حور ✨

part 2

"فى المستشفى"
مراد ( وهو يجرى): حد يلحقها بسرعه .
سيف : اهدى بس يا مراد ويكمل للممرضه جهزو اوضة العمليات بسرعه .
"وقف مراد امام غرفه العمليات يفكر ماذا يفعل فى هذه المصيبه التى حلت على عاتقه "
..................................
فى منزل حور
هند : يلا يا حور هتاخرينى على جامعتى .
حور : حاضر انا مش عارفه عوزه تخدينى معاكى لى ندى هتعدى عليا وطريقك غير طريقى .
هند : اخاف اسيبك يا قمر يا حلو انت لازم اوصلك الاول .
حور : طب اطلعى بره الاوضه بقى لامك تيجى وتعملنا نصيبه .
هند :طب يلا هنزل استناكى تحت على  ما البت ندى تيجى .
....................................
"امام منزل حور "
هند: ازيك يا ندى عمله اى
ندى : الحمد الله اهو عايشين
هند : مالك كده شكلك فيكى حاجه الشغل برضو
ندى : لا شغل اى البت اختى طلعت الصبح ولحد دلوقتى مرجعتش خايفه يكون حصلها حاجه.
هند : متقلقيش هتلقيها بتلعب مع صحابها بس على ما تيجى من الجامعه هتلقيها وصلت .
ندى : يارب يا هند قوليلى بقى هتزلى تدريب فى مستشفى اى الاشغانتكم دى صعبه اوى
هند : والله مش عارفه لسه بدور على مكان يكون كويس المهم انتى وحور شدو حيلكم هندسه مش سهله برضو وانتو لسه اول سنه
ندى : يلا ربنا معانا ومعاكى .... حور نزلت يلا بينا بقى لاحسن اتاخرنا اوى .
.......................................
فى المستشفى
مراد : ها يا سيف عملت اى البت اى وضعها
سيف: متقلقش هى كويسه مجرد كسور بسيطه بس لازم حد من اهلها يجى عشان يضمنها .
مراد : طب والحل
سيف : الممرضين بيحولو يوصلو لاى حاجه معاها توصلنا لاهلها ليقطع حديثه الممرضه
الممرضه: دكتور سيف الطفله ملقناش معاها اى حاجه توصلنا لاهلها بس لقينا سلسله فى رقبتها فيها صورت شخص اظن من عليتها
مراد : ورينى ( اخذ الصوره ورفع هاتفه يحدث شخص ما ) ايوه هبعتلك صوره حالا  تجبلى كل المعلومات عنها وبسرعه
................................................
عند ياسين فى الشركه
ياسين : اى يا مراد  اى الى اخرك لحد دلوقتى
مراد : فى المستشفى عند سيف خبط طفله وبحاول اوصل لاهلها
ياسين: وازاى متصلتش عليا يابنى انت انا جايلك حالا
........................
فى المستشفى
يرفع مراد هاتفه : اى وصلت لاى
الشخص: البت الصغيره ياباشا اسمها رضوى بنت فقيره من حى شعبى كده يتيمه معندهاش غير اخت واحده اسمها ندى بتجرى على اكل عيش ليها ولاختها هبعتلك رقمها حالا
مراد : طيب حالا
..........................
فى الجامعه عند حور
حور : اهدى بقى يا ندى اول ما تروحى هتلقيها صدقينى
ندى : خايفه يا حور دى الى بقيالى ربنا يستر
" ليقاطع حديثها صوت هاتفها لتجيب عليه "
ندى : ايوه
مراد : ايوه حضرتك الاستاذه ندى
ندى : ايوه مين حضرتك
مراد : كنت عوزه ابلغك ان اختك فى المستشفى متقلقيش حالتها كويسه بس لازم تيجى
ندى : اى رضوى ازاى اى الى حصل انا جايه حالا مستشفى اى
مراد :سيف المنشاوى
