أُعلن إنطفائي وفقدان شغفي، وعدم
محاولتي للإستمرارية،
أُعلن انسحابي وتنازلي عن گُل شيئ."
امنيه
التفت وراي وشفت رجال وياه نسوان ثنين
صاحولي اوكفي اوكفي
وكفت واجو يمي
هاي شنو ليش وحدج بلجبل بس انتي وهل اطفال
امنيه حجيتلهم قصتي تعاطفو وياي كلش
وانطوني مي شربت وشربت اخواني
وانطونه خبز جان طعمه كلش طيب صار اكثر من 8 ايام ماماكله
اكلت وغمضت عيوني اتأمل طعم الخبز
تذكرت النعمه الجنه عايشين بيهه كلشي نكدر ناكله بأي وقت
الانسان مايحس بلنعمه اله من يفقدهه
واخيرا خلص الجبل باوعت عليه توهه الشمس بدت تطلع
شكد ودعت بي ذكريات تموت
ودعت بي قطعه من روحي حمودي
شكد وكعت وانجرحت
شكد تعبت بس كل هاذه ماكدرت احافض عله حمودي
طلعت الجبل واني اسحل برجليني بس هلمره موتعب فقدان
خليت اعز انسان عله كلبي بي
احس رجليني مايشلني كلبي كام يوجعني
احس توني فقدت حمودي شي ثكيل عله صدري مايخليني اكمل طريقي
اذا رحت وسالني ابوي عله امي وعمر وحمودي وحرب شكله
ماكدرت احافض عليه ماراح يسامحني لان جانت فكرتي انو نطلع
مراح يسامحني لان موتت حرب
مراح يسامحني ضيعت امي وعمر
لان بسببي امي راحت تدور عله مي
مراح يسامحني لان عفت محمد
هواي هواي
كوه امشي كايده سجاد
وحسين شايله الرجال يمشي كدامنه بمسافه
بس اشوفهم من بعيد اخر شي شفت الرجال نزل حسين وراحو هوه ونسوانه عافه وراح
خفت افقد حسين مره ثانيه
رحت عليه بسرعه جان موبعيد وكمت اصيح بي وهوه اجه بأتجاهي
والرجال ونسوانه بلكوه ينشافون بعيدين صارَو
بس لاحضت شفتهم يمشون واحد وره الثاني بلسره.
تذكرت كلام كرار لمن كالي تره هاي المنطقه مليانه الغام
شغلت موبايلي ودكيت علي
اول مادكيت كبل رفض ودك عليه..
كرار
جنت نارل لهلي وبنص الطريق دكت عليه
أنت تقرأ
الطريق نحو الموت (تلال حمرين)
Mystery / Thrillerقصه تتحدث عن فتاه تصارع للنجاه من حرب داعش هيه وعائلتهه رحله الجوع والعطش والخوف لنرافقها في تلك الرحله الاليمه
