البِيت و ناسُه

اقتباس ثاني من الأحداث الجايه (البِيت وناسُه)

_ يمشي علي مهل شديد يتذكر يوم لن ينساه أبداً في حياته؛ يوم وفاة'لُبة قلبه' كما أسماها؛  شدد علي قبضة يده والأفكار والزكريات تعصف في ذهنه جاعله الدموع تتكون في مقلتيه: 

_ خير يا سوسو؛ مش بتتصلي غير لو فيه مصيبه
قالها بضحك مع أخته ولكن الصدمه ألجمت لسانه عندما سمعها تقول:

_ البقاء لله يا'عابِد'… ماما ماتِت

سهام لا لا بل أمر من سهام اخترقت صدره بعد سماع تلك الكلمات خصوصاً بعدما أغلقت' اسراء' المكالمه بل أغلقت الهاتف تماماً؛  هل يعقل لا لا انها مُزحه أكيد فلقد كانت تهاتفني البارحه وكل شيئ علي ما يرام؛  هيا بالتأكيد مُزحه؛ هكذا أخذ يصبر نفسه بعدما ركب دراجته علي أقصي سرعه هامماً بالوصول في أقرب وقت …

_حاله من الحزن سيطرت علي البيت بل علي العماره كلها؛  فلم يمت أي شخص بل ماتت "دُريه"  خير البيت كله؛  دخل العماره وجدهم هكذا فصاح بهم بهياج: 

_ بطلو هزار بايخ بقا؛ انا عارف ان انتو بتعملو كده عشان تخلوني آجي؛ انا جيت اهو بطلوا لعب عيال بقا

لم يري من الجالسين غير نظرات الحزن والأشفاق عليه و … لم يستطع أكمال ذكريات هذا اليوم بعدما تجمعت الدموع في عينيه صرفها بكف يده بهدوء ومن ثم نزل من أعلي دراجته مبتسما أبتسامه تشفي بعدما وصل للمكان المنشود خلع نظارته ملقياً نظره علي تلك السياره باهظه الثمن القابعه أمام البيت نظره سخريه؛ رفع عينيه وجده واقف عند البوابه وجد من كان آتي له ليشاور علي السياره بسخريه لاذعه بنبرت تساؤل: 

_ أمك اللي جايبهالك؟

لو كانت النظرات تقتل لكان مات صريعاً من نظرات من أمامه بدل  نظراته الضاحكه اللي أخره ماكره سامعاً ما يُلقي علي مسامعه:

_ اي اللي جايبك يا "عابِد" مش عملت اللي انت عايزه وأخدتها تشتغل معاك؛  وخليت الراجل الأجنبي اللي من شرم اللي انا جايبو هو اللي يمولك عشان تجدد؛ تحدتني وانت عارف ان المشروع ده انا بخططلو من زمان؛ وكسبت بيها وبي المشروع اي اللي جايبك تاني بقا؟

_ ناديلي بس كده علي'تاليا ولا روفان ولا سوزان ولا معرفش انت بتسميها اي في مشاويرك لما بتيجي تُزقها علي الناس تأذيهم يا'فارس'

كلمات …كلمات قادره علي قلب الموازين؛ حقائق تُكشف في ثواني معدوده؛ ولكن يبقه أثرها لي سنين …

_ نزلت كمان اقتباس كده من الأحداث الجايه يارب يعجبكو؛ الأحداث هتبق ماشيه بالترتيب وهتفهمو كل حاجه في الفصول الجايه متقلقوش … وبس أحب اقولكو ان الجاي انشاء الله احسن بكتر ♡•

البِيت و ناسُه
لِ/ سما السلاموني ♡.