لا أنسى..
سأتذكر هذه الأيام جيداً ، لم يكن بجانبي أحد غير الله🥀🖤
امنيه
سمعت اصوات ناس ورايه
الدنيه ليل وجان الكمر غايب
بس اسمع اصوات بجي مال اطفال بجي حيل عالي جان
فجأه صار صوت رمي قوي ونسوان كامن يعيطن
صرخاتهن من كدما جانت عاليه صارت باذاني
سمعت واحد منهم كال راح نرجعن مشي
وزلمجن عود تعالو شوفو جثثهن بلفكله يوم الاحد
احنه بقينه كاعدين بلوادي كوه شايلنه وحته نفس مانكدر نتنفس
لان جانو كلش قريبين علينه
أصواتهم صارت بعيده
جوو هادئ ماسمع بس نبضات كلبي
غمضت عيوني حته اركز ورتب شتات تفكيري
جنت مشتته شلون اكمل الطريق وذا وصلت وين اروح لاعندي احد اعرفه لاشي
لابقت وياي امي حته بابا ما اله ذكر
اخواني غفو الوادي جان ضيك حيل واخواني ثلاثتهم بحضني
جان الجو كلش حار بديت اختنك
ما ينطيني كلبي اكعدهم
مادري شوكت غفيت كعدت عله هوه حار واحس رطوبه عله وشي يلحس بوجهي
اول مافتحت عيوني وجان اشوف جلب زغير شهكت وردت اعيط وتراجعت خفت يسمعونه
خطيه مبين جوعان
بديت ادفع بي بأيدي مبينه كاتله العطش والجوع
ضليت احاول وياه وراح
شفت الساعه 3:30 الفجر
كعدت اخواني ورحنه نكمل طريقنه
رجعت اعيد نفس الطريقه هم اتسلق اوصل واحد وارجع علثاني
صار الصبح واحنه متسلقين ثلث تلات بس
لان صارن كلش عاليات
لكينه وادي كعدنه بي
قسمت عليهم الريوك جان باكله سلك
اني ما اكلت
ضلينه بهلوادي كاعدين لحد ما صار وقت الغروب وكمنه نكمل طريقنه
امنيه بدينه نتسلق تلات بس ماضل يمي طاقه
كاعده فوك تله كلشي عاليه
والدنيه ليل ونسمات هوه حاره ماشوف بس ضوه بعيد مثل نار يسمونه
حقل علاس النفطية وصوت طلق كلش بعيد وحشرات وبك ياكل بينه اني واخواني جانت ليله بيهه كمر كلش عالي رجلي تنزف واخواني يبجون من الحر والعطش
وصوت طيارات مسيره
من كدما قريبه احسهه راح تضربنه اريد اكوم نكمل الطريق بس ماضل يمي
طاقه تحمل احس هلمره انتهيت بلعومي مجرح من العطش حته صوت ماضل بيه حاولت اكوم اني واخواني النايمين
أنت تقرأ
الطريق نحو الموت (تلال حمرين)
Mystery / Thrillerقصه تتحدث عن فتاه تصارع للنجاه من حرب داعش هيه وعائلتهه رحله الجوع والعطش والخوف لنرافقها في تلك الرحله الاليمه
