حور ✨

part 19

ياسين : نعم
حور : زى ما سمعتنى
ياسين بعصبيه : لا دا انتى شكلك اتجننتى خالص
حور بصوت مرتفع : ايوه اتجننت وزهقت عارف واى كمان قرفت منك ومن العيشه إلى عيشاها معاك
( لتلقى صفعه على وجهها لتتوقف عن الكلام وتنظر له والدموع تسيل من عينها  )
حور : طلقنى طلقنى والا..
ياسين : والا اى هه والا اى كلمه كمان ووالله يا حور لاحبسك هنا ومهخالى حد يعرفلك طريق اطلعى على أوضتك يلاا....
( لتصعد حور لأعلى وتجلس على سريرها تبكى وتتذكر أول يوم اتت فيه هذا البيت حين أقسمت انها سوف تجعله يحبها ولاكن هيهات فهو لا ولن يحبها كيف لشخص يحب الاخر ان يفعل فيه هذا يبدو أنها أخطأت وتعاقب الآن على اخطائها ليقاطع تفكيرها دخول هند )
هند : حو.... اى ده انتى بتعيطى لى
حور : مفيش
هند : مفيش ازاى واى الاحمر إلى على وشك دا
حور وهى تبكى : ياسين مش عاوز يطلقنى
هند: هو إلى ضربك كده
حور: ايوه ( ليقاطع حديثهم دخول ندى )
ندى : انا جيت
لتجرى حور إليها تأخذها بين احضانها: ندى حبيبتى عمله اى وحشتينى اوى ورضوى عايشه ازاى عرفت انك اتجوزتى
ندى : حيلك حيلك هحكيلك كل حاجه بس براحه
هند : مش وقتو الكلام دا انا مقولتكيش تعالى عشان كده يا ندا
حور : فى اى مش فاهمه
هند : اقعدو بس كده
ندى : قعدنا اما نشوف كنتى مستعجلانى لى
هند : بصو انا كنت فى المطبخ وسمعت ..

Flash back

كانت هند فى المطبخ تحضر الماء لتسمع صوت شخص مألوف  يتحدث مع رجل فى الجنينه الخلفيه واصواتهم  يبدو عليهم النزاع لتتسحب ببطئ لتعرف ماذا يحدث لتجد سوزى تقف مع رجل
سوزى : انا مش قولتلك ١٠٠ مره متجيش هنا وكلامنا كلو يبقى على التليفون
الرجل : انا عاوز بقيه حقى انا كل ما اكلمك تقولي لى معلش يا دكتور مش معايا فلوس
سوزى : قولتلك اصبر شويه  هتصرف فى فلوس واجبهالك
الرجل : انا مليش دعوه بمشاكلك انا الفلوس لو مجتش خلال يومين هقول لياسين باشا كل حاجه مع السلامه
ليذهب الرجل وترفع سوزى هاتفها تتحدث مع شخص : عوزاك تخلصلى على الدكتور الزفت هيبوظلنا كل حاجه لحد بكره تكون خلصت عليه
لتدخل هند سريعا إلى المطبخ قبل أن تراها سوزى

