تذكير بالاحداث :
ابتسم ام رعاد وقالت: ياهلا ومرحبا بالفني حياكم يابناتي تعالن
راحوا وراها وقالت فنن: ليه هي كذا طيوبه وحبوبه
مها بضحك: اخخخخخ فنن تبينها عصبيه هي كذا
_________
( دخلوا البنات للبيت عشان ينزلون عباياتهم وصادفوا ريم و غزيل يسولفون)
مها بابتسامة: غزوووله
التفتت غزيل وقالت: اهليييينن واوي
ريم وهي تناظر فنن: مين هذي؟
مها وغزيل: فنفون صديقتنا واختنا
فنن بضحكه: ايه اختهم وصديقتهم
ريم بغرور: اي ماتعجبني الاشكال ذي -وراحت-
فنن بطرف عين: عساها ماتعجبتس اقلبي وجهتس
غزيل بضحك: ووي فنن تقول كذا ههههههههههههههههههه
فنن بغرور: افا عليتس
مها بضحكه : شفتيي يلا مشينا عند الحريم
-دخلوا البنات لقسم الحوش وقعدوا-
ام فهد بهمس لام ريم: منهي ذي الحلوه
ام ريم: مدري والله بس جميلة البنت
ام رعاد: غزيل امي قومي صبي القهوة
(قامت غزيل تصب وساعدتها فنن)
غزيل: بنتت اقعدي تراتس ظيفه وش تصبين
فنن بهمس: انطمي مابي اجلس كذا بدون فايده فشله
جت معهم مها توزع الحلا وقالت: وش تتهامسون
غزيل بهمس: ودي الحلا وتعالي نقعد بزاويه نحش
(ظيّفوا الحريم وقعدو يسولفون وجتهم ريم)
ريم بغرور: ليه ماتعزموني؟
مها: وليه ماتجين فاضين نعزمتس حنا
غزيل: حياتس حياتس
فنن:هي صبيلي قهوة
ريم: صبي لنفسك عجوز يع
فنن بصدمه: ذي شدخلها من يوم شفت وجهتس ذا وانا غاسله يدي منتس يالحيه
مها بضحك: ابشري بصب لتس
غزيل: بنات خلاص هدو هوشه الاسبوع الجاي مافي عرس ولا عزيمه اخلصو طفش
ريم بابتسامة غرور: الاا ان شاءالله عرسي
مها تغمز: شعندتس متحمسه هاه
ريم بحياء مصطنع: حبيبي بتزوجه
فنن بهمس وهي تتقرف: يع غزيل وش ذا
غزيل بهمس: وش اسوي به متحمله غصب
__________
عند الحريم
ام رعاد بضحك: والله مبطيه عن جمعاتنا
ام فهد: سويتي خير يام رعاد جمعتينا
ام ريم: اي والله الا منهي البنت المزيونه الي مع غزيل ومها
ام رعاد بابتسامة وضحك: زوجة وليدي ان شاءالله
ام ريم بضحكه: ماشاءالله امداك يامره تاخذينها
ام فهد: والله عيني عليها حلوه واول مره اشوفها امها وينهي
ام رعاد: اهلها متوفين تقول وماعندها الا اخوها وهي ساكنه عند مها لانها تقرب لها مدري من وش
ام ريم: اها الله يرحمهم
ام فهد: الله يرحمهم
ام رعاد: امين ، فنجالتس يام ريم
ام ريم: لا بس الله يسلمك
________
العشاء الساعة ٨:٠٠ .
ريم وهي تسولف مع رغد: ياخي يع كرييييههه
رغد: مين؟؟
ريم بقهر: ذي فنن مدري ايش اسمها هي ومها كريهات اخذو غزيل وانا احاول اتقرب منها
رغد بخبث: تبينها لحالك؟
ريم بقهر: ايه عشان رعاد
رغد: اسمعي عندي فكره دام غزيل صعبه عليك
ريم: وش الفكره يام الافكار الخايسه
رغد : يابنت اسمعي مو صح مجتمعين؟
ريم: ايوه؟
رغد: ومتكشخه انتي ادخلي عند قسم الرجال كانك تعدلين شكلك وماتدرين عنهم لان تو سمعت غزيل تقول اخوها بيصعد فوق وقالت لحد يروح ف روحي الحينن
ريم بابتسامة نصر: تمممم
( راحت ريم داخل تسوي الي تبيه وعشان تصادف رعاد)
______________
فنن: بنت ابي الحمام وش الحل
غزيل: انتظري رعاد بيدخل تحملي
فنن: ياربييي منك
مها: بنات جوعانه وش الحل
غزيل: انتم شفيكم مع كلمة وش الحل؟
___________
أنت تقرأ
وطيت رُوحي لاجل شانتس ياعرُوق قلبيّ .
Poetryالشخصيات الأساسية : البطل : رعّاد ، العُمر 27 البطلة : فـننّ ، العُمر 19
