تذكير بالاحداث
رعاد بضحكه خفيفه: عز الله انك سند
قام رعاد وحضن سند حضن قووووووووووووي وجدًا وقال رعاد: اخوي قبل اخواني
سند بغرور عشان يغير من جو رعاد : افا عليك ماتلقى مثلي
ضربه رعاد على كتفه وقال: ابلش ههههههههههههههههه
________________
عند قرية الفرسان ...
( عند الاخوة ، راح صالح وسافر زي ماقال لاخوانهم وتقريبا صارله اسبوعين مسافر عنهم وراح نشوف وضعهم بدونه)
ترف بطفش: اشتقت لصلوحي
عزيز:ترف خلاص عاد كل يوم تقولين كذا
ترف بحزن: والله اشتقت له
دخلت حنان وقالت: ترف شرايك بالكيكه الي سويتها
ترف بابتسامة: الله وييننن
جت ترف تشوف الكيكة وقالت: الله تجننن واضح لذيذه
جاء عزيز يشوف: والله طلعتي فنانه
ترف: يلاا ناكل
حنان: بس باهر وينه؟
عزيز: صح بروح اشوفه
راح عزيز غرفه باهر وفتح اللمبات وقال: باااهر قم ياولد الجو زين والديره الله رزقها بالغيث قم
فز باهر: مطر؟؟
عزيز بضحك: تسوي نفسك نايم اجل
باهر وهو يحك راسه: اي مالي خلق اقوم
جاء عزيز وقال: افا ليه مالك نفس؟
باهر قام : مدري احس كذا مالي خلق امس متهاوش مع ترف ومابي اشوف وجهها
عزيز بصدمه: متى ذا؟؟؟ متى تهاوشتم؟
باهر: امس قهرتني وضربتها وماودي اشوفها عاد عقب الضربه
عزيز وهو ماسك اذن باهر: تتهاوش ماهيب مشكله بس تمد يدك؟!
سحبه عزيز معه وراح للمطبخ وقال: ترف تعالي
ترف: هلا وش
عزيز: متهاوشين؟
ترف وهي تقلب عيونها: الفار هذا ليه تجيبه من جحره؟
باهر بغضب: تراني ساكت لاتخليني امد يدي مره ثانيه
ترف: لو انك رجال مدها يلا
راح باهر بيضرب اخته ومسكه عزيز وصارخ عليه: قدااامي؟؟؟ تضربها قدامي؟ باهر اعقل لالعن جدفك كبر عقلك توقعت ينشد فيك الظهر ونهايتها تتهاوش مع اختك؟
باهر بغضب: عزيز لاتقعد تبربر فوق راسي تراها غاثتني من امس محد يتحمل حركاتها غير صالح وحنان لاتقعد تجامل فيها ترف طبيعتها قشره مدري متى تتعدل تقول ورعه
ترف بدموع: مايهمني
وراحت لغرفتها تبكي وقالت حنان بغضب: باهر ! تستهبل صح؟ وش قلبك عليها؟ ليه تقولها كذا قدامها !!
عزيز ضرب باهر على راسه ضربه خفيفه وقال: باهر لايدخل الشيطان فيك بالنهايه اختنا والصغيره وبنت طبيعي كذا
باهر بتنهيده: شف حنان كبر ترف ولا تسوي مثلها والله قهرتني امس
عزيز: وش سوت طيب؟
حنان: باهر وش مسويه ترف؟
باهر بتنهيده: السالفه ياطويلين الاعمال امس نايمين انتم وانا سهرت وجتني وقالت بقعد عندك لانها خايفه ودخلتها الغرفه ولعبنا بليستيشن يوم فزت عليها وهي تاخذ اليده وتضربها بالشاشة وانكسرت الشاشه وطاحت بالارض وقلت لها ليه تسوين كذا قالت محد قالك تفوز علي بالله هذا تصرف ينسكت عليه؟ مايهمني انا كسرتها عادي فدا لها بس ليه تسوي الحركه ذي؟ ليه طيب؟ الشاشه تنعوض بس التصرف ذا ليه
عزيز بصدمه: والله غريبه تسوي كذا
حنان: ماسوت كذا الا انها..
