ياسمين

هدوء ماقبل العاصفة

استيقظت ترف من نومها وناظرت ساعتها كانت تشير للخامسة فجراً قامت من سريرها واخذت شور سريع.. تذكرت الشرفة توجهت لها كان في نسمة هواء باردة بسبب ساعات الصباح الأولى وكانت ريحة ورد الياسمين معبية الجو وهدوء شديد عدا أصوات العصافير واصوات متعدده لاغاني فيروز ومختلفة عن بعض.. كانت كل الشقق المستيقظة والقريبة لسمعها  مشغله فيروز...
اغاني مختلفة لكن الصوت واحد
غمضت عيونها تستمتع بهاللحظة يلي لاول مره تعيشها وغرقت بتفاصيلها بسبب حبها الشديد لفيروز
عددت دقائق مضت وهي لازالت على هالحال.. الا أن شعرت برجفة خفيفه من البرد قررت تفوت لجل ما تمرض لكنها اخذت قرار دامها هنا راح تفيق وتستغل كل صباح بنفس الطريقة!
سكرت ابواب الشرفة وقررت تتوجه للمطبخ تسوي لها قهوه تزيل القشعريره يلي غزتها
تسلل لانفها ريحة قهوة قوية اعبثت بحواسها اغمضت عينها لوهله من شدة قوة ودفى الرائحة
كانت ياسمين بالمطبخ تحضر قهوة ومشغله فيروز بصوت منخفض لجل ما يفيق حدا
وقفت ترف وما تدري ليش حست بدفى اللحظة يلي لاول مره تجربة!
انتبهت ياسمين لوجودها تبسمت لها بعيون ذبلانة لسا النعس تارك اثارو عليها
ياسمين:صباحو
ترف:صباح الخير
ياسمين :ان شاء الله ماكون فيقتك!
ترف:لا.. بلعكس بحب فيروز وبحب يبدا يومي بها
ياسمين :منيح..ليكي.. هونيك رف القهوه فيه اكتر من نوع وفي من قهوتكن الخليجية باشكالها
سكتت ترف للحظة ونطقت بتردد:ابغى اجرب قهوتك
ياسمين: تكرم عيونك.. بس من هلأ بقلك قهوتي سادة وتقيله كتير
ترف:نجرب!
جهزت ياسمين القهوه وحطت معهن قطع شوكلا وحلا.. هي ما بتحب يكون جنب القهوة شي لكن مابتعرف ذوق ترف لهيك حطتن..
ترف :يسلم ايدك
ياسمين: صحة وهنا
مسكت ترف فنجانها وقربتو لتما.. كانت الريحة قوية لدرجة انها تخترق خلايا مخها وتجبرا على التركيز حتى قبل ما تشربا..طعمتها كانت فعلا تقيلة ما عرفت كيف بتشربها ياسمين بدون سكر وبدون اي حلا!
لاحظة ياسمين تعابير وجه ترف يلي كان واضح عليها تقل القهوة علسانها ابتسمت لها وناولتها قطعة شوكلاه بيضاء
ياسمين:خدي.. بتخفف من المرارة
ترف:مشكورة..وشلون بتتحملين هالمرارة يومياً؟!
ياسمين :همم متعودة
يسكتن للحظات.. انتبهت ترف انو صوت فيروز لسا موجود..
ترف:هلاغنية لفيروز
ياسمين :شبها؟
ترف:اول مره اسمعها!
ترفع ياسمين الصوت شوي لتقدر ترف تسمع الأغنية بشكل أفضل.. بدت كلمات الأغنية تتسلل لقلب ترف بدل ادنيها كان صوت فيروز يغني بقوة َ وهدوء:
"موعود بعيونك انا.. موعود
وشو قطعت كرمالن ضيع وجرود
انتي.. انتي.. انتي عيونك سود
ومنك عارفة.. ومنك عارفة
شو بيعملو فيي.. شو بيعملو فيي العيون السود!!
موعود.. موعود.. "
كانت الأغنية حرفياً تنطبق على وضع ترف مع عيون ياسمين السود الذبلانة يلي بكل مرة  تتأملن بتضيع وبتغرق فيهن
ياسمين :شكلك حبيتيا
توترت ترف وردت بسرعة:مين!!!!
ياسمين:الأغنية
ترف بأحراج: حلوة.. وش اسمها؟
ياسمين :على هدير البوسطة
كانت ترف بدا تسأل اكثر عن الاغنية وتفاصيلها لكن قاطعها صوت ريم:صباح الخير يا خونة بتشربون قهوه بدوني وبدون لين! مثل العشاق لوحدكم!
