وبسببكم ..؟
عيرتنا الوادم المابيها خير
شنهو قصتكم
صفيتوا
لا محنة ولا ضمير....
وبسببكم….!
احنه بحلوگ الشماتة
حچــايه صرنه
الغيرة طاحت من گصصكم
وما بقت ذرة محنــة
وبسببكم….!
صرنا فتنــــــه
هواي وادم عيرتنة.....
والتكتلك ناس شينة
وع الحبل شرتنـــــــه
امنيه
مر اليوم السابع واني بلمخيم
من راح كرار ماطلعت ابد بنص اليل اروح للحمام
تمرضت لان جنت ما اكل
نعادت المأساه كلهه عليه
اربعه وعشرين ساعه كاعده افكر بلي صار بيه..
اشتاكيت لأهلي لأخواني الضحيت بروحي حته اوصلهم
وعلحاضر اجه ابوي اخذهم مني
شكد تعبت حته اوصلهم
لو همه وياي حته ما احتاج ابوي جان عشنه ثلاثتنه بلمخيم
صحيح زغار بس اعتبرهم سند ليه
اريد امي اخاف وحدي
يوميه كوه انام من الخوف خصوصا الخيمه لاباب ينسد ولاشي
اليريد يدخل بسهوله يدخل
اذا احد جه موتني محد يعرف عني شي
صار عندي اكتئاب من كدما كاعده َوحدي وابجي
كل يومين او ثلاث ايام يلا تكل وجبه وحده
بلرغم من انو كرار ماقصر َوياي كلشي جابلي بس مالي نفس بكلشي
يوميه تجي منضمات تسلَم مساعدات وفرش
ويجون عليه واحجيلهم قصتي
اخر شي كلتلهه بعد لاتجون ماريد مساعادات
كمت اكره اشوف احد
حقدت علبشريه كلهه من وره ابوي
نكرني وعافني وحدي لاالي ام ولا اخ ولاشي
شكد حاولت اتصل بي يرفض اخر شي انطاني حضر
وكرار هم كام مايجاوب يمكن مل مني
وهم انطاني حضر
بديت اتعلق بي واشتاكله
تذكرت لمن جه نقذني لمن شفته اول مره
شكد ساعدني بس ليش هسه اختفى
اعترف حبيته
طفله ولكت اهتمام اكيد راح احبه
انطاني تلفونه لان تلفوني القديم احترك
جان حاط صورته الخلفيه
مليان صور اله وفيدوهات
اربعه وعشرين ساعه مكابلتهن واباوعلو
أنت تقرأ
الطريق نحو الموت (تلال حمرين)
Mystery / Thrillerقصه تتحدث عن فتاه تصارع للنجاه من حرب داعش هيه وعائلتهه رحله الجوع والعطش والخوف لنرافقها في تلك الرحله الاليمه