التفت عزيز وباهر وقالوا: انها وش؟
حنان: انها تعبانه
عزيز: تعبانه وش ياحنان؟ ماله دخل التعب
باهر: قامت تطلع لها اعذار
حنان بقهر: تكفون لاتقولون عنها شي وانتم ماتعرفون عن اختكم شي وايش فيها ووش تمر فيه
عزيز باهتمام: اذا فيه شي مانعرفه علمينا؟
حنان: اعلمك بس باهر ماعلمه لان ادري بيقعد يعيبها فيه ويعلها
باهر: حرام عليك والله ماسوي لها كذا
عزيز: قولي ماعليك
حنان:قبل كم سنة رحنا انا وترف لعزيمة مع صديقتي وامها ومانكر لكم ان ترف كانت جميله حيل حتى لبسها ونادتها عجوز وعطتها شي تشربه اتوقع ماء كذا وشربته وليومكم هذا ترف فيها مثل تقولون
باهر: سحر؟؟؟
عزيز: لا مستحيل
حنان بحزن: ايوا يعني ترف احيان تجيها تصرفات غصبن عنها ماتتحكم فيها ومحد يعرف غيري انا وصالح عشان كذا هي
باهر: متعلقه بصالح اكثر منا
حنان: ايوا تحبه بالحيل لانه يفهمها ويساعدها
عزيز مسك قلبه: ياويحي عن اختي رغم اني ماذيها بس احس غلطان بحقها
باهر: وش تقول عني؟ لو داري ماسويت لها كذا ولا تهاوشت معها
حنان: اخخ منكم دايم تتسرعون بس لاتدري اني علمتكم خلوكم طبيعين معها لان اذا درت بتزعل مني ولا راح تكلمني
_____________________
المغرب الساعه 6:00
عزيز: ترف يابوي افتحي الباب ماصارت زعل
ترف بحزن: ماراح افتح روح انقلع
عزيز: تبين اضرب لك باهر؟
ترف: ايه
عزيز: اجل افتحي عشان تشوفيني اصطره
فتحت الباب ترف وقالت: وينه
عزيز: ياساتر كل ذا دموع وعيونك حمرا وحالتك حاله ليه
ترف وهي تمسح دموعها: بس كذا
حضنها عزيز وقال: لاتتضايقين وانا اخوك دايم المشاكل تصير بين الاخوان عادي ترا لايصير ذا اكبر همك شوفي باهر نسى السالفه ومن اليوم يدورك
ترف بدموع: انتم ماتحسون بالي احسه ترا شي يقهرني
مسك عزيز يدها وقال: تبيني اضربه؟
هزت راسها بنعم وقال: ابشريبي
راح عزيز ومعه ترف لصاله وقال وهو يغمز: تعال ياحمار
باهر يمثل الخوف: خلاص عاد انتهت السالفه يولد مو لازم ضرب
قام عزيز على باهر يضربه بقوه بس يمثل قدام ترف قال باهر بصراخ: خلاااااععععصصص ترف ابعديه بمووتتت
خافت ترف وقالت: خلاص خله
عزيز: لعد تتعرض لها
حنان: خلصتو؟ ترا سويت كيكة ثانيه
ترف بضحك: وين هذيك حقت الظهر
حنان: واحد بحرف باهر بلعها كلها
ترف بضحك: وربي حاسه
عزيز: امداه ياكلها
باهر: بس والله كانت حلوه ترف ترا بتعجبك
ترف بابتسامة: اكيد دام حنو سوتها
حنان بابتسامة: يحياتي
عزيز: شف شف يعنني مانيب مهتم وهي شوي وتغتر
حنان بضحك: بس عااد يلا خل ناكل ونتقهوا
قعدوا ياكلون ويتقهوون
_________________
في قرية النجد بنفس التوقيت ..
( في بيت سند )
مها: سند شرايك نروح سوق الشعبي
سند هو منسدح: مالي خلق
مها: قم ياولد وش مالك خلق
سند: قولي رايحين لفنن وبس
مها بضحك: كيف عرفت
سند: داري والله
مها: طيب خل نروح هي تسكر العشاء وودي اشوف محلها واساعدها
-وافق سند وراحوا لسوق الشعبي تحديدًا محل فنن-
______
(وصلوا لمحل فنن )
مها بابتسامة: الله الله فديتت الي تشتغل
فنن بصدمه: وش جابتس انتي
مها بضحك: وي صرتي تقولين مثل كلامي ههههههههههههههههههه
فنن: شفتي كيف صدق ليه جايه
مها: بساعدتس وسند بيساعدتس
سند: على كيفك انتي
مها: ايه كيفي المهم فنن يجونتس زباين؟
فنن: ايوه كثير واحيانا قليل بس والله متعه وبنفس الوقت خوف
مها: ليش خوف؟؟
فنن: يعني ماينفع تصيرين لوحدك لازم معك رجال انا اتروع اذا قعدت لوحدي
سند: وياسر وينه؟
فنن: ياسر كل يوم معي بس راح يجيب فواكه
مها: الله ليت بعض الناس زيه يروح من كيفه بدون محد يقوله
فنن بضحك: الله يعينك
سند بعصبيه: اقول سدي حلقتس وامشي دامتس منتي مساعده بنت الناس
جاء ياسر وقال: وش الصدفه ذي يامرحبا والله
سند وهو يسلم على ياسر: اررررحب وين الناس من زمان ماشفتك
ياسر بابتسامة: ابد والله هنا
سند: حلووين اسمع تعال بكرا على العشاء فبيتي عازم الجماعة
ياسر: الله يحيك ابشر
شهقت مها وقرصها سند وقالت مها بهمس: خير لايكون بطبخ انا؟
سند: بعدين نتفاهم ، يالله فمان الله
(راحوا لبيتهم وفنن وياسر رجعوا للبيت وقفلوا المحل)
________________
ياسر: فنن العشاء وين تراني جويعااان
فنن: باقي ساعه
شهق ياسر: احلفي
فنن بضحك: امزح معك بس شوي يبيي له
ياسر: طيب ودي اسولف معك بموضوع وخليك جديه معي على مايخلص العشا
فنن: يلا وش عندك
ياسر بجدية: أثنين خاطبينك و
شهقت فنن وقاطعت كلامه وقالت: اثنين!!!!