احمر وجه ترف خجل واحراج من تعليق ريم الاخير
ياسمين:صباح النور.. المفروض  فيقكن معي متلا؟
ريم:وليه ترف يعني؟
صوت لين النعسان من وراها:على راسها ريشة كأنو
من الصبح بدينا تمييز وتفرقة
ياسمين:وانتي فايتة هيك تسجيل دخول.. بدون ما تصبحي على البشر
ترف:كل القصة اني فقت ولقيت ياسمين بالمطبخ قبلي
لين:طيب لح نمشيها لالكن وتغمز لريم لكن بشرط
ريم:ايه اكيد
ياسمين:أصبحنا وأصبح الملك لله على هالصبح بتعملو مشكل وشروط!
لين:هاد يلي جاك حبي
ياسمين:شو بدكن! او بلاصح ريم شو بدك.. لانو انتي عندك مناوبة بعد ساعة ولي نسيتي؟
لين:بررربك..ولو نزعتي صباحي..تتوجه لريم وتوشوشها بشي باذنها
ترف: يتفقن لشي الله يسلمنا منه
ريم:وش دخلك انتي؟ اقول ياسمين عندي طلب لكن مو الحين
ياسمين:اوك تمام
ريم:بدون ما تعرفي وش هو؟
ياسمين:َ احكيلك لا وتعلقيني مع العنود!!
ريم بكبر راس:ايييه ماينردلي طلب ونا حبيبة العنود وملكة قلبها وروحها
ياسمين بهمس:ووجع رأسها..
جلسَوا يكملو شرب قهوتن.. تناولو فطورهن
ترف:انا بقوم اتجهز لموعد ماري
ريم:انا ابغى ضل هنا اكلم عنود
لين:ونا لح روح للمشفى..ياسمين راح تضلي مع ترف وماري؟
ياسمين:لا.. راح وصلكن وفل
لين:لوين!
ياسمين:مشوار بخلصو وبرجعلكن بس
....
مضت ساعة وكان كل وحدة منهن مشغولة بشي مختلف...
ريم كانت تكلم عنود بالجوال
عنود:وحشتيني بعد.. ما علمتيني وشلون الوضع عندك مرتاحة يقلبي
ريم بدلع:كيف برتاح وانتي بعيده عني
عنود:افا عدلع لك بمود يومين!! عطول بديتي دلع
ريم تتصنع الزعل:ليه ما يحقلي! اشوف البعد جازلك ومرتاحه له بعد! ايه في مين يغطي غيابي
عنود بإستغراب:يغطي غيابك؟
ريم بغيرة:ايه السكرتيره حقك اكيد استغلت الوضع وتلاقيها الحين تتقربلك
عنود: ترى مافيه من الواقع شي غيرتك تيجي من خيالك السارحة فيه.. ترى ولله امزح يبعد قلبي وروحي وحشتيني والراحة هجرتني ببعدك وتعبانه وزود بعد
ريم:معليه.. خلك تعرفين قيمتي
عنود:يا ظالمة ونا من متى ما اقدرك واعرف بقيمتك!
ريم:واضح من كلامك
عنود :عمري الدلوع أنا.. ترى محضرلك مفاجأه حين تردي لي
ريم:منجد!! وش هي
عنود:اشوف الدلع طار.. ما اعلمك الحين لين. تردين هنا
ريم:ونا كيف بقضي ايامي والفضول يذبحني!
عنود:مشكلتك يا جميل
ريم:نتحاسب بعدين يا جميل لكن لعلمك لك عقاب
عنود:ليه؟
ريم:على برودك حبيبي
عنود:كما تأمر الملكة.. الحين علميني وشلون وضعك؟
ريم: الصراحة كنت بتوقع أسوء من كذا بسبب الحرب.. ما انكر انه في مسحة حزن وتعب بلاجواء ومو بذيك الصورة يلي كنت اتخيلها لكن عموماً  الاجواء حلوة ولطيفة وبتشعري بالدفئ والناس هنا بسيطة ومرحة وفي اماكن تجنن وطبيعة حلوه وكذا
عنود:افهم إنك مرتاحة؟
ريم:ايه رغم كم نقطة.. اقول رفيقتك ذي ابرد من جبل ثلج وشلون تعرفتي عليها؟
عنود بضحكة:ياسمين! هي ضاهرها بارد لكنها من اطيب واحن الناس يلي اعرفهم وش فيها مزعليتك بشي؟
ريم:لا محدا يزعل حبيبة عنود.. لكن للصراحة برودها يستفزني تعرفيني انا والبرود مب اصحاب لكن صاحبيتها لين عكسها وارتاح معها اكثر
عنود:ما عليك مع الوقت راح تفهميها اكثر
....
