وجدتُ بك كُل الرّفاق والأحبه ،
كُل الأشياء الثّمينة و السّعيدة التي تنهمر علىٰ صدر المرء بغزارة ،
كُل الأيام المُطمئنّة واللّيالي الهادئة السّاكنة ،
وجدتك فوجدتُ المعنىٰ الحقيقي وراء كُل الإبتسامات
التي تبقىٰ مُعلقه علىٰ وجهي لساعاتٍ طويلة دوُن زوال
امنيه
كاعده علبلكونه
اليم الشباك اباوع صافنه عله قطرات المي التنزل علجام وجو مغيم وبارد اباوع للناس الي بلشارع
جانت بينه زغيرونه ابوهه لازم ايديهه وشايل المضله ومخليهه فوكاهه علمود ماتبلل من المطر
شكد حنين عله بنته صفنت شيصير لوهسه ابوي مثله يخاف عليه ويحتويني
معقوله لهدرجه رخيصه عليه
زين حبه لأمي معقوله نساه
جان يكلي احبج لأن تشبهين امج
حسيت حرارة بأيدي باوعت كوب الكهوة بيدي
اباوع علناس يضحكون فرحانين بلمطر
فاتت لمه صديقات يركضن بلشارع وفرحانات
تذكرت صديقاتي بلمدرسه ياترة وين صفه بيهن الدهر ماعرف ميتات عدلات
الاجواء هاي رجعتلي الذكريات كلهه
ماطبگن سره طبن علي كلهن وكتلني
وبعد
مااكدر اكتلهن اذاشدن جدامي وشدن الجفين وگعدن ع صدر جا بعد شيحلهن ويلتمن عليك
مشتتات البال يا عريان گلي شلون تنفضهن
بحركه لا اراديه كمت
ارسم حروف علشباك
صفنت عله ايدي
اباوع عله جلدهه المعكرش ومطبك
شكد سويت عمليات بس بعد اثار الحروق
رجعتني صفنتي ليورة
تذكرت لمن جانت امي توسل بيه علمود اغسل المواعين واكللهه لا ماما اخاف عله ايديني
تعالي ماما شوفي ايدين بنتج شصاير بيهن
علواه ضاله عله غسيل مواعينج
شكد جانت مدللتني
صحيح جانت قاسيه بس ماتعز عليه شي
مرات حته الريوك هيه تسويلي اياه
وجنت كلما اطلب منهه شي تنفذلي اياه
هسه عرفت سبب قسوتهه عليه
جانت محبه موقساوه جان خوف واني مفكرته قساوة
الام هيه اكبر نعمه ينطي ربه العالمين لخلفقه
ماعرف هسه ميته عايشه
نزلت دموعي الحارة عله وجهي
فزز صفنني صوت الباب
مسحت دموعي وكلت ادخل
ودخلو الدكاترة والممرضين
رئيس الاطباء شايل مرايه جبيرة
حجه للمترجم والمترجم
كالي يكول خلي تنزعل القناع
انصدمت شنو انزع القناع
اني حته من اغسل ابقه مدنكه علمود ماشوف وجهي لان جان بشع كلش
من احتركت لحد الان مرة وحده شفته وانهاريت
وهسه يريدون اوخره كدام العالم
رفضت اوخرة شرطت بس كرار يبقه انزعه كدامه لأنه شايف وجهي اكثر من مرة
كلهم راحو وكرار لازم المرايه
حاولت انزعه بس ماكدرت ايديني كامت ترجف
كلش اخاف من شكلي وانقهر
كرار
ميخالف خليني انزعه
كام ينزع بي واني كبل كلبت علمرايه ماريد اشوف
نزعه
وغمضت عيوني حيل ماريد اشوف ودموعي تنزل
كرار
يلا بنيتي افتحي عيونج
اني غمضتهن حيل
كرار يلا امنيه تغلبي عله خوفج وفتح
بقيت مغمضه وكمت افتح شويه شويه
وباوعت للمرايه
وانصدمت
وجهي نفسه مثل كبل وصاير احله بعد
بقيت مصدومه واباوع للمرايه معقوله اني
وجهي ولا عبالك صاير بي شي بلعكس
صاير احله من قبل
ذبيت المرايه علسديه
وركضت حضنت كرار
شكرا كرار احبك احبك
وكمت ابوس بي واعيط
التمو الدكاترة عله صوتي ولا هتميت
بقيت حاضنته واصيح احبك كرار
(تخبلت البنت 😂)
كرار
الحمدلله على سلامتج بنيتي حبيبتي
اهم شي انتي بخير ام بيتي
ضليت اكامز بجيت من الفرحه
كلش فرحت
شعور يجنن فرحتي جانت ماتوصف
جسمي هم سوولة عمليات بس ماصار مثل وجهي
طلعنه من المستشفى
ورحنه العصر افترينه
بقينه اسبوع هناك حرفيا احله اسبوع عشته
ماخله شي بنفسي كرار كلشي اشترالي
حته بدله العرس اشترالي اياهه
من هناك جانت تجنن
وقررنه نرجع لللعراق
طلعنه علمطار الصبح وصلنه العصر
تلكونه اهل كرار وذبحو يم رجليني واني حضنت كرار سويت نفسي كيوت
مايدرون شايفه بشر مكتول ياريت حيوانات
وخوات كرار وامه يطشن جكليت ويهلهن
واول مادخلت البيت وهنا جانت الصدمه
يتبعع.....
أنت تقرأ
الطريق نحو الموت (تلال حمرين)
Gizem / Gerilimقصه تتحدث عن فتاه تصارع للنجاه من حرب داعش هيه وعائلتهه رحله الجوع والعطش والخوف لنرافقها في تلك الرحله الاليمه
