تذكير بالاحداث
فيصل: مايخسى الا هو وولده المروح والله لارجده
محمد: الحين لازم نمشي كلنا عشان ندافع عن رعاد لانه ضحية كلام الناس وتدرون الناس مايرحمون بالكلام
(تجهزوا العيال كلهم عشان يرجعون للقريه )
____________
رجعو الشباب للقرية و كان اليوم الخميس الساعة ٣:٣٠ العصر .
سلطان بنعاس: اخيرا وصلنا مابغينا
فيصل بتعب: اي والله ماعد احس بجسمي
سلطان: مره تعبنا الصدق
محمد بعصبيه: الي يسوق انا وغازي وفهد مناوبه وانتم ماحركتو مكاويكم
سلطان: بس والله تعبنا
فيصل: ههههههههههههههههههه اي تشوف منقهرين
غازي بعصبيه: انت لازم اربيك
فهد : ياحمير امشو نروح نشوف وش السالفه ماتوقع فيكم نوم
فيصل: شبعان نوم انا
محمد: انا يعني نص نص بس ماعليه المهم نشوف وش المشكله ذي
-راحوا لدوانية عمانهم عشان يشوفون وش المشكله-
__________________
عند مها و سند
مها بطفش: سند بالله طفشت دق على ياسر يجيب اخته من زمان عنها وربي
سند: البنت تعبانه شلون اقول لاخوها جبها
مها: مالك دخل اجل بروح لها مع البنات
سند : ان طلعتي كسرت رجليك البسي عباتك اوديك انا
مها: بس ابي غزيل ومي وسحاب
سند: يروحن اذا يبن
(لبست مها عباتها وكلمت البنات عشان يروحون لفنن واخذهم سند وراحوا للمستشفى)
_______________
بالمستشفى ..
فنن بطفش: ياسر مطولين؟
ياسر: لا سند يقول جايين الحين
التفت ياسر على طق باب الغرفه وراح يفتح وقال: ابطيت
سند بابتسامة وضحكه: لولا الله ثم السياره ماوصلنا الحين
ياسر: ههههههههههههههههههه لييه
سند: كل شوي وقف وقف
ياسر: اي ياشينها ذي وقف المهم خل يدخلون وانا وانت بنطلع
سند: يالله
طلعوا ودخلوا البنات وقالت مها بصراخ: فنننن يمه اشتقتت لك
وحضنتها بقوه وقالت فنن: عورتينييي
مها بضحكه: والله اشتقت لك لاتلوميني
مي: وخري دوري اناا
سحاب: وانا بعد ترا عندي مشاعر
حضنوا فنن بقووه وقالت مي: فنفون علمينا شصار فيك كذا ليه؟
مها: ايه صح وش صار ترا جايبه حلويات وقهوة عشان مخططين نسمهر عندك
سحاب: اخلصي علينا وش صار فيك
فنن بتوتر: بقولكم بس امانه ماتعلمون احد يكون بينا واذا طلع ادري انه منكم
مها: شدعووه ماراح نعلم والله
مي وسحاب: لاتخافيين قولي احنا خواتك
فنن بتنهد: السالفه ( قالت لهم من البداية لين النهاية بس ماقالت وش صار معها ومع رعاد)
شهقت مي: يهيب ياوجهه من ذا؟؟
فنن: مدريي كان ملثم وكانو اثنين بعد
سحاب: والله يخوففف
مها: اسمه مشعل مو؟
فنن: اييوه
مها: يمه بس بجيحح يع الله ياخذه
مي: فنفن خوذي ذا حلا التمر سويته بيعجبك
اخذت فنن وقالت: واضح شكله لذييذ
مها: عاد مي فناانه بحشوات التمر
سحاب: ايي خبرات لها
مي بضحك: ابشرو بالمفطحح
دق جوال مها وقرت الاسم وقالت: بنات غزيل تدق
مي بضيق: يوه يع يعني بتجي؟
مها بصدمه: وي شنو يع عاد انتي وهي مره مع بعض
مي: متزاعلين انا وهي
سحاب: انا اراضيكم
فنن: ردي عليها
ردت مها وقالت: هلا غزووله
غزيل: وينتس مارديتي ابي اسير عليتس
مها: انا عند فنن بالمستشفى
غزيل بشهقه: شفيهاااا؟
مها: سالفه طويييييله عريضه تعالي خلي رعاد يجيبتس
غزيل: يلا بجييي
(سكرت مها من غزيل وقعدوا البنات يسولفون لين تجي)
__________
عند غزيل ..