قضو ساعتين وهن يتسولفن وخبرتها ريم بلكشي صار معها من المطار لحد لحظة الاتصال وكانت عنود دور تضحك لكلام ريم وموقفها ودور تسمع لها باهتمام
....
بنفس الوقت عند ترف وماري
ترف:وش هالمكان؟
ماري: هاد المتحف الوطني فيه بعض الاثار الرومانية راح تاخدي صور ومعلومات تفيدك
ترف تأشر على لافتة خارجية: مكتوب ممنوع التصوير!
ماري تغمز لها: ولاتهكلي هم كلشي بهالبلد بنحل بلمصاري..
تتقدم ماري وبتقطع تزكرتين دخول.. كان المتحف يتالف من حديقة بتواجد فيها تماثيل وقطع من اثار وبعض من الاعمال اليدويه واحجار منقوش عليا كتابات قديمه ومنها لوحات حجرية بلفسيفساء
وكان كل الاثار موزعة بلحديقة بشكل منظم
وبنهاية الحديقة كان في مبنى يلي هو المتحف الداخلي.. توجهن له
ماري:دقيقة خليني احكي مع المسؤول كرمال التصوير
بعد نقاش طويل وعناد المسؤول بلاخير وافق دخلن للمتحف وبدا دليلهن يعرفهن بإجزاء المتحف واقسامو وشو بيحوي ويعرفها على نوع التحف وتماثيل يلي ترف عامله دراستها عنن تبدأ ترف تكتب كل المعلومات وتصويرهن
ماري:طفي فلاش الكاميرا
ترف:ليه!
ماري:بأثر بالمعروضات منك شايفة كيف الاضاءه خافته؟
ترف:لهيك ممنوع التصوير؟
ماري:اي.. ولاسباب امنية تانية وهيك شي!
بعد ساعتين من التصوير وجمع المعلومات وبمساعدة ماري انتهن
ماري:وأخيراً.. انتهينا يلا خلينا نروح  لمقهى نشرب شي ونرتاح
ترف :خلينا هون الحديقة الخارجية عجبتني واجد مافيها كوفي؟
ماري:مبلا.. بتحبي نفوت ولي نطلب هون؟
ترف:هنا.. احس بهدوء نفسي
ماري:طيب ختاري مكان نقعد فيه لروح جيب شي
...
عند لين خلصت مناوبتها بعد ساعات ضغط وتعب وراحت لقسم الإقامة لتغير تيابها وتتجهز قبل تتصل بياسمين بيشوفها رامي واسيل وهي طالعة بناديلا رامي من بعيد وباشرلها
رامي:لكككك لين لييين نطري دقيقة... يجتمعو تلاتتهن
أسيل :وين هالغيبة يقمر بشو نشغلتي البارحة؟
لين:أسيل مو وقتك ميتة تعب وبدي ارجع للبيت
أسيل :الله.. الحق مو عليكي الحق على يلي بدو يطمن عنك
رامي:خفي عليها شبكي تعبانه
اسيل:بتحكي وكأنها الوحيدة يلي مستلمه مناوبة!
لين:لك مو هيك القصد ولو.. سوري بس مستعجله للرجعة
رامي:مافي رجعه قبل ما نحكي شوي.. تعو عازمكن على سلطة فواكه تغير مزاجكن
اسيل: ع حسابك ولي راح تلزق بعادل
لين: عادل ما نتهت مناوبتو راح يلزقها فينا
رامي:هلأ انا هيك! ماشي زعلت انا.. مافي سلطة
أسيل:بدك اياها من غيمة لتهرب من العزيمة
رامي:يلا ولوو خلينا نمشي قبل تخلص استراحتنا
قعدو تلاتتهن ياكلو سلطة فواكة حكتلهن لين عن زياره ترف وريم..
أسيل:ضيوفها بعيونا بس مو سبب لتخلينا نشيل مناوباتها خصوصي بهيك ضغط شغل
لين:شو رأيك تترك ضيوفها وتيجي للمشفى!
رامي:لك اقسم بالله انو بتمنى شي مره نقعد نناقش بدون ما نقلبها مشكلة
اسيل:اي حبيبي انت شو هامك ماعندك شي وراك غير مشفى وجامعة اهلك مسافرين ماخذ راحتك مو متلي ومتل عادل ورانا أهل نبلش فيهن!
لين:ع طاري عادل.. انت شو بدك تعمل بحبيبتو راما لتطلب مني ساعدك عليها!
بيسكت رامي لدقيقة وبتتغير ملامحو للجدية:بدي بعدها عنو
اسيل:ول.. هيك دفعة وحده بتحكيها!!!
لين:مجنون أنت!!!؟ شو عم تخبص بالحكي ما يسمعك عادل لينهي صحبتكن!
