لغرفتها تتجهز
اتجهت رنيم لغرفة غزال وعهد
رنيم دقت الباب
رنيم: عادي ادخل
غزال ما قعدتها من النوم
غزال: تفضلي
رنيم: بنجلس ثلاث ايام بالمزرعه يلا قوموا تجهزوا
غزال: متى بنطلع
رنيم: بس توصل موضي للديره
غزال: متى بتقلع الطياره
رنيم: بعد ساعه
غزال: يوههه بسرعه لازم نتجهز
رنيم: ايوا
رنيم: لما تتجهزي تعالي عندي
غزال: ابشري
~
"في بيت ال سليمان"
الجد سليمان لاحظ عدم وجود أمجد وقت الفطور
الجد سليمان بأستغراب: وين أمجد
ام منصور: ياعمي رجع الساعه6الصباح
الجد سليمان: ليه عسى ما شر
ام منصور: حفيدة عمي سعد طاحت عليهم أمس وامجد اخذها مع اخوها
الجد سليمان: منن هي الي طاحت
ام منصور: عهد بنت سالم
الجد سليمان ضحك
ام منصور: عمي ليه تضحك
الجد سليمان: تذكرت أمجد وهو صغير
ام منصور: قلل لي وش تذكرت
الجد سليمان: ذي انا وسعد قلنا بس يكبروا راح نزوجهم لبعض هم تسموا لبعض من هم صغار انهم لبعض والحين وداها للمستشفى
ام منصور: الي فيه الخير الله يجيبه
الجد سليمان: امين
الجد سليمان: قعدوه كمان شوي
ام منصور: ابشر
الجد سليمان: بنروح للمزرعه اليوم بنجلس ثلاث ايام مع سعد
ميهاف: حماسسس
لينا: اوف انا وش عملت بحياتي لحتى اشوف دنو مره ثانيه وانا شفتها قبل ساعات
لين: ذي ما تشبع
لينا: الي يشوف وجيه سمح كل يوم مستحيل يعتاد انه ما يشوفه لو غاب يوم او ساعات
لين تذكرت وضربت راسها لنسيانها: امس نسيت اقول لها
لينا: اليوم تقولين لها وانا بذكرك
لين: الحين خلونا نروح نتجهز
وقاموا البنات يتجهزوا
~
"في بيت الجد سعد"
الجد سعد: فهد وناصر وصالح
فهد: سم يايبه
الجد سعد: سم الله عدوينك
صالح: آمر يا جدي
الجد سعد: روحوا قبلنا للمزرعه، صالح: أبشررر
الجد سعد: وجهزوا كل شي من جلسه وكل شي
العيال بصوت واحد: أبشرررر
وتحركوا للمزرعه
~
"عند غزال وعهد بغرفتهم"
عهد: وكذاا تجهزنا، ردت عليها غزال: ايوا
غزال: متأكده ما نسينا شي
غزال بروح أتجهز، عهد: وانا بعد
اختارت غزال توب بُني وجينز عريض وشعرها عملته ويفي ولبست اكسسوارات لطيفه
غزال: عهد رأيتس، عهد حطت يدها على وجنتيها بصدمه لجمال أختها: وايييي تهبلينننن غزالي
غزال حضنت أختها وقالت: عهدي ياحظي فيتس وغمزت لها وقالت: ياحظ أمجد بعد
عهد وجنتيها بتفقع احمرار
غزال: انا بروح عند رنيم تبيني
عهد: اوكيه
وطلعت غزال من غرفتها متوجهه عند رنيم وما تدري وش راح يصير معها
~
دخلت غزال عند رنيم
رنيم وهي محتاره وش تلبس: جيتي بوقتس
غزال: ليه
رنيم: محتاره وش ألبس
غزال حطت يدها على وجنتيها بتفكير وردت: البسي مثلي
رنيم بحماسس قالت: دنن، غزال بحب لرنيم وعلاقتهم الحلوه قالت: احبتس، ردت رنيم وقالت: اموتفيتس يا بعد تسبدي رنيم بحماس قالت: بروح اتجهز انتظريني هزت راسها غزال بمعنى أوكيه
اختارت رنيم توب بينك وجينز عريض ولبست أسواره لامعه هدية من سلطان بعيد ميلادها
غزال: واييييييييي تهبليننن
رنيم: طبعا لو ما كنتي موجوده للحين كنت اختار
غزال: رنيم ياقلبي انتِ قلتي تبيني اجيتس بعد ما  اتجهز،ردت عليها رنيم: ايوا لحتى نخطط وش نعمل فعاليات
وكملت رنيم كلامها وقالت: بنلعب مع العيال
غزال بحماس دام فيها سلطان اكيد بتتحمس قالت: دنننن
