تـذكير بالاحداث
فنن بتردد: لا يعني بس عجبتني حركته بس كان شاورتني
ياسر: انتي قلتيها شورك هو شوري ههههههههههههههههههه
فنن بضحك: وجعع
ياسر: ههههههههههههههههههه اسمعي بكرا بيجي المملك وراح نعقده هنا ف جهزي يمكن يجونك ضيوف وانا بجهز الدوانيه
فنن: حاضر
_______________________
* بما إن رعاد خطب فنن باقي بس انه يعقد القران نرجع ورا بالوقت لمّا كانت فنن رافضة فكرة الارتباط برعاد ، تذكرون يوم رعاد اخذ فنن لتّل الي تلاقوا فيه اول مره وعرض عليها الخطبة؟ ورفضت؟ هنا ركز بالاحداث هذي *
( بعد مامر ذاك اليوم الي كان بذاكرة رعاد يوم سيئ ان فنن رفضته
راح لبيته وكان يفكر بحل واحد انه يستعين بأخته ويفشي اسراره وحبه لها يمكن تساعده ، راح رعاد لغرفة غزيل ودخل على طول وقال: غزيل بكلمتس بموضوع
غزيل برعب: بسم الله ليه ماطقيت الباب طيب؟
رعاد وهو يسكر الباب: بعدين
غزيل: هيه وين سكرت الباب خير
رعاد: يامتخلفه اخوتس انا يعني بضرتس؟ بس بقولتس مشكتي وابيتس تساعديني
غزيل باستغراب: يلا قول
رعاد وهو يحك راسه: مدري وش أقول وأبدأ بس بعطيتس الزبده
غزيل بحماس: قول قول
رعاد بتنهيده: انا احب فنن وابيتس تساعديني بانها توافق علي
شهقت غزيل ومسكن قلبها وقالت: شنووووو؟
رعاد: زي ماسمعتي أحبها ولاتسالين كيف
غزيل بضحكه وابتسامة: يمه الله رعاد صدق تحبها؟ وناااااسهه
رعاد: طيب يازق بتساعديني ولا شلون
غزيل: ابشر بالسعععددد رح اخطبها
رعاد: قصرتي يالغاليه انا كلمتها وعيت
غزيل وهي تستوعب: كلمتها؟
رعاد: عشان اكون معك صريح بالعباره اي كلمتها وجهًا لوجه وقلت لها اني احبها واني بخطبتس وابيتس توافقين علي وعيت مدري ليه
غزيل: حمار انت شلون تجيها بالطريقه ذي اكيد بتعيي
رعاد باستغراب: اجل؟ شلون اجيهاا ؟
غزيل: اسمعني ونفذ كل الي اقوله لك انا اعرف فنن حيل وحتى طبعها وبكلم مها تساعدني بعد
رعاد: لاااا فكيني من مها متهاوش معها ومابي ابتلش
غزيل: بعد حتى مهاوي؟ وش مسوي فيها
رعاد: كنت بضرب سند وضربتها
غزيل بصدمه: الله يقلع عدوك
رعاد: الي هو يالله وش هي خطتس
غزيل: الخطة ياطويل العمر هي انك اول شي اول شي تروح لاخوها وتعطيه خبر وتحاول فيه حتى لو رافض تمام؟ واذا رفض مره ؟ كلم سند
رعاد: وشدخل سند بالسالفه
غزيل: انا اعلمك كلمه وقله يسوي عشاء يجمع كل رجال الحاره كلهم وبذات ياسر
رعاد: حلوو وبعدين ؟
غزيل: بعد مايطسون الرجال اكيد بتقعدون قعده انت واخوياك هنا انت علمهم بانهم يجيبون طاريها ويضبطون الوضع
رعاد: صاحيه انتي؟ يجيبون طاريها واخوها عندنا؟ تبينا نموت؟
غزيل: وش اسوي هذا الحل بعدين ياسر مايعصب اذا سند جاب طاري فنن
عصب رعاد وقال: كولي تبن
غزيل: خيرررر شنو كولي تبن انا اساعدك
رعاد: لاتقولين كذا وكملي
غزيل: طيب المهم تجيبون طاريها وكذا بس هاااااا قبل هذا كله
رعاد: وش؟
غزيل: انا بسير عليها كل يومين وانت تجيب هدايا وانا اوديها لها فهمت!
رعاد:هدايا تجيب راسها مو مشكله
غريل: يويلي تموت بالهدايا تستانس عليهم لو مصاصه بعد
رعاد: حلووو اجل تم بس هاه لايطلع كلامي منا منا
غزيل بابتسامة: ابشر
رعاد : بذات مها لايوصلها
غزيل: تكفى تكفى مقدر اربط لساني ماتحمل لازم اقولها
رعاد: طيب بس لايوصل لحريم الحاره ولا والله لازوجك سلطان
غزيل بشهاق: يويلي لا ان شاءالله يع اجل بسكر فمي
رعاد بضحك: عدل ههههههههههههههههههه اجل بروح هالحين
__________________
(بعد ماراح رعاد لاخته واستشارها راح لسند عشان يعلمه ويعلم العيال)
رعاد وهو يكلم سند: ابيك تجمع العيال اليوم وانت بعد ابيك
سند: شكل عندك مصيبه
رعاد: اي وكبيره
سند: الله يستر يالله بكلمهم وتراها بدوانيتي
رعاد: يالله
(دق سند على الشباب واجتمعوا كلهم بدوانيه سند وجاء رعاد وجلسوا)
سلطان: وش عندك من موضوع يارعاد غريبه
فهد بضحك: اول مره نجتمع كذا وكبيرنا رعاد
فيصل: اي تحس الموضوع جدي بس يضحك
رعاد: اسمعو عدل
محمد: اخلص علينا
رعاد: طيب كل زق وخلني اتكلم
محمد: ابشر
رعاد: الكلام ذا ان طلع بشنقكم واحد واحد
غازي: اعوذ بالله حتى انا؟
رعاد: حتى انت ، لحد يقاطعني الموضوع هو ابيكم تساعدوني انا خاطب وحدة
شهق سلطان: افااااا وتوك تقول؟
رعاد: خلني اكمل ولاتقاطعني
سلطان: ابشر
رعاد:المهم انا كلمت البنت و
محمد: لحظه لحظه كلمتها صدق ولا تقصد اخوها
رعاد: اي كلمت البنت نفسها
سند: صاحي؟ لو صادك احد!
