#حمراء_الوسطى
لـ رواء الأحمدي
تصويت +كومنت لكل الفقرات +متابعة للحساب+بگ لوڤ بيب .
__________________________________
العراقُ بذورهِ تنمو دواخلنا .
شرافٌ أبناءِ أبائهُ واجدادنا .
تطيلُ نخلاتِ كبريائهُ وامجادنا .
فيبقى اسم العراق شامخاً يعلو
سماءهُ علمُنا 🇮🇶 .
بأناملي _رواء الأحمدي .
اهداء لِعراقي الحَبيب .
بمناسبة العيد الوطني .
__________________________________
رفل
مَر ع فترة مرض والدتي أسبوع بين نداويها ونهتم بيها وبين دوامي وإمتحاناتي وخلصتهن الحمدلله لكن بأقل مايقال ع هاي الفترة تعب منهك ألى أن وصلنا لليوم الي لازم بي قيود تعقد ع الشخص المجهول الي منعرف أصله من فصله هوَ شنو؟ منو؟ اخلاقه؟ دينه؟شخصيته؟
كل هالأمور مجهولة عن المتقدم لخطبة اختي وكل هذا صار لمجرد صفقه خاسرة يعني بأختصار مساومة اخواني ساوموا بأختي !
يا لعجائب هاي الدنيا ما اعتقد اكو بشر سواها او رح يسويها ولو ما أستغرب إذا اخواني سووها غيرهم ميسويها !؟ مو بعيدة
قيود: رفل انتِ مو گلتي حظري نفسچ واني اتصرف ! شراح تسوين ! شتگدرين تمنعين !
_اني گلتلچ وعند كلمتي سووي ومعليچ بالباقي، هوَ شگلچ شوكت يجي الشيخ تعقدون؟
قيود: بالخمسه العصر
_هسه بثلاثه ونص بعد وكت گومي لبسي
قيود: هاي شبيچ تحچين صدگ شلبس يمعوده
_فستان ابيض يلا حبيبتي بسرعه
قيود: ما أريد
كتفت أيدها وهي تحچي بوجه عابس
_ولچ گومي لاتتعبيني والله اتصرف معليچ بس گومي، راح اطلع اشوف شكو ماكو وارجعلچ مبدله خوش؟
قيود بعبوس: خوش
گامت تحضر واني طلعت برا والشر مسوي حفله ويا الشياطين براسي باوعت بترقب بالصاله محد موجود تقربت لغرفة اخواني ودگيتها اتأكد من وجودهم طرقت الباب بطرف اصبعي السبابة محد طلع دگيت مرة ثانيه هم محد طلع فتحت الباب وشبح ابتسامه إنرسمت ع وجهي بأنتصار من ملگيت أحد بيها دخلت وافواچ من الضحكات المكتومه اطلقتها بداخلي رحت ع الكنتور
طلعت القميص مال رافد والبنطرون مال زاهد والجداحه بأيدي اخذت ردن القميص وشعلت الجداحه قربتها للردن وحرگتها من الوسط صارت دائرة محروگه واسعه تقربت اكثر للياخه مال القميص وهم حرگتها من مقدمتها شلعت زرين من وسط القميص وشمرتهم
ورحت ع بنطرون زاهد شلت اطرافه بأيدي وحركتهم شويه تقدمت للأعلى وكسرت السحاب گلبته ومزقت البطانه مال الجيوب رجعتهن للكنتور ميته فرح شفت حزام گبالي اسود شمرته فوگ الكنتور انداريت متوجهه للباب حتى افتحه واطلع استوقفني شي أبتسمت بشر وتقدمت اخذته وشلعت العلامه الي بالمقدمه صايرة والقياطين شمرت واحد منهن جوه الميز وطلعت الأنتصار محاوطني من كل مكان هيچ احس طايرة انتقمت وريحت گلبي وگلب اختي
أنت تقرأ
حمراء الوسطى (الحناء)
عاطفيةشال راسه ورگعه بحافة الباب گام الدم يتطافر وهو يباوعله بنظرات خنزير متوحش لايقف امام غضبه الحاد شيء يبس دمي ع ابني صرت اصرخ بكل حيلي ولك عوف الولد ولك عوفه الله ليوفقك وليهنيك ولك شراييييد من شراييد سممتنا موتتنا عوفنااا وهو ميسمع مني يشيل ويركع ب...
