وطيت رُوحي لاجل شانتس ياعرُوق قلبيّ .

Part 6

تذكر بالاحداث :
فنن بعصبيه: مها ياسلقه زين
مها بضحك : كيفكم عصافير الحب
_____________

الساعة 6:00 الصبح .
فنن ومها بقو سهرانين حتى طلعت الشمس وطلعوا برا فالحديقه عشان يفطرون ويسولفون

مها بابتسامة: تصدقين اول مره اسهر لصبح وبذات معتس
فنن : ليه ماكنتي تسهرين؟
مها: لا كنت لحالي وسند تعرفينه مايحب يسهر وعنده دوام هالفترة الحمدلله جته وظيفة وصار يداوم من 6 لين 12 الظهر واقعد لحالي
فنن وهي تحضنها: ماعليتس مو لحالتس انتي انا معتس
مها وهي تضحك: حركاتت اقتبستي لهجتنا
فنن بضحك: ايوه من عاشر قومًا اربعين يوما اصبح منهم
مها: يلا بقوم سند تعالي معي
فنن بصدمه: ايش تبيني اجي اقومه معك صاحيه انتي
مها بضحك: يابنت انتي امس ماخذه منه بتفرق الحين
-سحبتها مها وراحت تدخل البيت وفتحت الباب-
سند منفجع: بسم الله الرحمن الرحيم السلام عليكم
مها برووعه: يمه
فنن: شفيكم شايفين جني
سند: وش ذا روعتوني وش مطلعكم الصبح الحين؟خير وين طالعين؟
مها: ورا بالحديقه يحمار وبعدين جايه اصحيك ولقيتك بوجهي
سند : وذي تجرجرينها وراتس خليها ترقد الادميه
فنن: ماحتاج نوم شبعانه
مها: شفت مافيها نوم يلا انقلع عالدوام
سند بطرف عين: سدي حلقتس وروحو داخل ترا هالوقت مايصلح برا البيت
-رجعوا البنات لمكانهم ياخذون اغراض جلستهم ودخلوا البيت تعبانين يبون النووم-
___________

الساعة 12 الظهر
عند ابو رعاد .

غزيل وهي تكلم بالجوال ومنصدمه: صادقه؟؟
ريم بكذب :اي والله قالت عنك كلام مو فيك عند البنات والجماعه
غزيل بصدمه: ريم اعرف مها ماتسوي كذا وبعدين مابيني وبينها شي!
ريم: والله بكيفك تصدقين ماتصدقين بس اقولك اقطعي علاقتك معها ك نصيحه - وسكرت-
غزيل بقهر: ياربي ليه تسوي كذاا
فيصل وهو جاي : وش من سوا كذا
غزيل بحزن: كل زق انت
-راحت فوق لغرفتها-
ام رعاد : شفيها اختك وش قايل لها!
فيصل: والله ماقلت لها شي بس سالتها وقالت كل زق
ام رعاد : وش سوالك لها؟
فيصل: كانت تقول ليه تسوي كذا وقلت وش من سوا كذا وعصبت وراحت
ام رعاد : والله غريبه على غزيلوه خلوها لحد يجيها
____________
العصر 4:00
مها: امشي نتمشى ؟
فنن بنعاس: بنامم وخري
مها : قومي قامت عليتس الطوفه العصر حنا
فنن وهي تتقلب بفراشها: مابي
مها بخبث وصراخ: سننند تعال قوم فنفون
فزت فنن برعبي : هي هي شنو الي تعال صاحيه
مها:اجل قومي
فنن بضجر: طيب
-تجهزوا وطلعوا لسوق الشعبي-

فنن بحماس:شوفيييي هذي تبيع دراعااتتت
مها بحماس: امشي
-راحوا للمحل-
فنن: ياخاله بكم الدراعه ؟
العجوز: ب 20 الوحده
فنن: اجل باخذ 4
مها بضحك: هي ليه اربعه
فنن: لي ولتس ياخبله
مها: والله ماتدفعين تخسين
فنن: دفعت وخلصت
مها: ياخاله لاتاخذين منها الفلوس خوذي
فنن:وخريييي انا الي اشتريت مو انتي
-دخل سند واعترض-
سند: خاله خوذي
-اخذت العجوز الفلوس من سند-
مها : خير سند شتبي
فنن : خير ياطير من سمح لك
سند بضحك: علامكن قالبات علي قلت احل المشكله وخلاص وبعدين فنن من متى صارت ترادد
-استحت فنن وقالت مها: افا عليك صارت مثلي
سند بضحك: خوش انتبهي من مها بس
(صوت من بعيد ينادي سند)
سند وهو يلتفت: من ذا الي يناديني؟
مها: شوف شوف رعاد اكيد
سند: اوه رعيدااان
رعاد : شعندك هنيا
سند على نيته: اشتري لبناتي ههههههههههههههههههه
رعاد بسخريه وهو يأشر : عجيب اخبر لك بنت وحده منين جت ذي
سند انصدم من كلامه: ليه وجودها يضايق؟
مها وهي تهمس لفنن: امشي خل يولي ذا المقرف
-فنن كانت ساكته وتفشلت حست ان وجودها عند مها وسند يضايقهم لدرجه حتى رعاد ذا الي للحين بقلبها مشاعر له قال كذا!)
مها وهي تهز فنن: بنت اكلمتس ردي
فنن بهمس: هاه ايش
مها:امشيي (وراحوا البنات عشان مايضايقو سند)
رعّاد وهو يناظرهم: عجيب ههههههههههههههههههه
سند بعصبيه: لاتناظر طيب تراك تماديت !
رعاد لف لسند وقال بسخريه: ماسمع عدّ كلامك؟ الناس تناظر وانا لا ؟ استشراف فيك ولا شلون؟
سند انفجر من كلامه وعصب وصارخ عليه: احترم نفسك تراي متحملك واجد ومتحمل نفسيتك الي تقطها علي وفوق ذا كله لاتحسبني ماشوفك وانت كل ماشفت هذي البنت قمت تقزقزها وعينك ماتشيلها وادريبك تفكر تفكير خايس ان بيني وبينها شي بس اقولك عشان ترتاح تراها امانه عندي واخوها بنفسه مسلمها لي لين يطلع من الجحز! رعاد تراك استفزيتني واجد احاول ارقع لك اي مشكله تسويها معي لاني اغليك بس انت ماخليت للغلا شي!
- قال كلامه وراح ورعاد كان ساكت منصدم من الي يسمعه مادرا ان سند كاتم كثير منه وشلون عرف بتفكير رعاد كانت صدمه بنسبه لرعاد من بعد صراخ سند عليه وهو ماعاد يبي من الدنيا الا
المـ-وت!!!