ياسعود ما أتعَبتني السِنين أنتظارك

البارت السادس

بقلم الكاتبه دَنو آل عَبدالله✍🏻

{البارت السادس}

بِسْمِ اللَّـهِ الرَّحْمَـٰنِ الرَّحِيمِ

ضاري:يلا بروح للعيال
غزال: تمام
~
"في المجلس عند العيال"
دخل عليهم ضاري ومعاه صحن البان كيك
فهد: يازينك ياشيخ
ضاري حط الصحن عندهم
ضاري: بالعافيه عليكم
ابتدوا العيال ياكلون صالح مد يده لياخذ القطعه الثانيه ضاري ضربه على يده لحتى ما ياخذ
صالح بأستغراب: وش فيك
ضاري: ذي اوامر ولازم انفذها
صالح للحين ما استوعب: اوامر وش؟
ضاري قرب ل أذن صالح وهمس: اوامر عهد
صالح بلع ريقه: درت عهد
ضاري هز راسه: للأسف ايوا
ضاري: اقول لك من الحين انت وقعت بمصيبه لو ابوي درا
صالح: ياويلي ويلاهه بتساعدني صح
ضاري: ايوا ماعليك
ناصر: ياسر بتروح معنا للسمره
ياسر: عندي رحله الساعه1:30
ناصر: والسمره
ياسر: مابروح
ناصر لف للعيال
ناصر: ياعيال ياسر ما بيروح للسمره
سلطان: ليه
ياسر: انا مدري كيف قدرت أعيد معكم باليل عندي رحله طارئة
فهد: ياحسافه
صالح: ابد ياحظه كل يوم بدوله
ناصر: وين الرحله ذي
ياسر: تركيا
فهد: ياحظك رحت لها بوقت يجننن
ياسر: سلطان اعتذر بدالي لفيصل علمك دامني طيار بأي وقت يجيني رحله حتى بوقت اجازتي
سلطان: ابشر
وانتهوا العيال من اكل البان كيك
سلطان كل ماياكل قطعه يتذكرها
ياسر: بروح للأهل بودعهم وبنام عندي رحله طويله
العيال قاموا من مكانهم يودعوه
ناصر اخذ اخوه بالأحضان
ناصر ودموعه بعيونه: ترا عيني دمعت
ياسر: لا أوصيك على الاهل خواتك حطهم بعيونك وامي وابوي فوق راسك اي شي يبونه قل لهم تم ابشري تأمري امر
ناصر: ابشر يا العضيد
سلطان وهو يتأمل كيف ياسر خايف على خواته وكيف يوصي ناصر عليهم
سعود حط يده على كتف سلطان: ترا شايفك شكثر متخبص خلينا نخلص من العيد وبتقول لي كل شي
سلطان تنهد: ابشر
وبعد ما انتوا العيال من توديع ياسر
ياسر استأذن منهم وطلع عند اهله
~
عند دانا ورغد وياسر
دانا ومحاجرها امتلت دموع: راح اشتاق لك
ياسر والحزن بعينه انه بيبعد عنهم مايدري متى بيرجع لهم: وانا بعد راح اشتاق لك
رغد: بتجيب لي هدايا
ياسر: ابشري كم عندي رغد ودانا
ودخلوا بحضنه واستأذن منه بيروح يشوف امه وابوه وينام لأن عنده رحله الساعه1:30
~
دخل ياسر ملحق اهله
شاف امه تصلي انتظرها لحتى تخلص
ام ياسر خلصت صلاتها
ام ياسر: سم يا يمه
ياسر: سم الله عدوينك
ياسر: جت لي رحله طارئة الساعه1:30بطلع
ام ياسر: بحفظ الله يا وليدي
ياسر حَب راس امه
ام ياسر: تحب الكعبه يا يمه
ياسر: امين وياتس
ياسر: يمه ابوي وين
ام ياسر: بالغرفه
توجه ياسر عند ابوه
طق الباب
ياسر: يبه تسمح لي ادخل
ابو ياسر: ادخل يا يبه
دخل ياسر وقفل الباب وراه
ابو ياسر: سم يايبه
ياسر: سم الله عدوينك
ياسر: الساعه 1:30 بطلع رحله طارئة
ابو ياسر: بحفظ الرحمن يا وليدي
ياسر حَب راس ابوه
ابو ياسر: تحب الكعبه يايبه
ياسر: امين وياك
دخل ياسر لغرفته بعد ما ودع خواته واخوه وامه وابوه
