#حمراء_الوسطى (الحناء)
لـِ رواء الأحمدي
اللبوات الشرسات 🤎🦋.
متابعة للحساب +تصويت+كومنت لكل فقرة +بگ لوڤ بيب .
__________________________________
ما أنافس أحد على مكانتي أني
ثابتة والكُل يدور مِن حَولي .
_رواء الأحمدي .
__________________________________
رفل
فاتَ الآوان على ما كان
وانطلق طيرٌ الى السماءِ مُطلق العنان
فَنحن عَصان في يَد الطُغيان
يلوحان بنا حَيثُ أيُ مكان
صوت الصراخ اجتاح مسامعي گمت من سجادتي مهروله فتحت الباب اتفقد مصدر الصوت لگيته صادر من غرفة أمي والصوت منطلق من حنجرة قيود فتحت الباب بهمجيه وإذا اشوف أمي مرمية بكل حيلها ع الارض وقيود تعيط وتصحي بيها بس أمي لاحول ولا قوة متحرك لا أيد ولا رجل گعدت بصفها وراسها بحضني ابتعدت قيود گعدت يم رجليها واني احچي مفرفحه:
_ولچ قيوود شبيها مو عفتها مابيها شي .. يمه شو يمه اصحي
اضرب ع وجهها بخفة احاول اصحيها الظاهر مغمى عليها
_قيود اركضي جيبي مي بسرعهه
راحت تركض اجتي بيدها گلاص مي اخذته ورشيت ع وجه أمي بقطرات تناثرت ع وجهها لكن هيهات أمي ما صحت وشكلها ما رح تصحى
قيود ببكاء: شو مَصحت أمي شبيهاا رفل
_مااعرف، ابويه وييين؟
قيود: طالع للشمال عنده شغل، عوفيي ابوي گومي ناخذهاا
_گمت ع حيلي واني وقيود تساعدنه نخليها ع الچرباية نيمناها ورحت طلعت الصايه والحجاب لبستها شلون ماكان بس اريد استرها وركضت جريت الحجاب البسه وقيود گلتلها تأجر جيرانه عنده سيارة
وگفت أمي واجتي قيود تسندها من الجهه الثانيه طلعناها وصعدنا بالسيارة بالوراء گعدت يمها وقيود بالصدر
قيود گلت للسايق ينطلق بينا لأقرب مستشفى
اني بصف امي ودموعي تنهمر ع خدي بسكوت اطبطب ع خدودها احاول ايقظها من غيبوبتها المفاجأه
أمي دائماً يغمى عليها وتبقى ساعات مغمي عليها بسبب مرضها هسه تگولون ليش تصرفتن بهدوء وما انخبصتن لأن گلتلكم متعودين عليها يغمى عليها من تتعرض لصدمات قويه والظاهر بسبب الصار تأثر قلبها ووگعت طريحة الأرض الباردة
وصلنا للمستشفى ونزلت قيود ساعدتني بحمل أمي ودخلناها لداخل المستشفى شافنه موظف اجه علينا بسرعه علامة الخوف بوجهه
: هاا عمي شبيهاا، تعالن تعالن
دخلنا لغرفة نيمناها ع السدية اجه دكتور ورا شويه فحصها وشرحت وضعها أله بأن هيَ مريضة قَلب گال:
خلوها ترتاح، حالياً بوضع الاغماء بعد الافاقة نتخذ اللازم وهاي راچيته جيبوا الادوية المكتوبه
أنت تقرأ
حمراء الوسطى (الحناء)
Romansaشال راسه ورگعه بحافة الباب گام الدم يتطافر وهو يباوعله بنظرات خنزير متوحش لايقف امام غضبه الحاد شيء يبس دمي ع ابني صرت اصرخ بكل حيلي ولك عوف الولد ولك عوفه الله ليوفقك وليهنيك ولك شراييييد من شراييد سممتنا موتتنا عوفنااا وهو ميسمع مني يشيل ويركع ب...
