ثأر القلوب

الرابع والثلاثون

فتحت أفنان عينها وكانت غشاوه على عيناها حست بألم فى رأسها سمعت اصوات
- انا قلتلك متأذيهاش
- الى حصل مش وقته ... اهى فاقت
بدأت الرؤيه تتوضح لها وكان محمد ولؤى نظرت لهم حاولت تتحرك لقت نفسها مربوطه
- اى ده .. انتو بتعملو اى
قال محمد - هنضيفك ونمشي تانى .. ثم انتى عندك اى تتاخرى عليه
- قصدك اى
- متخيلتش يوم انك تق.تلى ومين .. هيثم جوزك وحبيبك الى كنتى مستعده تضحى بالدنيا دى عشانه
صمتت حين تذكرت هيثم وما فعلته به
- قت.ل عمى وقت.لنى اذانى وخانى
- واديه ما.ت على ايدك .. تصدقى زعلت عليه
نظرت له لوهله وقالت بصوت ضعيف - م.ات
- عيزاه يعيش بعد الطلقات الى خدها منك .. وهو مرتكبش اى ذنب
نظرت له بشده وقالت - قصدك اى ..
- مش هو الى ق.تل تيسير
- ازاى والراجل قال انه هو ..
- عايزه تعرفى مين
قرب منها نظرت له انحنا اليها وقال - ده انا
اتسعت اعينها بصدكه ونظرت له ابتسم وقال- حلوه مش كده .. انا بردو معرفش انه هيبقى غبى وضعيف كده بسببك ..لو كان استخدم ذكائه ذى عادته مش كان زمانه عاش
- قصدك اى
- كنت ناوى اقت.لك انتى معرفش لى حماكى
بصتله بشده ليقول - بس يلا مش مهم هو اداني فرصه استخدمك لانك ذى السمكه الدهب بالنسبالى لو خسرتها هكون خسرت كل حاجه
نظرت له بحنق وقالت - انت .. عملت كده لى
- لانه ابتدا يخرف .. كنت بحسبه بيستخدمك عشان يوقع منير ولما منير وقع فعلا وشال ليله هيثم وهيثم لسا برا انا كدا مستفدتش لان هدفى هيثم وثروته .. فكنت محتاجك عشان تجبهولى وتوقعيه بما انه بيضعف معاكى بس تيسير
قال يضيق - تيسير رفض وقالى انك مش هتدخل فى اى حوار تانى .. عمل فيها دور العم زى غباء منير لحد ما اتسبب فى موته .. لى عشان يكفر عن ذنبه ناحيه اخوه .. برغم انه مكنش فى نيته غير ان ينقذه ويرجعله المصنع وان ده عمر كمال .. زى بظبط عمر هيثم انتى مغلطتيش ده عمره
قالت بصدمهة- قصدك ان هيثم معملش حاجه
- طبعا لا .. هيثم حبك لحد آخر نفس ليه .. شافك بترفعى سلاح عليه ومتحركش .. سابك تقت.ليه عشان بس يرضيكى .. حتى مدافعش عن نفسه ... نهايته وجعتنى انا شخصيا
دمعت عينها قالت - مستحيل
- مستحيل لى .. انتى ذات نفسك واثقه من حب هيثم ليكى وانه مش هيدافع عن نفسه قدامك ..لانك موتيه يوم ما رفعتى سل.اح فى وشه وسبتيه
نظرت له بحنق شديد وقالت - لى عملت كده لى كل الكره ده لهيثم .. لى خلتنى اق.تله وهو مظلوم
- متحطيش ذنبك عليا انتى كان هدفك الاول تقت.ليه وعندك رغبه فى دفعه انا بس فاعل شر اديتك حافز وانتى خدتى الخطوه
تنهد ونظر اليها قال - بس بما انك عايزه تعرفى هقولك .. انتى كده كده هتحصليه
نظر لؤى الى والده قرب من افنان وقال
- وش هيثم بيفكرني بحبيبتي
بصتله راستغرار قال - انه هتقولى حبيبتى ازاى وبكره .. هقولك ازاى .. اصلها خاينه
اتصدمت وطالعته بشده نظر فى اعينها وقال - مش عايزه تعرفى مين دى الى شبهه
نظرت له بشده .. مستحيل .. اومأ وهو يبتسم بشر ويقول - أمه .. الهام .. مرات منير .. اخويا
شعرت بصاعقه تخترقها لفرط صدمتها
- انت بتقول اى
- الهام كانت حب حياتى بس هى محبتنيش حبت منير واختارته هو .. سكت عن حبى وكتمته فقلبى وانا شيفها بتخونى واتجوزت بنت عمى عشان ارضيهم .. لحد اما الهام ماتت واستريحت لانى مكنتش بضيق اشوفها معاه واسمع خبر لحملها منه زى حسام وهيثم .. عرفتى بكره منير ليه
