الطريق نحو الموت (تلال حمرين)

البارت ال 7

:مَعزَتنه
وگضَت
جَا بَعد
شَمتَانيِن

امنيه:

سمعت صوت خطوات كلش عاليه ورانه

جان عندي لايت مال جداحه

التفت وراي وجان اشوف جلب كلش لونه اسود شايل بحلكه ايد ماال انسان مبينه جديده لان بعدهه تنكط دم

كام ينبح علينه اخواني كامو يرجفون من الخوف

كمت اضرب بي بحصو كبار بس مايفيد

كلما زاله يتقدم علينه ومنا رجلي تنزف ماكدر اركض حته اشرد

تقدم علينه صار قريب مني حيل

مدري منين اجتني القوه وشلت صخره كلش جبيره صرخت حيل وضربته من اول ضربه انفتح راسه

رحنه اني واخواني نكمل طريقنه

ضلينه نمشي لحد ماوصلنه الجبل

شفتي بطريقي سكه قطار

تذكرت لمن جيرانه عبرو كالو لمن توصلون سكه القطار يعني وصلتو الجبل

جنت شايله سجاد عله ضهري

وصلنه الجبل تقريبا الساعه5 يوم الأربعاء

2015/18/8

صارلنه اربعه ايام من طلعنه

تذكرت لمن طلعنه شلون جانت امي فرحانه

لان كلش مشتاقه لبابه

يوميه بليل اكعد الكاهه حاضنه ملابسه وتبجي

علاقتهم جانت كلش قويه حبهه حب عضيم وضحه علمودهه حته اهله عافهم

ياتره هيه وينهه هسه كتلوهه لوسجنوهه هيه وعمر

جه عله بالي حرب الي ماشاف من حياته شي

احد دفنه لو بقه للجلاب تاكل بي

تعبانه تعب نفسي وجسدي وجوع وعطش

من طلعنه مامكله شي

اصلن ولايجي عله بالي الاكل كل همي اوصل

بهاي الشكم يوم كبرت عشره سنوات

تحملت مسؤليه اخواني ضيعت امي اخوي مات واحد ماعرفه َوين

شايف من يجن ڪلهن ولازم عود تحملهن لابيك التأجلهن ولابيك التخلصهن

كملنه طريقي اني ورجلي البعدهه تنزف لابت روحي

شكد عثرت وارجع اكوم

كل شويه اوكع عله وجهي والكاع جانت صخريه جسمي كله تجرح من الوكعات

مرتين وكعت عله وجهي

مره جنت امشي وجان تعثر رجلي بصخره

طرت وجيت عله وجهي تفلش وجهي

وتكسرت اسناني وخشمي كام سنزف وحلكي اني واخوي الجنت شايله هم وكع مني وجه عله رجله ومايكدر يمشي