ياسر: خليني اكمل كلامي
فنن بتوتر: طيب
ياسر: سند خطبك و رعاد خطبك وأنا الصدق عييت عليهم قلت بعدين اكلمكم بالموضوع هذا ابي رايك ماودي اعطيهم كلمة وانا
ماقلت لك اخاف اكون ظالمك
فنن: بس مايصلح اثنين؟ كيف كذا تعلب فيني؟
ياسر بتنهيده: مشكله الغباء، عادي يجوز انك تقارنين بينهم اذا ذا صالح او ذاك فاسد فهمتي وانتي ورايك
فنن بتوتر: قلت شوري شورك
ياسر: والله يافنن شيلي الكلمة ذي من راسك الي بيتزوج انتي والي بيرتاح انتي انا من اول مختار سند على انه اقرب لنا بس ماشوف بينكم توافق
فنن: يعني تبيني اوافق على رعاد؟
ياسر: انتي حُره فكري واستخيري وعلميني عشان اعطي اللي خاطب إجابة اكيدة دام سند عازم بكرا اكيد الجماعة موجودة
فنن برعب: يمه
ياسر: طيب يالغاليه اشم ريحة حرق؟
شهقت فنن: نسيتتتتتتتههههه
(راحت فنن تشوف العشاء وحطته وقعدوا يتعشون ومشى الوقت لين صارت الساعه 1:30 بالليل)
____________
في منزل سلطان ..
(كان سلطان غايب عن اهله فتره عشان دوامه ورجع لهم ، وكان خواته بالمطبخ سهرانات يطبخون)
سوسن: غنددددد لاااااااا موكذا ياغبيه
غند: هااااه وشلون ؟ انا اشوف كثير يسوون البودينق كذا
سوسن: متخلفه انتي اول شي فتفتي الكيكة وش تحطين التشوكلت دايخه انتي؟
دخل سلطان بهدوء ومسك كتف سوسن: بوووو
فزت سوسن وصارخت: وججججع روعتني ومتى جيت؟
سلطان: يسعدلي مساكم وش تسوون هالوقت توقعت البيت نايم
غند وهي تحضنه: اول مره اشتاق لنشباتك لنا
سوسن: اتفق معك
سلطان بغرور: داري محد يعيش بدوني انا السلطان ملك السلاطين
نافع: والطقعه
سوسن بضحك هستري: اخخخخخ ناففعهعع ههههههههههههههههههه
سلطان: شوفو من يغار ابو طقاع ههههههههههههههههههه
غند: وقفو لحظه ستوب سوسن شوفي صح ولالا
صارخت سوسن: ياغبيهه لا كم مره قلت لك الكيك اول شي اخ راسي بيصدع منك
سلطان: خير وش سالفتكم من اليوم على الطرطه ذي
غند: طرطه بعينك ذا حلا ترند بالتيك توك
نافع: اخس عندك تك توك
غند: اي مو عشانا بالديره ماعندنا
دق جوال سلطان وفتح سبيكر ورد: هلا سند
سند: اخبارك ياسطلان
سلطان: سلطان يمال الزق
سند: الي هو تراك معزوم بكرا عندي علم الوالد واخوانك
غند بصراخ: اخيرا نفتك من الوجيه القشرا جزاه الله خير
سلطان بعصبيه: اقصري صوتك يمال الوجع ، ايه عساك عالقوه ابشر
سند بضحك: ياالله فمان الله
________________
يتبع .. (بديت اتعب😭😭😭)
أنت تقرأ
وطيت رُوحي لاجل شانتس ياعرُوق قلبيّ .
Poetryالشخصيات الأساسية : البطل : رعّاد ، العُمر 27 البطلة : فـننّ ، العُمر 19