رامي :انتن التنتين بتعرفو قديش انو راما وحده حقيره ولئيمة وما بتناسب عادل وانها معاه بس لتستغلو وما بتحبو
لين:لكك نجنيت انت وربي شو استغلال وما بتحبو منين بتجيب هالقصص!!
أسيل :ليك رامي.. بعرف انو كلامك صحيح
تقاطعها لين بسرعه:شو بتخبصي انتي التانية ما بكفينا مجنون ناقصنا جنانك بدل ما تهدي الوضع عم تشعليها! صحيح راما عندها حركات نذالة بس مابتوصل لدرجة نحاول او نفكر بتخريب علاقتهن
أسيل :ما تقاطعيني.. انتي ما بتعرفيها ع حقيقتها هي فعلا عم تستغل عادل بس كرمال سمعتو وشعبيتو والمصاريف يلي عم يحطها عليها
لين:ماعم صدق يلي بسمعو!
رامي:لك لين سكتي صرعتي راسي انتي شو بتعرفي عنها عم نقلك هي البنت حرباية وسم ولازم نبعدها عن عادل بأي وسيلة لحتى ما تكسر قلبو
لين:ازا حكيكن صحيح لي ما تخبرو لعادل! لي لتتصرفو من ورا ضهرو!
أسيل :حاولنا مره بس هو عقد ما بحبها منعمي عن تصرفاتها.. ما بتتزكري هديك المره لما تمشكل هو وياسمين وكان مستعد يترك رفقة ياسمين كرمال راما لولا ما ادخلنا وهدينا الوضع!
رامي:هلبنت حية وما بكفي نجيب دليل ونقدمو لعادل.. عقد منها حرباية راح تقلبو علينا.. وعقد ما عادل حمار وادانو اطول من برج خليفة راح يصدقها ويعلق فينا.. لين لازم نتحرك وما نخسر عادل
لين:بس هيك راح تكسرو قلبو!!
رامي :لكن نتركو هيك متل الاطرش بزفه!
أسيل:منلاقي حل منعمل خطة يشوف بعيونو حقارتا ونذالتا هو يلي لح يتركها ويبعد.. هيك هيا بتحل عنو وما بقى تستغلو وهو بصدق ومابعود يثق فيها
رامي :هيك شي.. بس لازم لين تساعدينا ومنشوف ازا ياسمين كمان بتساعدنا ما لازم نتم ساكتين اكتر من هيك.. يعم الصمت لدقايق وبعدها اسيل ورامي بيرجعو للمشفى ولين بتتصل لياسمين كرمال تاخدا
....
عند ياسمين
واقفة على شاهدة احد القبور وبيدها ورد جوري احمر تتأمل القبر بعيون دامعة نحنت للقبر وحطت باقة الورد عليه.. مسكت حبات تراب القبر وبلشت تمسح على التراب وتحكي بهمس للقبر:
بتعرفي اني شتقتلك كتير؟ مو بس الك.. شتقتلكن كلكن.. ماعم اقدر داوي جرح غيابكن.. خصوصي انتي.. من تلات ايام طلعت نتيجة الامتحانات.. كل عاده طلعة الاولى على جامعتي متل ما بتحبي ومتل ما بدك.. تمنيت لو كنتي حدي لتحسي بالفخر.. لتلعبي بشعري وتقليلي مبروك.. لكنت احتفلت بهالمناسبة معك..رفقاتي حاولو كتير لاحتفل.. بس رفضت.. ليه لاحتفل! انا ما حسيت بلفرحة لاحتفل فيها.. شو نفع الانجازات ازا مافي مين يشاركك فرحتا.. عنجد شتقتلك..كيف قدر هالتراب يحوي جسمك.. كيف قدرت روحك تطلع لسما وتتركني لحالي؟!؟!
تبتسم بمرارة ويسيل خيط من دموع حارة يحرق خدا تحس بجمر بعيونها ورغبة عارمة باحتضان القبر.. تكمل كلامها بهدوء اكتر.. راح قلك شي اليوم ما جيت لخبرك عن نتيجة امتحاناتي.. في شي ما بعرف شو هو بضبط بس راح قلك.. بعرف انك بتفهميني اكتر مني وراح تفهمي شو بني..
في بنت قابلتا من يومين.. بتصدقي انها شايلة نفس عيونك!!! نفس اللمعة ونفس اللون والنظرة حتى!! أنا كل ما شوف عيونها بقاوم رغبتي بأنو بوسهن.. بيجي عبالي بوس عيونا التنتين.. اقربهن لعيوني وتاملهن لحتى نام!! بس في شي تاني.. قلبي.. قلبي عم بدق! كل ما اسمع صوتها او شوفها بحس بشعور دافي
من لما رحتي وتركتيني ما حسيت بأي شعور.. صرت متل جبل التلج.. او كأني صحرا.. جافة.. قاحلة.. مافيني اي شعور.. بس لما شفتها تحرك شي جواتي.. مابعرف شو هو بس انو شعور حلو!!