" لتغلق هاتفها وتسرع هى وحور للمستشفى "
.....................
فى المستشفى
وصل ياسين الى سيف ومراد
ياسين : فى اى اى الى حصل
سيف : اهدى سا ساسين خلاص البت بقت بخير
* ليقاطع حديثه صوت ندى القادمه تصرخ *
ندى : رضوى رضوى اختى فين انطقو
ياسين : وطى صوتك اختك بخير احمدى ربك انو جبها على المستشفى .
ندى : انت بتتكلم كده لى يا حيوان انت اومال لو مكنش بسبيكم حصل كده.
ياسين : انتى بتتكلمى كده لى يا بت انتى
ندى : بت اما تبتك يا جدع انت متحترم نفسك
سيف : خلاص يا جماعه اهدو كده ما تنطق يا مراد
" ولاكن هيهات لمن ينادى لقد سحرت عيونه مجرد ان راى تلت الجميله ظل ينظر اليها وهى تتحدث ولا يعى ماذا يفعل "
ياسين: اى يا عم النحنوح ما تنطق
ليفيق من غفلته مراد : اى اسف اسف حضرتك انا الى خبطها هى ظهرت قدامى مره واحده اوعدك هتكفل بكل مصاريف علاجها
ندى بصراخ: تتكفل اى وزفت اى عشان ربنا مديكم تدوسو على الناس يشيخ حسبى الله فيكم
ياسين: الله ما تظبطى يا بت
تكاد تتحدث ولاكن قطعها صوت سيف : خلاص يا جماعه حضرتك يا انسه سجلتى بيناتك تحت
ندى : لا انا عوزه اشوف اختى صحبتى تحت بتملى البيانات
سيف : طيب تعالى معايا وانت كمان يا مراد  لينظر له يجده مازال على حاله ليكمل انت يا عم الرومنسى يلا وانت يا ياسين انزل شوف البت الى تحت اكيد محتاجه مساعده
...............................
عند استقبال المستشفى
حور : يعنى اى مفيش اى إجراء الا لما ادفع الفلوس قولتلك هدفعو بس مش معايا دلوقتى سجليلى البينات وانا هروح حالا اجيب الفلوس واجيلك
الممرضه : مش هينفع حضرتك الفلوس الاول وبعد كده نتصرف.
" ليقاطع حديثهم صوت ياسين "
ياسين : اى الدوشه دى ما توطى صوتك يا انسه
لتلتفت له حور: هو اى الى وطى صوتك مش تسال عن السبب الاول ولا بطيح فى خلق الله
ياسين : اتكلمى كويس يا حلوه وانتى انتى مش عارفه بتتكلمى مع مين
حور: بتكلم مع مين يعنى لو جدع ورنى هتعمل اى
ياسين : انتى بت مش.....
( ليقاطع صوته صوت سيف)
سيف: بس بس اى صوتكم مش واخدين بالكم انكم فى المستشفى ولا اى وانت يا ياسين ماشى تتخانق مع طوب الارض
ياسين : البت دى مش محترمه لا وبتبجح كمان
حور: سيبك منو انت شكلك شخص محترم انا بقولهم يسجلو البيانات وهم بيقولولى لازم الفلوس انا هجبها بس عشان لو احتاجو حاجه ليها
ياسين : هو اى انت شكلك ....
ليقاطعه سيف : بس يا ياسين خلاص ليتحدث مع الممرضه خدى منها البيانات ومتتكلميش معاها على فلوس
الممرضه: حاضر يا دكتور
(ليذهب كل من سيف وياسين بعد ان القى عليها نظره تكاد تقسم انها كانت سوف تحرقها )
حور : مين الدكتور دا
الممرضه: دا دكتور سيف صاحب المستشفى 
حور ( بداخلها) : شكلو شخص محترم مش زى الحيوان التانى

دلوقتى بقى توقعو حور هتحب مين سيف ولا ياسين ؟
وندى هتعمل اى ما تصرفات مراد النحنوح 🌚؟؟؟
نزلت جزء جديد من روايتى الجديده كره بعد محبه متنسوش تقولو رايكم فى التعليقات وتستاهل انى اكمل ولالا