رعاد: ماعليك المهم كلمتها وقلت لها كذا وكذا وعيت ورحت لاخوها ورفض طبعا مايدري اني كلمتها والحين ابي مساعدتكم
فهد: يعني انت كلمت البنت وعيت وكلمت اخوها وعيا بعد وتبينا نساعدك شلون ياغبي
رعاد: مايهمني شلون انا ابي اخطبها وابيه يتورط ويوافق انا ابي البنت
فيصل: كذا كلام كبير اخوي يحب وغصب يبي البنتت
غازي: تشوف؟ عجيب الدنيا
سند: طيب منهو اخوها ومنهي البنت
رعاد مانكر انه كان حيل متوتر من سوال سند لكن تغلب على توتره ورد عليه بصوت جدّي: ياسر غزّاي اخوها
بانت الصدمة على وجه سند وقال: ياسر؟
رعاد: اي
سلطان: العععب ماخذ اخته يالوصخ
فهد: سهلهههه ياسر يمدي اقنعه انا بطريقتي الخاصه
رعاد: والله؟؟
فهد:اي والله
محمد: حمااس راح يكون به عشاء اجل
فيصل: لازم اعلم الوالد انا
غازي: وانا بقول للوالده
رعاد: ياويلكم تفتحون فمكم بحرف واحد
سلطان: اوه اسمعو كلام اخوكم الكبير عشان ماتموترن ههههههههههههههههههه
________________
(بعد ماتفقوا مع رعاد كل واحد رجع لبيته ونرجع لسند)
كان سند مصدوم جدًا من الي سمعه مصدوم بالحيل وراح لبيت ياسر بسرعه وهو منقهر-
سند وهو يطق الباب: ياااااسر افتح بسرعه
-كان يرجف الباب بقوه شوي وينكسر وفتح ياسر الباب بسرعه وقال: خير وش فييك؟؟ علامك ترجف الباب؟؟؟؟
مسكه سند من ياقته وقال بقهر: لييه ليييه
كان ياسر مو فاهم منه شي وقال: سند تكلم بوضوح شفيك؟وش الي ليه؟
سند: ليه بتعطي فنن لرعاد؟ ليه؟ وش فيني انا؟
انصدم ياسر وقال: انا ماعطيتها لاي احد!
سند بعصبيه: انت قلت بلسانك انك بتحدد الوقت المناسب عشان اجيهاا والحين تتحرا رعاد؟؟ ليهه؟؟؟
ياسر بتنهيده: سند انا انهد حيلي من موضوعك انت ورعاد بنات الحلال واجد فنن بمزاجها هي اذا وافقت عليك تاخذها وافقت على رعاد ياخذها انا ماراح اجبرها بشيء هي ماتبيه هي ادرى بحياتها وادرى بخاطرها
سند بضيقه: تكفى لاتقهرني تكفى انا احبها والله ماتتخيل انت شلون احبها احبهاااا
(انصدم ياسر من الاعتراف الي سمعه ! سند يحب اخته؟!! ويقولها قدامه؟ قال ياسر: سند مدري وش اقولك بس صدمتني الصراحه
سند ماسك غصته وبكيته: يعني؟؟ وش ردك؟
ياسر: فنن حُرة باختيارها يا انت يا رعاد ويمكن بعد لا انت ولا رعاد ، كلامك هذا مابي اسمعه مره ثانيه تحب اختي ! وتقولها لي؟
سكت سند واستوعب كلامه فعلًا انه كان مخطي يوم اعترف وقال بصوت مبحوح: الله يوفقها ان كان رعاد هو المختار
(راح سند لين اختفى عن انظار ياسر وتنهد ياسر وقال: وش السر الي مايخليكم تاخذون خوات بعض
__________________________
كانت الاحداث هذي تحت مسامع فنن هو الي خلاها تزيد على شدتها وترفض رعاد صار عندها شيء قوي يخليها ترفض رعاد والي هو "سند"
مر تقريبًا شهر كااامل من مرور هذي الحادثة والاحداث وجاء وقت الي هو خطب رعاد فنن قدام رجال القرية
قبل خطبة رعاد لفنن ، راح سند لرعاد وقاله الي صار معه ومع ياسر كان رعاد مصدوم من جرأة سند وقال:سند شلون تجرأت وتقوله كذا؟
سند بتنهيده وضحك: شلون؟ حبي الي خلاني اتجرأ لكن مالله كتب نصيب وصارت لك الله يوفقكم ويكتب لكم الخير
راح سند بعد ماقال هالكلام وكان رعاد يحس بتأنيب ضمير وقال:
ياسند والله لو بيّدي ماخليتك تمشي وتصد عني والضيقة بعيونك وبصدرك لكن الي تبيه انا ابيه والمنافسه به قتّاله
- كانت هذي الاحداث قبل الخطبة عشان تعرفون كيف تمت برضى الطرفين -
أنت تقرأ
وطيت رُوحي لاجل شانتس ياعرُوق قلبيّ .
Poetryالشخصيات الأساسية : البطل : رعّاد ، العُمر 27 البطلة : فـننّ ، العُمر 19