ما تخافي راح تضلي السيدة الأولى.. بس شو اعمل منو بيدي! قولتك شو هالشعور!؟.. عم حاول اتجنبا لحتى ماتكبر الاقصة.. بس كيف بدي اتجنبها وهي بشقتي! انو لو كنتي معي بعرفك راح تشجعيني لاعطي نفسي فرصة ومجال.. بس كل ما اتزكر جرحي القديم بتراجع!! شو اعمل!! يا ريتك كنتي حدي.. يا ريتك مافليتي!!
تبوس حبات لتراب تمسح دموعها وتقوم.. تودع القبر وتطلع يرن جوالها.. ترد
لين:الو ياسمينو كيفك
ياسمين :منيحة
لين:شبو صوتك! فيك شي! انتي منيحة!
ياسمين:مابني شي كأني لح رشح!
لين:ياي.. بحبك لما ترشحي منظرك بصير كيوت وطفولي
تبتسم ياسمين:هلأ شو بدك؟
لين:تاخديني
ياسمين:بأمرك يا حلوتي
لين:يي اسم الله عليك حبي شو صار لتقليلي حلوتي مين معي!
ياسمين:بأمرك يا زفتتي
لين:منيح هلأ انتي ياسمين.. يلا تعي خديني لساتني بالمشفى
ياسمين:تمام.. جاييك
تروح ياسمين وتاخد لين من مشفى ويرن جوالها بطريق
ياسمين:لين ردي انتي هي ماري
لين:ها.. انا!!!
ياسمين:لك ردي انا عم سوق مابدي يخالفونا!!
لين:الو
ماري:كيفك يقلبي
لين تسكت وبدوب من صوت وكلمة ماري
ماري:ياسمين لك وين رحتي.. الو
لين:لين.. انا لين
ماري:اه لين اهلا وسهلا كيفك يقمر وينا ياسمين؟
لين: قمر..منيحة مش هون..ياسمين.مبلا مبلا هي حدي خديها.. تعطيها الجوال بسرعة وتسترخي على مقعد السياره وقلبها راح يطلع من ضلوعها
ياسمين:الو ماري معك
ماري:هلا يقلبي.. شبها لين هي بخير!
ياسمين:اي بخير بس اكلت كريك عاطفي
ماري :مافهمت؟!؟
ياسمين:انسي.. كيف كان يومكن؟
ماري:تمام خلصنا ومشينا امورنا وتمام التمام كنت لح وصل ترف للبيت بس قالت اتصل عليك
ياسمين: يسلمو حبيبتي بس انا بوصلا وينكن هلأ؟
ماري:بحديقة المتحف الوطني
ياسمين:جاي
تسكر الخط وتطلع للين يلي كانت غرقانه تماما بلمقعد وملامحها حب
ياسمين:قومي قعدي منيح وحطي حزام الأمان لي هيك غرقانه بلارض! ازا الحب هيك الله لا يذلنا لحدا!
ما كملت حكيها ولا شرطي المرور يأشر لياسمين
ياسمين:كيفتي هلأ راح يخالفني على حزامك
الشرطي:لي مو حاطة الحزام يا آنسة؟
لين:حسيت بشوية خنقة وضيقة تنفس
الشرطي يطلع على قميص لين يلي كان ضيق ع صدرها بشكل مبالغ فيه يرفع حاجبو باستهزاء: وحزام الإمان هو يلي خانقك؟
حست لين بلاحراج والخجل وماعرفت شو تحكي
اما ياسمين كان براكين تشتعل جواتها لاحظة لين هشي ومسكت ايد ياسمين لتهديها
لين:بعتذر ان شاء الله ما بيتكرر الغلط هاد
الشرطي:القوانين ما بتتعالج باعتذار!! لو حدا تاني كان...
تقاطعة ياسمين بحده:هلأ بدك تفتح محاضره معها!
تطالع مبلغ من مال وتحطو تحت رخصه السياره
ياسمين:هي وراق السياره اتاكد منا وخلينا نمشي عنا أشغال لو سمحت
بمثل الشرطي انه بيقرا الوراق وبيسحب المبلغ وبلاحظ انه قد يلي بطلعهن بيوم كامل من رشاوي المخالفات!
الشرطي :الوراق تمام فيكن تروحن بس تاني مره نتبهن للحزام.. كرمال امان السير والمواطن
ياسمين تطلع عليه باستهتار وتهمس لنفسها
امان المواطن!!؟ تشغل سيارتها وتتوجه للمتحف
لين:شبكي لي هيك انفعلتي
ياسمين:سلامتك!!! كان لازم كسر راسك انتي مو هوه
لين:نسينا لحزام خربت الدنيا يعني!
