تـذكير بالأحداث .
رعّاد : أعتذر منتس بإصراري على أخذي للكتاب لكن بالحفظ والصون ياضيّفة النجد
( نام رعّاد بالخيمة ودس كتاب فـننّ عنده )
_______________
مـر اسبوع كامل و مرت معه الأحداث العادية وكانت تتراوح بين ذهاب رعّاد إلى محل فـننّ ليستفزها بالكتاب ويعود حتى أتى ذلك اليوم ..
فـننّ بفرح: ياسر ابشرك عندي خبر حلو وثاني مو حلو
ياسر: قولي الحلو
فـننّ : بتكمل دراستك اخيرًا
ياسر بفرح : احلفييييي
فـننّ بضحك: وربي
ياسر : طيب والي مو حلو؟
فـننّ : بنروح ديرة ثانيه ومحلنا بنقفله وننقل بديرة أمي
ياسر : تكفين لا مابي هناك بعيده مره وصعب ننقل
فـننّ : شسوي والله غصب اهم شي تكمل دراسة
ياسر : طيب وانتي؟ ماتبين تكملين؟
فـننّ : لا وقتي مابين الشغل و تنظيف البيت ولك بعد
ياسر : شدعوه ماني بزر
فـننّ : عاد شسوي
ياسر: طيب بكلم لي عامل يشيل قش محلنا عشان ننقل
فـننّ : تمام
- وكلم ياسر عامل يشيل الاغراض عشان ينقلون ديرة ثانية وصار محلهم فااااضي -
_____
شخص : افاا ياياسر ليه شلتوا كل شيء؟؟؟
ياسر: بننقل ديرة ثانية عشان بكمل دراسة ولا ماني راضي اصلا
شخص بحزن : والله شي يحزن عاد وجودكم بالسوق له طعم حتى البضاعة ماشاءالله
ياسر بحزن: هذا حال الدنيا بس ماعليك فترة وفترة نجيكم
شخص : اي والله ، الله يستر عليكم ويحفظكم
ياسر:امين
_____________
- عند رعّاد -
رعّاد وهو منسدح : غزيل جيبيلي حبوب صداع
غزيل وهي تصور : اصبر دقيقه
رعّاد بخبث : طيب
- جاء رعّاد ودز غزيل وطاحت عالطاولة وخرب ام التصوير والفناجيل والقهوة طاحت -
غزيل بصراخ وعصبيه: رعاااااااااد عمى وصقه ووجع ان شاءالله عورتني وخربت كلشي
رعّاد بضحك هستري: شكلك ضحكني والله قلت حرام مادزها اخلصي جيبيلي حبوب
غزيل: ماني جايبتلك اذلف
رعّاد بضحك: انا بجيب بس اهم شيء خربت عليتس
غزيل : انقلعع
(راح رعاد يفتش غرفة امه يدور لين لقى واخذ علاج واكله وراح نام )
آم رعاد : غزيل رعاد وينه؟
فيصل: اي صح اليوم مختفي ماشفته
غازي: صح بسم الله
غزيل: الظهر كان عندي تهاوشنا وراح اخذ حبوب ونام
ام رعّاد بقلق: حبوب؟؟؟ شفيه؟؟
غزيل:والله مدري يمه شوفيه فوق
-راحت ام رعاد بسرعه لغرفة ولدها تشوفه-
ام رعاد وهي تفتح الباب: رعاد امي
قامت تحركه تحركه وتروعت مايتحرك وتمسك وجهه وقالت: رعاد يامي فيك شي؟
رعاد بتعب: لا
ام رعاد بغضب: تكذب علي حرارتك مرتفعه من وشو؟
رعّاد بتعب شديد: يمه بعدي عني واطلعي خلاص مافيني شي
ام رعاد : تحب العناد وانا امك اوريك -قرصته قرصة الامهات-
رعاد بالم : يمه ماني ورع يوم تقرصيني خلاص اكلت حبه صداع وشكلي غلطت بها
ام رعاد: زين ليه ماقلت لغزيل تجيب لك؟ انت وينك وين الادوية ماتعرف عنها شي
رعاد: قلت لها وعيت لان غثيتها
ام رعاد : الله يصلحك
رعاد قام : بروح سند يبيني
ام رعاد: مادق عليك اصلا سند يوم تقولي كذا
رعاد: الا بالحلم اكيد محتاجني وبعدين لاتخافين يمه ماهي اول مره اتعب كل يوم تعبان فرقت هاليوم - وطلع -
ام رعاد بقلق: يالله غافله عنه واجد الله يفرج همه
_______________
أنت تقرأ
وطيت رُوحي لاجل شانتس ياعرُوق قلبيّ .
Poetryالشخصيات الأساسية : البطل : رعّاد ، العُمر 27 البطلة : فـننّ ، العُمر 19
