حمراء الوسطى (الحناء)

البـــــ2ــــارت

مَـࢪحبا عُيوني شلونڪُم، رجعت أنزل بروايتي من بَعد انقطاع بسبب الأمتحانات والمُراجعه وهسه اطلب منكم تفاعُل حلو وتعليق ع ڪُل فقرة.... قِرائه ممتِعه لبواتي
🤎.

لـِ رواء الاحمدي
__________________________________

أعظم فرصة موجودة بحياتك أني من الصعب جِدًا محاولة تخطيّ .

_رواء الأحمدي .
__________________________________

هجان

دخلت اسبح ع السريع وطلعت لغرفتي نشفت شعري ومشطته ورفعته كعكه وخليت مرطب وعطر وسويت هجوم ع سريري نمت بي واجتي وراي بدور كذلك وهجمت ع فراشها

صار الصبح گعدنا اني واخواتي وكالعاده غصون الفصعون نگعدها بألف يا علي نسحلها سحل يلا تگوم

اقترحت ع اخواتي بقولي:
هجان، شنو رأيكم بنات اليوم احنا نسوي الريوگ بما أنُ گاعدين من وكت

بدور، خوش فكرة يلا لعد كومن

غصون وهي تفرك بعيونها وتعدل شعرها المكفش، لازم احضر رقم الأسعاف من هَسه

بدور، ليش ولچ

غصون، خاف يصير حريق بسرعه اتصل عليهم

هجان شمرتها بالمخده ع كيف وگلت، دگومي گومي خاف يصير حريق تستهزأين بينه ع أساس أنتِ تعرفين تطبخين احسن من عندنا

بدور، هههههه كافي ولچن رح يگعدون واحنا بعدنا و وراي دوام ما أريد اتأخر .

گمنا للمطبخ طبعاً قبلها غسلنا ورتبنا نفسنا احنا بطبعنا من نگعد نرتب ملابسنا وشعرنا وعطرنا بكل وقت كون احنا نظيفات وحلوات
وهذا سبب انجذاب اغلب اقاربنا النا

هجان، نسوي مخلمه مال بيض وطماطه وچبن وچاي هاا؟

بدور، تمام يلا

غصون بآمر، يلا هجان طلعي الطماطه واغسليها

هجان، نعم نعم حضرتچ تتآمرين؟؟

غصون برفعة خشم وبيدها قلم مدري منين چابته وتآشر بي عليه، اشتغلي وأنتِ ساكته

هجان، بدور أگوملها لو تسكتيها

بدور، انلصمن ثنينچن.. أگلهن وراي دوام أريد اروح وهذني گاعدات يتعاركن

غصون، أعصابچ ست ماگلنا شي

ضحكت صدگ ع سوالفها... طلعت الطماطه طبعاً احنا نغسلها قبل لا ندخلها للثلاجه يعني أول ميجيبها بابا من السوگ هيچ ماما معلمتنا حتى ميصير بي جراثيم ومايكروبات الي تساعد على عفن اغلب الأطعمه الموجوده بالثلاجه وتسبب ايضاً روائح كريها غير مرغوب بيها وقطعتها شرائح مُدورة

بدور خلت الطاوة ع الطباخ وخليت بيها زيت

من تسخن الزيت خليت شرائح الطماطه من تحمصن طگيت فوگاهن البيض الي خلطته