ياسمين:بتعرفي لا قصدو ولا قصدي عن الحزام..
لين:لكن!!
ياسمين:ع قميصك يلي مابعرف كيف عرفتي تلبسيه!
لين:اها هلأ صار الحق على قميصي مو على عيونو!!
ياسمين: لك انتي شايفة حالك بلمراية!! القميص يا دوبو فايت فيك!! انو فعلا ملفت مافيك تحطي الحق عليه وحدو!
لين:حبيبتي انا بلبس يلي بحبو وما حدا خصو ولبقى تحطي الحق على ازا الشعب بيطلعو ع كلشي ما خصني انا ومو ذنبي!
ياسمين:لا ابد.. انوهي مشكلة الشعب العربي كل واحد بدو يعمل يلي براسو ويحط الذنب ع غيرو.. هلا بنزل ع شارع عارية وبقول محدا يطلع فيا.. حرية!!
لين :لك شبكي نجنيتي كبرتي الموضوع
ياسمين :يعني ايمت اكبرو؟! لما شي يوم تيجيني مغتصبه؟؟
لين:يا الله على هيك تفكير وعقل!! بتعرفي انك متخلفة!
ياسمين:اي عاجبني تخلفي.. هلأ اسكتي لاحكي هالمكالمه.. الو.. يلا طلعن نحنا برا ناطرينكن..
ركبت ترف وماري السيارة..
ماري وترف:هاي
رفعت ياسمين حواجبها بمعنى اهلا
لين:هاي
ماري:شبو الحلو مابرد؟ لهدرجة مستكتره علينا رافعه حواجبك بس!
لين:تركيها معصبه هلأ بترجع تنفجر فيي
ياسمين تلتفت لترف :كيف كان يومك؟
ترف:حلو ما تعبت بسبب مساعدت ماري لي
ياسمين:منيح.. واجهتي مشاكل شي؟
ترف:لا.. كان ممنوع التصوير لكن ماري حلت المشكلة
ياسمين تسأل ماري:كيف حليتيها؟.
ماري:كلشي بلمصاري بنحل
ياسمين:بس هاد متحف!!!
ماري:كان المبلغ مناسب لهالحالة
ياسمين:لو خبرتيني كنت حكيت مع المدير
ماري:ليه
ياسمين:بعرف بنتو
لين:انا مابعرف كيف عندك هالكم من المعارف وانتي يا دوب تحكي كلمه او تطلعي او تروحي لحفلات وتجمعات!
تلتفت ياسمين لالها وتزورا بعيونها
لين:لساتك معصبه مني!
تطنشها ياسمين وتسال ترف :لوين هلأ؟
ترف :للبيت ابغى انزل كل الصور والمعلومات للابتوبي
ياسمين :بأمر عيونك
حست ترف بلخبطة مشاعر واحراج..من لما ركبت السياره وياسمين توجه لها الحديث ومهتمه لتفاصيل يومها الشي يلي خلا ترف تتوتر لكن تحس بالفرحة داخلها.. اهتمام ياسمين كان سبب كافي لخجلها فكيف بعد ما سمعت منها كلمه بأمر عيونك.. حتى لو عفوية!!!
ماري تسأل لين:لي مزعله ياسمين منك؟ يكون بعلمك يروحي زعل ياسمين من زعلي ويلي يزعل ياسمين كانو زعلني
تتلبك لين وتحكيلهن يلي صار مع الشرطي لتتفاجأ بردت فعل ماري يلي كانت اكبر من رد ياسمين باضعاف!!!
ماري:هاد الندل لو كنت موجوده لدعوستو بسياره وشربت من دمو كمان
لين:طب لي كلكن بتكبرو الموقف!
ماري بغضب:منكبر الموقف!!! انتي شايفة انو عادي يطلع بعيونو عجسمك!!! اااه لو كنت هون لطلع عيونو بأيدي ولاحط بدالن جمرتين!
سكت الكل بهلحظة
ابتسمت ياسمين لانو مشاعر ماري صارت واضحة للكل!
وبلحضة ادراك عرفت لين انو غضب ماري كان غيره عليها ماكان تكبير للموقف!!!
من كتر ما حست بالحب والمشاعر يلي اجتاحتها كانت شوي وراح تطلع راسها من شباك السياره وتصرخ  لماري بحبككككك..
ماري:ياسمين نزليني هون عندي شغله اعملا.. ترف راح نضل عتواصل واي شي بدك اياه خبريني
كانت تتكلم واثار الضيقه والعصبيه  لسا واضحة من نبرتها.. نزلت من سياره وودعت الكل
ترف: اضن انو ماري تبادلك الشعور!