نظر لها وقال ببغض - فاكر نفسه الكل فى الكل وانا محقق ثروته معاه ... عاملك كبير العيله وبيفهم اوى ... لا وادخل فى جوازه بنتى قال اى بيحبو بعض معأنى كنت عايزها لإسلام
نظرت له بشده قالت - اسلام
- اه هو الأحق بيها لانه قد المسؤوليه وعارف ان سامر لعبى بس منير محدش يعترض رأيه ليه لأنه كبير العيله
- هى بتحب سامر
- دى بنتى وانا الأحق اخترلها الى عايزه.... بس سكت وكملت الموضوع ... مكهوس أن خد حبيبتى لا بيتحكم فينا ولا كاننا لعب فى ايده ..... عرفتى كرهى لهيثم لحد القت.ل بسبب انه بيفكرني بيها
- انت شيطان عمر ما الحب مكان كده هى محبتكش لانها عارف انك مريض وجشع حبك للفلوس عماك وكرهك لأخوك الى مأمنلك
- لا وانتى الى حبيبتى اوى .. على الاقل مقتل.تهاش زيك
نظرت له بحنق ليقول - بما انك عرفتى حقيقتى ودوافعى لازم تمو.تى
وخرج مسدسه وصوب عليها بصتله بصدمه قرب لؤى سريعا وقال
-  بتعمل اى .. انت وعدتنى انك مش هتأذيها
- معاها ربع من الثروه .. فاكرنى هسبها تمشي بيه .. ثم إن هيثم م.ات .. يعنى هى إلى هتورث من بعده
- هى مش عايزه فلوسه
- بس انا عايزها ولازم امسح أى أثر ورايا
- وانا مش هسمحلك تقربلها .. كنت معاك فى كل حاجه بس أفنان لا
نظر له محمد من اعتراضه ابتسم وضع يده على كتفه وقال
- زى ما تحب
نظر إليه نزل مسدسه شعرت افنان بلأرتياح لتجده يقول
- أنجز وخد إلى عايزه منها
اتسعت عيناها وبصتله بصدمه قال لؤى - ايه !!
- ما سمعتش .. مش كنت عايزها .. يلا اهى قدامك وما.ت إلى كان بيحميها
بصت له افنان بشده نظر لها لؤى اتصدمت هل يفكر فيما يقوله قالت
- لا يا لؤى ما تسمعلوش
قال محمد - دى فرصتك مكن اخليها تعيش
بصت له بشده وكأنه كالشيطان يريد فقط أن يرى ابنه وما يفعله بها، نظر لؤى إليها انصدمت اقترب منها قالت
- لؤى .. ارجوك
ابتسم محمد بشر وهو يرى تعبيراتها وابنه وهو يقترب منها لكن توقف نظرت له افنان ليقول
- متخافيش أنا مش هعمل كده
نظرت إليه وطالعه محمد بشده لقاه بيمسحلها وشها وبيقول
- اتنازلى عن الثروه دى وادهاله وخلينا نبعد من هنا
مسكه محمد بغضب ولفه وبيقول - انت بتقول اى
- مش عايز الفلوس .. هتديهالك ونمشي
- أنا مش هقدر اسبها عايشه يغبى دى بقت خطر عليا
- مش هخليها تتكلم
- وانا اضمن منين سكوتها .. شكلك هتخيب وانا إلى افتكرتك ذكى
رفع س.لاحه على افنان نظر لؤى له بشده اقترب منه قال - بابا لا
لكن رفعه فى وجهه وقال - ارجع مكانك
اتصدم من والده وهو يرفع سل.اح فى وجهه يريد أن يقتله نظر محمد إلى افنان قال
- مش عايزه ترجعيله .. هوديكى وابقى سلميلى على هيثم
- بتهيألى انت الأحق بأنك تسلم عليه
- للاسف انا مش هموت دلوقتى
- ومين قالك انك هتموت انت هتشوفه على أرض الواقع إلى احنا عليها
نظر لها باستغراب شديد وقال - قصدك اى
خفضت افنان راسها لترتسم ابتسامه على شفتيها نظرو لها ليسمعو صوت ضحكاتها استغربو كثيرا قال
- شكل الضربه قصرت على دماغها
كانت تضحك ولم يفهمو شيئا قالت - أنا قات.له
رفعت يداها نظرو اليها لتلعق الدماء الذى عليها نظرو لها بشده قالت
- كان لازم اللون يبقا اتقل من كده ... يلا مش مشكله
أنصدم لؤى وقال محمد - لون!
- اه لون .. تاخده تحلله ..
