حمراء الوسطى (الحناء)
لـِ رواء الأحمدي
اللبوات 🤎🦋.
__________________________________
ارتعاشت يَدُك عند رؤيتَك ألي تنثر البهجه على مُحياي .
_رواء الأحمدي .
__________________________________
زينب
استيقضت من نومي متوجه لخارج غرفتي شفت أمي وأبوي گاعدين قبلي صبحت عليهم
_صباح الخير
أبو زينب: صباح النور بابا
وردة: صباح النور غسلي وتعالي الريوگ كامل
دخلت للحمام غسلت وجهي وأيديني اخذت فرشت الاسنان وفَرشت أسناني كملت ونشفت وجهي وطلعت لغرفتي غيرت ملابسي لتراك أبيض وبيج شويه قماشه من النوع الي يدفي لأن الصبح الجو بارد ورشيت عطر فرش ومنعش وگعدت يمهم بالصاله چنه مسوين گعده بالگاع وفاتحين باب الصاله الي يطل ع منظر الحديقه والجو بي بداية بروده والهوى عالي ومنعش ف يجنن صار
گعدنا نتريگ بنفس مريح وبارد خلصنا ريوگنا وصعدت لغرفتي لبست فستان ازرق غامق او مايعرف بالچويتي وحذاء گعبها جداً ناصي مايقارب 3 سنتيم أبيض وشال أبيض وجنطه بيج وحضرت چنطتي وملازمي وتأكدت من وجود عطري والمرطب والكلينكس وطلعت للصاله انتظر السائق خمس دقائق تقريباً و وصل
صعدت صبحت ع البنات وتوجه بينا السائق للجامعه شويه ونزلنا تمشيت لكليتي هي شويه بعيده بس عادي اني جايه من وكت مامتأخره وهم رياضه صباحيه والجو حلو يساعد ع المشي ف دخلت لقسمي سلام عادي وگعدت دخل الدكتور شرح الماده المطلوبه تقريبا ساعه كان وقت المحاضره
تلتها عدت محاضرات بنفس مدة الوقت ألى أن خلصت دوامي واجه عليه السائق وطلعت
رجعت للبيت تعبانه وجوعانه ماما محضره الغداء بس گعدت تغديت وگمت ركض توضيت وصليت خلصت صلاتي ورحت بسباتي المُعتاد قبلها ماما گلتلي العصر نروح لبيت خالو
گعدتني ماما تدغ بيه وهي ترتم:
_گومي شوكت بعد نلحگ الساعه ب3 يلا النهار صاير شگصرة
گمت ع صوتها وگفت گدام المراية صافنه بعده نحول النعاس بيه شعري مخربط ملابسي صاعده ونازله ولا ألي خلگ دفعت نفسي للحمام اتنشط سبحت وطلعت
وگفت گدام المراية نشفت شعري بالسشوار طلعتلي فستان بني داكن وشال بيج وحذاء وجنطه أسود بعد ما اخذتلي صفنه ع الكنتور مايقارب نص ساعه خلصت كلشي وضفت اخر لمساتي ع اطلالتي الشتويه بعطر خشبي ينثر لمسات الشتاء داخل رئتَيّ .
نزلت ماما متجهزه وبابا هم صعدنا بالسيارة وقت قليل وصلنا مو كلش بعيدين دخلنا من الباب تلگونا خالو وخاله بين السلام والإبتسامه الي تشع حيويه وفرح أستقبلونا أستقبال بَهي .
أنت تقرأ
حمراء الوسطى (الحناء)
Romanceشال راسه ورگعه بحافة الباب گام الدم يتطافر وهو يباوعله بنظرات خنزير متوحش لايقف امام غضبه الحاد شيء يبس دمي ع ابني صرت اصرخ بكل حيلي ولك عوف الولد ولك عوفه الله ليوفقك وليهنيك ولك شراييييد من شراييد سممتنا موتتنا عوفنااا وهو ميسمع مني يشيل ويركع ب...