ياسمين :لا تضني.. اتاكدي
لين:لا معقوله!!! بس ولله حسيتها غارت علي!
ترف:حسيتيها!!! ع قولت ياسمين لا تحسي.. اتاكدي!
تبسمت ياسمين وسكتت لحظة :لين.. ماري واضح عليها الزعل لازم تراضيها
لين:ها
ترف:يا كثر وهقاتك بكلام
لين:ها اي كلام!
ترف تلتفت لياسمين ويضحكن سوا:مافي فايده..
وصلن للبيت طلبن الغدا دليفري  وجلسو ياكلو ويحكو لريم كلشي صار والكل يضحك ومبسوط
بعد الغدا ياسمين وترف توجهن لغرفهن وضلت ريم ولين يتبادلو الحديث مضت ساعات وحل الليل وراحن لغرفهن لكن ترف كانت لساتها فايقة عم تشتغل علابتوبها ترتب ملفاتها وتخطط للتالي واجهت مشكلة باحد الملفات حاولت تحلها اكثر من مره لكن عبث خطر ببالها تستعين بياسمين لكن تاخر الوقت خلها تتردد رجعت تحاول لعلها تنجح عندها اصرار تنهي عملها قبل تنام توجهت للمطبخ تسوي لها كوب قهوه يرجع لها تركيزها سمعت صوت من غرفة ياسمين اتاكدت انها لازالت سهرانه ترددت لكن تقدمت ودقت الباب دقات خفيفه تراجعت خطوتين ضن منها انه ياسمين نايمه ولعل الصوت من الجيران
لكن ياسمين فتحت الباب بهدوء
ياسمين:ترف!! انتي بخير؟
ترف:اسفة ان ازعجتك بهلوقت لكن سمعت صوت من غرفتك وكنت...
تقاطعها ياسمين:ولايهمك مافي ازعاج لساتني سهرانه.. اي هاد صوت لابتوبي اسفه اذا انا ازعجتك
ترف:لا لا.. انا سهرانه بعد لكن واجهتني مشكله بملف وقلت اسالك اذا فيك تحليها
ياسمين:ولا يهمك تفضلي لشوفو
ترف:هاا
ياسمين:شبكن كلكن اليوم! ها وها! تفضلي فوتي راح تضلي ع الباب!
تدخل ترف تتوجه ياسمين لشرفه كانت مجهزه سهرتها هناك حاولت ترف تاخذ نظره سريعة لتتعرف على ذوق ياسمين اكتر لكن ياسمين كانت مشغلة اضاءة خافته.. رائحة عطرها معبي الغرفة رائحة عجزت ترف عن معرفة اسمها كانت مميزه ثقيله لكنها تشعرك براحة والاسترخاء.. قعدن ع الشرفه يلي أيضا كانت باضاءه خافته اكثر من الغرفه وكانت ياسمين حاطه طاوله صغيره مرتفعه وعليها لابتوب ومشغله عليه اغاني هاديه تتناسب مع الجو وحدو فيه مشروب اخضر اللون وكم قطعة كيك صغيرة
تناولها كرسي يجلسن
ياسمين:شبو الابتوب؟
ترف:مدري الملف ذه فجأه تقفل
صبت ياسمين كاس من المشروب واعطتو لترف
ياسمين:خدي دوقيه وعطيني رايك بعد ما حل مشكلة الملف
ترف:اسفة بس ما اشرب!
ياسمين:طب جربيه بلاول
ترف:قلت لك ما اشرب مشروبات ابد
ياسمين :مشروبات!؟.. لك هاد منو مشروب كحولي! عصير عادي انا ما بشرب كحول ابدا ماتخافي
ترف:عصير اخضر!
ياسمين:طب مسكي بلاول شميه دوقي بعدين احكي
تمسك الكاس وتقربو لانفها.. تحس بريحة نعنع قوية ضرب مخها وخلاها مصحصحة ونشيطه
ترقبو لشفافها ودوق منو رشفه... كان مشروب حلو ولاذع ومنعش وبنفس الوقت يروق ويهدي اعصابك اثار إعجابها بشدة نزلت الكاسه لتخبر ياسمين لكن ياسمين كانت غرقانه بمحاولة اصلاح الملف
استغلت ترف الفرصه تتأمل ملامح ياسمين اكثر
بياض شديد كانو تلج عيون سود ذبلانة رموش كثيفة شفاه صغيره منفوخة  فك حاد ملامح وجه ناعمةومتناسقة خصلات شعرها الاسود تنزل لعيونها وترفعهن بهدوء باصابعها الطويلة الناعمة
كان كل تفاصيلها مثالية وجذابه لترف بشكل كبير 
تسللل لسمعها اغنية مشغلة ع لابتوب ياسمين
كان صوت المغنية رقيق وهادي كتير يلي خلا ترف تنصت بتركيز لتسمعها.. كانت المغنية بكل رقة تقول:
"مابعرف شو يلي عم يسحرني هيك
لمسة ايديك
ضحكت عينيك
حسيت بقربك بلأمان
صرت بزمان غير يلي كان
عم بعشق انا عم اخلق من اول وجديد.."
