حمراء الوسطى (الحناء)

البـــــ8ــــــارت

#حمراء_الوسطى(الحناء)
لـِ رواء الأحمدي
اللبوات 🤎🦋✨.
متابعة+تصويت+كومنت لكل فقرة
+بگ لوڤ بيب .

__________________________________

ماكو ابشع من أنُ ماتلگه مكان تفرغ بي حزنك .

_رواء الأحمدي .
__________________________________

انتظرتها تتصل ماكو لا ساعه ولا ثنين اتصلت بيها فوگ الـ10 مرات ماكو ماتجاوب دزيتلها مسجات هم ماجاوبت عرفتها تعبانة نفسياً وجسدياً ماعندها طاقة حتى تحچي وياي قررت أروح لبيتهم واشوفها واحچي وياها لازم ما اتحمل اكثر من هيچ

_ازهر رح اروح لبيتهم اشوفها ما اتحمل بعد

ازهر: لك تخبلتت تحچي صدگ لك بابا شلون تروح لبيتهم هيَ هيته تروح شوكت مايعجبك وتجي شوكت مايعجبك!

يحچي منفعل ويأشر بأيده عليه رديتله

_ايي تخبلتتت اگله باچر تسافر يريدني اعوفها لو زينب متمرضه لو زينب عايفتك لو زينب منهارة تسكتتتت جاوبني تعوفهاا؟؟؟؟

سكت منخلس من شاف انفعالي

ازهر: بَس حرام مايصير هيَ مو خليلتك ولا عاقدين حتى تشوفها ولا فوگاها بنص بيتهم شافوك اهلها شيسون بيك يسكتولك!!

_ابوگها قابل لو اسوي وياها شي!! هوَ بس اشوفها واتطمن كلشي ما اسوي

ازهر: اصلاً كلامك وياها حرااام مراسلتكم حرااام مو انوب تشوفها ببيتهم

ضحكت بأستهزاء شايط من كلامه
_لك ازهر تخبلت هوَ اني شوكت حاچي وياهاا شو كل مانحچي ماتقبل هيَ تعوفني منهارة وتروح لك حتى غزل ما اتغزل بيهااا تعلمني ع الحراام اخاف عليها من نفسي مو انوب اخليها ترتكب حراام بسببي، بَس هيَ منهارة تحتاج اوگف وياها واني احبهاا مايهون عليه اشوفها منهارة وتتعذب وما اسوي شي گلبي مو بأيدييي افهمممم عادد افهم

ازهر: الحراام يبقى حراام لو مو تحبهاا مو هاي اني احب زينب من چنت طفل فد يوم حچيتلهاا فد يوم لمحتلهاا غيير ادري حراام

_شميم يختلف وياها الوضع شميم حالتها مو طبيعيه حتى اسكت هاي اولاً، ثانياً زينب گدام عينك تكبر وتطلع وتمشي مشاركها بأغلب تفاصيل حياتها تعرف الصغيرة والچبيرة اما انيي شميم بعيدة عليه مو يمي حتى اعرف اخبارها وتحركاتها فـ انجبر اتواصل وياهاا

ازهر: هسه تريد تروح

_كلامك خلا بيهاا روحه

أبتسم وتكّه نفسي ع الحايط مشابك أيدي لصدرة وانطلق مسترسل: روحلهاا وتعال الك 10 دقايق غيرها افضحك اني واگلهم راح لبيت البنية وخلفوا طفل

ضحكت وشمرته بالمخدة: لا يا دماغ سزز وينها وين الطفل هيَ محتارة بضيمهاا

ازهر: لعد امشي بسرعه وتعال