جدعاان إنتو بتقرأو من غير فويت ليه حرام بالله 😂🙈.
#البيت و ناسُه
بسم الله الرحمن الرحيم
_ فتحت الباب علي مصرعيه أمامها هذا المشهد
أختها الصغيره "جني" تجلس علي أحد الكراسي
أمامها زوجة والدها تجمع شعر الصغيره كُله في
يد وفي اليد الأخري تمسك مِقص علي وشك
قص شعرها كُله والصغيره بين يديها تبكي بإنهيار
وتصرخ صراخات متتاليه مُستنجده بِ "يُسر"
التي شُلت حركتها عند رؤيتها هذا المشهد ولكن
سرعان ما استعادت وعيها وذهبت سريعاً دفعت
زوجة والده سريعاً بينما أخذت أختها بين أحضانها مُردفه ببعض من الوحشيه:
_ إنتي استحاله تكوني بني آدمه، إنتي اكيد
مريضه، كُنتي هتقولي لبابا إيه هااا؟
لتقاطعها " إعتماد" قائله بصراخ عليهم:
_ اسكتي يا حببتي وفري الكلام لأختك
كويس إنك جيتي شلتيها من بين إيديا لحسن كُنت هقطعلها شعرها ده كلو في إيدي … كل شويه عايزاني اسرحلها هو أنا ناقصه …
ومن ثُم تركت الغرفه وذهبت ببرود...
لتردف " جني " برعب حقيقي وهيا تتمسك بأختها أكثر:
_ أنا خايفه أوي يا "يُسر"
لتضمها "يُسر" أكثر وهيا تخبأها كأنها تضعها داخلها:
_ خلاص يا عُمري انا معاكي …
༺༺༺༺༺༺༺༻༻༻༻༻༻
دخل "عابِد" غُرفة "مروان" بِهدوء ليتطمئن عليه
وجده يَنظر له نظره غريبه لا يفهم معناها نظره
لم يَنظرها له أحد من قبل ليندفع قائلاً بضحكه
خفيفه:
_ مالك يا "مروان"؟ من ساعة مجيت وحاسك
مش طايقني كده؟ بتبصلي بصه غريبه؟
ليجيبه" مروان" رد مُختصر:
_ البيت يضرب يقلب بره وسياتك جاي تسألني ليه ببصيلك بصه غريبه؟، ليدير وجهه الناحيه الأخري مُردفاً بِهدوء:
_ علي العموم مش وقتو …
ليردف "عابِد" بإصرار:
_ لا أنا عايز أفهم فيه إيه؟ أنا براجع نفسي
لقيتني معملتش حاجه تزعلك، علي طول كُنت بسألهم عليك كُنت كل لما باجي بجيبلك معايا ألعاب وهدايا ولبس، ومن ساعة مجيت ملحقناش نقعد مع بعض اصلا عشان ألحق اعمل حاجه تزعلك؟ فهمني يا
"مروان" في إيه …؟
ليجيبه "مروان" بإندفاع مشتعل بغضبه:
_ كُنت علي طول بتسألهم عليا مكونتش بتكلمني
أنا … كُنت علي طول بتجيبلي ألعاب بس مكنتش
بتحاول حتي تعلمني ألعب عليها إزاي … كُنت بتجبلي لبس بس حتي متعرفش أنا هبقه حابب شكلوا ولا لاء …
تقدر تقولي أنا بحب إيه ولا بكره إيه؟ تقدر تقولي
أنا في سنه كام ولا بدرس إيه؟ فكر فيها كده
تعرف عني حاجه …تعرف عننا كُلنا حاجه؟ لما
تفكر هتلاقي ولا حاجه عُمري محتاجتك ولقيتك
جنبي يا "عابِد" علي طول "إياد" كان جنبي
في كل حاجه بس برضو كُنت ببقه حاسس بنقص …كُنت ببقه عايزك معايا بس إنت مش موجود لأسباب مجهوله!!
أنت تقرأ
البِيت و ناسُه
General Fictionحينما نقبل علي الحياه بصدر رحبْ تاركين كل ذنب وكل خطا ارتكبناه تحت أضواء أمل فِ تكوين " حياه جديده وسط من نحبهم ، فِ سعاده وحُب و آمان "