كان ترف تسمع الأغنية وتتامل ياسمين تحس كل كلمة من الأغنية كانها لياسمين هي فعلآ عايشه اللحظة حست بدفى يغلف الجو وحست بالحب يتغلغل لاعمق نقطة بقلبها هي فعلا تحمل مشاعر لياسمين من اول لقاء لكنها كانت ترفض تتقبل هالشي وتنفية لكن بهي اللحظة بذات اتاكدت انها حامله مشاعر لياسمين حتى لو ما حددت طبيعتهن لكن المهم انو حامله!
ياسمين بدون ما تطلع ع ترف:انحلت المشكله
ترف:منجد! مشكورة وايد
ياسمين:عجبك العصير؟
ترف:وااجد وش اسمه وش مكوناته!
ياسمين:نعنع وسفن اب وليمون ومابعرف ازا فيه شي تاني.. اسمو بولو
ترف: مذاقه مره منعش ولذيذ مشكورة على المساعدة والحين عن اذنك ابغى ارجع اكمل شغلي قبل ما يشوفنا احد الثنتين واعلق بلسانهن
ياسمين بضحك:معك حق هلأ بسحبهن الخيال لبعيد.. تطلع بترف وتراقب عيونها بدون ما يرف لها جفن
تحس ترف بالخجل والدم تجمع بخدودها:عن اذنك.. تصبحين على خير.. بس و اسم المغنية باخر اغنية؟
ياسمين:وانتي من اهل الخير.. اسمها يارا
تاخد ترف الابتوب وتقوم لغرفتها تحس بعاصفة مشاعر  ملخبطة تجتاحها ترمي نفسها بسريرها تحاول تضبط انفاسها وترتب افكارها لكن كل شي هاجمها فجاه.. افكارها.. مشاعرها.. قلبها واحساسها
بهلحظات سمعت جوالها يرن استغربت ترف مين يتصل عليها فهالوقت! ناظرت جوالها وضحكت للاسم وردت بسرعة وفرحة
ترف:ياااا فدوه هالصوووت يا فاطمتي زمان عنك يالتبن وين اختفيتي!!
فاطمة:يا هلا حبيبة قلبي.. شغل وقضاية ومحاكم ما اخلص منها شلونك ياعيوني
ترف:مشتاقلك حيل
فاطمة:ها اشعجب هيج مشتاقه؟
ترف:كلي تبن تعرفين غلاتك وشوقي لك
فاطمه:انزين عيني ونا بعد دقول شخبارج يحلوتي
ترف:بخير..انا بسورية فيك تفضي حالك وتسافري تيجيني!؟
فاطمة:سورية! هايمعودة اشقاعده تسوين هناك
تسرد ترف اسباب سفرها وكل الاحداث يلي مرت فيها وصارحة فاطمه بمشاعرها ومواقف مع ياسمين علها تساعدها وتعطيها الجواب لوضعها لانها هي بنفسها ما تعرف تفسر شعورها فاطمة هي رفيقتها من العراق تشتغل محامية تعرفت عليها خلال الانترنت ولقت فيها صفات ساعدت على تعزيز صداقتهم رغم البعد وانقطاع الطرفين بعض الاحيان عن المحادثة بسبب ضروف شغل او دراسه ومع ذلك كانت صداقتهم متينه وكانت ترف ترتاح للحديث معها وتستشيرها بكثير مواضيع لان تعبتر فاطمه الاخت الكبيره لها وتثق بكلامها ورايها كانت اكبر من ترف بسنه لكن وعيها ونضجها كان اكبر من عمرها بكثير
فاطمة:اشبيج انت هاي شنو!!!  مو بس تحبينها الا غرقانه بيها يابا
ترف:وشلون غرقانه فيها وما اعرفها الا من يومين
فاطمة:اش دعوة!! ماسمعتي بالحب من اول نظره
ترف:لكن مااعرف عنها شي!
فاطمة:مايخالف يروحي معك وقت لتعرفي اعطي لروحك فرصه! انزين عيني
ضلن يتبادلن النقاش للفجر بعدها ترف حست بنعس شديد ودعت فاطمه وتفقت انو تيجي لسورية بأقرب وقت ويلتقن..