~
"في احدى شوارع اسطنبول الكبيره"
المليئه بسكانها وزوارها والمليئه بضجيج افرادها
تحديدا في تركيا 📍
موضي جلست بكوفي قريب للمطار وتنتظر وقتها لحتى تركب بالطياره وتهبط على اراضي المملكه العربيه السعوديه
اتصل عليها ياسر ، ردت عليه موضي: هلا ياسر وش اخبارك، رد ياسر وقال: دامتس بخير انا بخير
ياسر: وين انتي
موضي: بكوفي***
ياسر: يلا جايي عندتس، وقفل الاتصال وتحرك بسرعه عند موضي
وصل ياسر عندها
ياسر: انا جيتت
موضي: يا هلا تفضل اجلس، وكملت موضي كلامها وقالت: ادري في وراك شي اخلص وقول، ياسر بجديه قال: موضي الحين لو قلت لتس انه انا هدية لخواتي وش بتكون ردة فعلهم ، موضي بحماس قالت: منجد انت جاييي معي
ياسر بنرجسيه: معتس الطيار ياسر بن خالد بن سعد هو الي بيهبط انتِ وهو لأراضي السعوديه
موضي: ياا زين الاسم منجد انت كابتن الرحله ذي،
ياسر هز راسه بمعنى ايوا
ياسر: قبل ما تقلع الطياره محتاجين مساعده موضي بتسأول: وش هي ، رد ياسر عليها وقال: انتي اقرب وحده للبنات وطبعا ذي المساعده مب لي انا اخواتي اشتريت لهم، موضي بحماس وفضول قالت: اخلصص عليي، ياسر ضحك وكمل كلامه وقال: ضاري اتصل عليي وقال عيد ميلاد غزال بعد يومين ويبي هديه لها وانتي دامتس اقرب وحده لهم الحين بروح انا وأنتي بنفر تركيا فر ونلاقي هديه لها
موضي: انا اعرفهم بس احس دنو ورنيم هم اقرب لها يعني انا جلست بتركيا كثير مدري اذا كان بخاطرها شي
ياسر: الحين بنتصل على رنيم وتقول لنا وبعدها دنو ونجيب بدل الهديه هديتين تستاهل حفيدة سعد
موضي: اجل خليني اتصل عليهم
~
"عند رنيم وغزال بغرفة رنيم"
قاطع حديثهم اتصال موضي
ردت عليها رنيم وقالت: ارحبييي
موضي: اصه لا تقولي وترحبي
رنيم: وش في
موضي: اذا غزال عندتس حاولي ما تشك انتس تكلميني وحاولي صرفيها من عندنا
رنيم: تمام
غزال بأستغراب قالت: من الي اتصل، رنيم بتوتر قالت: اقول لتس بعدين الحين غزالة قلبي دامنا تجهزنا لازم نتبخر المبخره تلاقيها بغرفه سلطان روحي جيبيها اكيد العيال كلهم تحت وسلطان مب بغرفته، غزال بتوتر قالت:ءءتمام
وطلعت غزال من الغرفه وكملت رنيم تخطط مع موضي، رنيم بعد ما تأكدت انها طلعت قالت: خلاص صرفتها كملي، ردت موضي وقالت: انتي تعرفي عيد غزال بعد يومين صح، ردت رنيم بحماس وقالت: ايوااا، كملت موضي كلامها وقالت: ضاري متصل بياسر ويبي هديه لغزال من تركيا غزال قالت لتس شي بخاطرها او وش تحب
رنيم حطت يدها على وجنتيها بتفكير قالت: امم غزال تحب الأكسسوارات بشكلل يعني لو جبتي لها سنسال او اسواره راح تعجبها
ردت عليها موضي: نجيب الأثنين لعيون غزال
رنيم بحماس قالت: يعني راح نعمل عيد ميلادها بالمزرعه، ردت موضي وقالت: ايوه راح نعمله بالمزرعه، وكملت موضي كلامها وقالت: يلا انا بقفل بروح اختار لها هديه قبل ما الطياره تقلع
وقفلو الأتصال وراحت موضي تختار هديه لغزال
______________________
ارحبوووو ينجومي✨، وحشتوني عُدنا ببارت لذيذ ولطيف ماتقصروا بالدعم وادعموني بنجمه لحتى استمر وأكتبوا رأيكم بالتعليقات رأيكم يهمني 💕, تنوروني على الأنستا حسابي: 4dn_ox أنزل عليه أول بأول
استودعتكم الله💗