حط راسه على المخده ونام على طول من التعب
~
في الساعه 11:00بدا الجد يقول ل أحفاده ينامون
عند الجد سعد دخل على المجلس عند العيال
الجد سعد: يلا ياعيال روحوا ريحوا راسكم ونامو
غمز لهم سعود
وابتدوا ينفذوا الي قاله سعود انهم يعملون نفسهم نايمين
العيال بصوت واحد: ابشر ياجدي
أشر الجد سعد على عصاته: الي ما ينام اعلم العصا على جنابه
سلطان: ابشر ياجدي بنروح ننام
فرشوا كل واحد فرشه وبقوا يسولفون بهمس لحتى ماتصير الساعه12:00
بعد مرور نصف ساعه
سعود بهمس لسلطان: نمت
سلطان الي كان يتخيل غزال كل ما غمض عيونه فتح عيونه يتأمل السقف
سلطان همهم له: هااه لا مانمت
ناصر بهمس: سعود متأكد جدي ما بيقفطنا
سعود: ماعليك خليه ينام شوي ونطلع
فهد بنعس: سعود متى تصير الساعه12:00
بديت انعس
سلطان: ترا لو نمت ماراح نقعدك معنا بنروح بدونك
فهد: افاا يا العضيد بتجحد عليي
سلطان: اذا لزم الامر ايوا
فهد: خلاص ما بنام
~
عند ديم وعبد العزيز
ديم: كذا نام شهمي تعبني وما نام الا الحين
عبد العزيز الي طلع من دورة المياه(الله يكرمكم): ياقلبي ماعليه بنتحمله اذا امه وابوه ما تحملوه من بيتحمله
ديم: صادق
عبد العزيز بدا يتجهز للسمره
ديم: بتروح للسمره
عبد العزيز: وش دراتس
ديم: ابد كل عيد عندكم سمره تعودت
عبد العزيز: اي والله صادقه
ديم: انا والبنات جهزنا سهره على السطح تجنن
عبد العزيز وهو يعدل شماغه: اهم شي تستانسي
~
عند حلول الساعه 12:00
في المجلس عند العيال
سلطان بهمس: فهد قوم الساعه12
فهد: يلا
ناصر: يلا ياعيال قوموا
قاموا كلهم ماعدا صالح الي ما شافوه من انعدام الأضائه
فهد وهو يمشي على رؤوس اصابعه داس على صالح
صالح بصراخ: حراميييييي
فهد: اص ياسبك
صالح استوعب: هااه صارت الساعه12
فهد: ايوا يلا العيال سبقونا
صالح: يلا
~
ناصر فتح البوابه حقت البيت بحذر ان ما يطلع صوت وطلعوا العيال بسرعه
سعود: يا عيال يلا
توجهوا العيال عند فيصل وعيال الديره
~
"عند سمرة فيصل وعيال الديره"
مفلح: وش فيهم ابطوا علينا
فيصل: الحين يجوا
قاطع حديثهم دخول عيال ال سعد
عبد العزيز: السلام عليكم
العيال بصوت واحد: وعليكم السلام
وابتدت اجوائهم جلسوا كلهم حول النار
قاطعهم دخول
~
"عند البنات"
ارسلت وجود على القروب
وجود: يابنات الكل يكون على السطح
ديم: اوكيه
وجد: جيبوا كل وحده لحافها
رنيم: يابنات نلبس بيجامات
دانا: ايوا
رغد: بنات يلا الكل يطلع انا بطلع بنتظركم
وابتدوا يطلعوا البنات للسطح
~
"عند البنات بالسطح"
دانا: وايي ما احلى القمرا اليوم
رغد: ترا انتي احلى منه
دانا بحب ل أختها: احبتس
رغد: اموت فيتس
غزال: يابنات يلا خلينا نشوف وش حطوا ديم و وجود نتابعه
وابتدت الضحك و الجلسه الي توسع الصدر
________________________________
انتهى البارت ان شاء الله نال اعجابكم ادعموني بنجمه لحتى استمر واكتبوا رأيكم بالتعليقات حسابي الانستا: 4dn_ox
انزل عليه أول بأول ادعموني بنجمه لحتى استمر واكتبوا رأيكم بالتعليقات رأيكم يهمني
استودعتكم الله يحلوين💗