- ازاى
- اه انت فاكره د.م هيثم وكده .. لا هو هيثم مماتش اصلا
رفعت عيناها وقالت ببرود - عشان انا مقا.تلتوش
- انتى بتقولى اى انا شايفه اتصفى وغرقان فى دمه
- ده إلى انت شفته والحقيقه غير كده
F
كان هيثم فى القصر رن تلفونه وجدها افنان رد عليها
- متظهرش اى ردت فعل انى أنا إلى بتكلمنى
تعجب من الى بتقوله وكانت هيتكلم قالت - تمم يا حسن
تعجب اكتر من ذلك الاسم هل تحاول أن تخفى أنها تتحدث مع أحد
- محتاجين نتقابل
- تمم شوف اجيلك فين
وحدثها بصيغه الذكر وأنه فهمها قالت - عقد الجواز تكون هناك قبلى لأن دخولى ممنوع
استغرب انتهت المكالمه ومفهمش إلى بتقوله عن اى عقد تتحدث تتحدث ومن هو الذى يمنع دخولها .. إلا أن تذكر شيئا ..عقد زواجهم الاول لقد تم داخل بيته .. البيت الذى عاشت فيه معه
مشي خد عربيته وقاد سريعا متوجها لهناك  فهى أخبرته أن يكون هناك قبلها عشان ممنوع تدخل وكانت تقصد أنها ليس معها الفتاه اى لا يمكنها الوقوف على الباب
دخل هيثم البيت مكنتش لسا جت ساب الباب مفتوح عشان تدخل علطول قعد يستناها واتاخرت لحد اما سمع صوت الباب بيتقفل
- فكره كويسه انك تسيب الباب مفتوح
سمع صوتها وقف ونظر إليها تقدمت منه نظرت حولها تنهدت قالت - مش مصدقه انى هنا بس ما علينا
- افنان
نظرت له قال - ف اى .. دى اول مره تكلمينى فيها .. فكرتى ف كلامى
- مش وقته يا هيثم لازم تعرف كل حاجه
استغرب من نبرتها ليست بارده ولا الجمود يعتارها والقسوة فقط الهدوء، قال - ف اى
- اللعبه وسعت وهيلبسوك قضيه قت.ل
طالعها بصدمه قال - قت.ل .. مين
- عمى
يصلها بشده اومأت برأسها وقالت - بعد أما سيبتك وروحتله فى واحد طلع وكان هيمو.تنى بس هو انقذنى
- وهو؟!
- مات
قالتها بوحه يخلو من التعبيرات تذكرت حين كانت معه فى الغرفه ويلفظ أنفاسه الاخيره لها " ه .. هيثم .. أنا عارف انك لسا بتحبيه وعملت ده كله عشان تكشفى محمد .. متبقيش لوحدك انتى فى خطر .. هيقت.لك .. كان نفسي ابقى معاكى واحميكى بس .. بس دى نهايتى .. هيثم خليه يساعدك هو قادر يحميكى منهم .. المهم تعيشي الدنيا مش وحشه احنا إلى وحشين .. وانتى طيبه يا افنان .. سامحينى زى ما سامحتيه "
تنهدت وقالت - كان عارف ان محمد هو إلى قت.له وحذرنى منه .. ولما طلبت منه يلاقى الشخص ده ..
- ثانيه واحده .. محمد مين
- عمك يا هيثم
- وعمر ماله بالحوار ده ولا هو على تواصل بيكى اصلا
- محمد الشخص إلى عاوز يدمرد انت وابوك .. إلى كان فى الحفله وكان هيقت لك
يصلها بصدمه وقال - بتقولى اى  .. عمى
- اه .. أنا عارفه انه صعب تصدق بس دى الحقيقه وأنه سبب المشاكل دى كلها ..
- مصدقك
نظرت له حين قال هذا قال - عايش مع عيلتى السنتين دول ومخون كل واحد فيهم بي ما توقعتش يكون عمى
- ولا أنا .. المهم أن جاب الشخص ده عشان يعترف ... واعترف عليك انت
بصلها بشده فاردفت - قال إنه واحد من رجالتك بعته ورايا بعد أما مشيت عشان يقت.ل تيسير
- بس انا معملتش كده ولا بعت حد ...
- عارفه عشان كده كان لازم اعرفك لحد هنا مدام كل حاجه هتاخد مجرى تانى .. لازم تفهم أنهم ناويين على الشر
- تعرفينى اى ... وانتى اى اصلا يا افنان .. أنا مش فاهم حاجه منك .. انتى معايا ولا عليا ولا عليهم .. ثم انتى مصدقتيش لى انى ممكن اق.تله
- عشان أنا عارفه انك ما تعملهاش
نظر لها أكملت - أنا مش مع حد أنا عايزه أظهر الحقيقه وابعد الشر ده كله عنك