حمراء الوسطى (الحماء)
للڪاتبة رواء الأحمدي
__________________________________
تغيرت بيك هواية اطباع
ولحد هالساعه متحملتهن
ماخفت منك فد يوم
بس خفت لا زيناتك انساهن
ورغم كل هذا جاريتك
وع هواك عكس الدنيا ماشيتك
وانت بكل قساوة تكسر بعظمي
بس عن هايه صديتك .
_رواء الأحمدي .
__________________________________
اخذني بأيده وصعدنا فوگ اخذتنا خطواتنا لغرفه معزوله عن الصاله صايرة بممر گدامها باب ماعرفته لشنو فتح الباب فلت أيدي وتوجه يفتح بخزانه فتح اول باب منها وطلع صندوق ذهبي حجمه وسط فتحه بمفتاح وطلع منه ورقه مشى بأتجاهي صار قريب عليه وگف گبالي ورفعلي الورقه لوجهي مكتوب بيها تاريخ السنه والشهر واليوم والساعه أستغربت!
_شنو هاي
هشام: يوم ميلادچ
_لا
هشام: هوَ
_لا يوم ميلادي 12/12
هشام: هوَ
_شلون
هشام: هذا تاريخ اليوم الي كشفت بي مخطط اخوانچ القذر ومن هنا ابتدت مهمتي بأنقاذچ
لحظه هي كانت كفيلة بإيقاف كل أعظائي عن العمل بؤبؤ عيني تجمد بمكانه جفن عيني ماغمض كل من حولي سكن عن الحركه فقط تتردد بمسامعي احرف كلماته الصاعقه
ضليت بحالة بهتان تراجعت للخلف بأنحناء وجلست على أرض الغرفه بقساوة لميت شعري بأيدي احاول استوعب شنو الي گاله
_ءءاا يعني اا انت تعرف!!
هشام: اي اعرف واخوانچ حاليًا على قيد قبضة المحكمة .
اني موقعي من كلامه لاشئ بس صافنة واسمعله ما ادري شنو المفروض اسوي او حتى اسئلة حَس ع حالتي وگام جابلي مي انطانياه ارتشفت منه رشفة عفته فوگ ونزلت جوه ما حسبت باقدامي الا وماخذتني للغرفة ع السرير تغطيت ونمت بتكور مثل الجنين بداخل احشاء أمه دفيت نفسي بنفسي واحتضنتها كلامة صعب لدرجة كلشي بيه رفض استيعابه
فزيت عطشانة صبيت بالگلاص وشربت رجعته لمكانه والتفتت مالگيته يمي نزلت اقدامي للأرض واستقاميت اتقدمت بخطواتي لخارج الغرفه اتجولت بأنظاري بالثاله بالمطبخ هم ماكو طلعت بالحديقه گلتيمكن موجود بيها مالگيته هم بقيت واگفه بالهواء البارد واستمه لحفيف الاشجار وهي تنضرب ببعضها أثر الهواء القوي استذكرت الصار أو بلأصل هو عالق بذهني من غير المعقول أن انساه بهالمدة القصيرة
اثناء مدا استذكر سمعت طبگة الباب وشفته بهيبة يدخل المكان لمحني واگفه استوقف خطواته ونظرلي لثواني كمل مشيته لداخل البيت دخلت وراه سويت چاي وحسبت حسابة خليته بطاولة الصاله وگعدت انتظرة واخيرًا گدرت استوعب كلامه واباشر بتوجيه الاسئلة
أنت تقرأ
حمراء الوسطى (الحناء)
Romanceشال راسه ورگعه بحافة الباب گام الدم يتطافر وهو يباوعله بنظرات خنزير متوحش لايقف امام غضبه الحاد شيء يبس دمي ع ابني صرت اصرخ بكل حيلي ولك عوف الولد ولك عوفه الله ليوفقك وليهنيك ولك شراييييد من شراييد سممتنا موتتنا عوفنااا وهو ميسمع مني يشيل ويركع ب...