Now
هند : بس ودا إلى سمعتو انا من أول مره شوفت البت دى وانا مش مرتحالها
سيف: ولا انا مرتحلها
(لينصدم الثلاثه عندما وجدو سيف  يقف على الباب )
هند : انت انت واقف هنا من امتى
سيف : من أول ما بداتى
هند : احنا احنا
سيف : متتوتريش اهدى اهدى  انا هساعدكم نعرف البت دى وراها اى
ندى : انا معرفش إلبت دى بس من كلامكم باين عليها انها بتدبر نصيبه الا مين دى يا حور
حور : هه دى دى
ندى: دى دى  اى ما تقولى يا بنتى
حور : دى دى دى مرات ياسين
ندى : اه مرات ياسين ...نععععااام مرات مين
هند وهى تضع يديها على فمها : اهدى الله يخربيتك هتفضحينا
ندى وهى تبعد يديها: اهدا اى لا انا تحكولى كل حاجه من الاول
( لتحكى لها حور من أول دخولها لهذا البت حتى الآن )
ندى : يعنى هو كان متجوز وضحك عليكى يابن الكدابه
سيف : احم احم
هند : معلش معلش هى متقصدش
سيف : مش وقتو انتى يا هند سمعتيها بتقول للى كلمتو يخلص على الدكتور امتى
هند : قالتلو اخرك بكره
سيف : يبقى انا لازم اسبقها واوصل للدكتور دا الاول وانتى لازم تبقى معاه انتى الوحيده إلى تعرفى شكلو
هند : طيب بكره الصبح ننزل ندور عليه بس تفتكر هنلقيه
سيف: ان شاء الله
ندى : وانا كمان هاجى معاكم مراد سمحلى انزل الكليه فا هطلع بدرى واجى معاكم
حور : وانا كمان بس بس
هند : بس اى
حور : ياسين
سيف : مالو ياسين مش وافق انك تنزلى الجامعه
هند : ايوه ايوه دا قبل النصيبه إلى عملتها
ندى : عملتى اى
هند :  الناصحه طلبت منو الطلاق
حور : الله ما انا محدش اتحط فى موقفى ( ووضعت يديها على وجهها ) وبعدين ما هو متوصاش
هند : انتى إلى غلطانه مشوفتيش هو كان متعصب ازاى على الزفته لما اتكلمت قدمنا
حور : الله انتى صحبتى ولا صحبتو
سيف : باااااس كفايه كلام على العموم يا حور محلوله انتى تعرفى تصلحيه وتقنعيه يرضى ينزلك الجامعه بكره
حور : ازاى بس
سيف : انتى عارفه سيف بيتصالح ازاى يا حور بالذات انو بيحبك (ليغمز لها )
حور وقد احمر وجهها: بيحبنى
هند : يختاااى دا كلو ومش شايفه انو بيحبك
حور:  خلاص خلاص
( ليسمعو صوت مراد ينادى على ندى )
ندى :اى دا مراد
هند بنبره ساخره : أى دا مراد لا ياختى الشغاله
حور : اى ده مش فاهمه حاجه
ندى : مش وقتو يا حور يلا ننزل عشان مراد جاى ياخدنى خلى
حور : اى دا انتو بتحكو لبعض ومش بتقولولى
هند: هحكيلك بس يلا ننزل
.......................
عند ياسين ومراد بالأسفل
مراد: مالك بس قولى فى اى
ياسين:  مفيش يا مراد حل عن دماغى بقى
لينظرو لأعلى على أصوات نزول سيف والفتيات
ليذهب مراد إليه ويمسكه من قميصه
مراد :اى يلا إلى منزلك مع حرم مراد باشا
سيف وهو ينزل يديه : حرم مراد باشا مره واحده نزل ايدك بس
ليبتسم مراد ويذهب ليمسك يد ندى ويسحبها إلى جانبه
مراد: ايوه حرم مراد باشا ليضع يديه على وسطها
ندى : بس يا مراد
مراد : عيون مراد وقلب مراد
لتلتفت لصديقاتها لتجد احدهم تنظر لها بتقزز وهى هند والاخرى تنظر لها وفمها مفتوح من الصدمه
ندى  بترجى: نزل ايدك يا مراد شكلى وحش اوى
مراد بهمس: اسكتى خلينى اغيظ فى العيال دول شويه ليكمل بصوت مرتفع هنمشى احنا بقى
ياسين بصوت منخفض : فى داهيه
مراد :بتقول حاجه يا ياسين  يا حبيبى
ياسين : بقول مع الف سلامه
ليتجه مراد إلى الباب ليخرجو لينظر ياسين إلى حور التى مازالت فى صدمتها ليتجه إليها ياسين : انتى لسه مصدمه دول ماشيين اقفلى بوقك
لتنظر له وكادت ان تتحدث ليقاطع صوتها دخول مراد وندى مره أخرى ويبدو عليها القلق
ياسين : اى إلى رجعك تانى يا زفت
ليبتعد من أمام الباب لتظهر زينب وزوجها خلفهم لترتعب هند مكانها
................................

تفتكرو حور هتعمل اى عشان تقنع ياسين ؟
وزينب هتعمل اى وهند هيكون اى رد فعلها ؟
اى السر إلى مخبياه حور ؟؟؟
متنسوش تصوتو للروايه وتتابعونى عشان يوصلكم كل روياتى وتابعو روايه قسوة الحب الأول هتعجبكم