غزيل بصراخ: يمههههههه
ام رعاد: خير خير ان شاءالله شفيك تصارخين
غزيل: فنن بالمستشفى وابي رعاد يوديني
ام رعاد بشهقه: يويلي شفيها البنت؟
غزيل: مدري يمه بس مها تقولي بعلمك اذا جيتي دقي على رعاادد
ام رعاد: يلا بدق عليه
دقت ام رعاد على ولدها ورد: هلا امي
ام رعاد: اخبارك ياوليدي
رعاد: بخير الحمدلله بغيتي شي؟
ام رعاد: تعال عندي الحين ابيك
رعاد: حاضر
(جاء رعاد للبيت)
رعاد: يمه وينتس
ام رعاد: هلا بوليدي تعاال ماشفتك من طلعت تعال
رعاد بضحكه: يمه البارح طلعت
راح يحضنها بقوه وقالها: يمه مشتاق لتس لو انا وانتي بس تكفيني عن الدنيا
ام رعاد بابتسامة:وش جاك ياوليدي الله يخليك لي
غزيل بغيره: يمه وش ذا كنه بعير عليك قم عنها ياحمار
رعاد وهو يقهرها:اذلفي ذي امي لحالي
غزيل بعصبيه: يمه اقلعيه عنك خلي يوخر
ام رعاد بضحكه: خلاص بسكم عاد هذا كبركم تتهاوشون
غزيل: هو كنه بعير يحضنك وع انقلع زوجيه يمه عشان يحضن زوجته هذي امي حقتي
ام رعاد بابتسامة : بزوجه بعدين ينسانا
رعاد: شدعوه انسى غزيل ولا انساتس
غزيل: ننننن
ام رعاد: الا ياوليدي ابيك تودي اختك لفنن
كح رعاد وقال: فنن؟
ام رعاد: اي تبي تشوفها تعبانه
غزيل: امي قالت يعني بتوديني طرق
ام رعاد بغضب: اسكتي ولا ماراح اخليه يوديك
غزيل: لاااع خلاص بسكتت
(وافق رعاد واخذ غزيل وراحوا للمستشفى عند فنن)
_______
بالمستشفى ..
فنن بصداع: راسي يوجعني
مها بقلق: شكلنا صدعنا راسك انسدحي مي جيبي شاي الاعشاب الي سويتيه
مي: بسم الله عليك يلا بجيبه
فنن: لا مابغى بس احس بصداع خفيف
سحاب وهي تساعدها بالسرير: انسدحي يابنت يخف الصدااع
مها: ادق على ياسر؟
فنن: لااا بعدين يطردكم
مي: خوذي اشربي بيهدي اعصاابك
اخذت فنن الكوب وشربت: الله دافيي
مي: شكلك بردانه بعد
فنن: شوي
مها: بنات غزيل جتت
غزيل وهي داخله: وخرووووو وين فنفنووننهه
مي: وي هدي اعصابك
غزيل وهي تحضن فنن: اشتقتت لتسس
فنن بألم: وانا بعد بس عورتيني
رعاد من بعيد: غزيلوه وصمخ تعالي خوذي قشك
غزيل: يوه نسيته بنات تغطو بخليه يدخل العفش
فنن وهي تتخبى بالمخده: شنو جايبه انتي
مها: شكلها جايبه العطار
سحاب: تراها مو حامل يوم تجيب العطار
رعاد: وين احطه ذا ؟
غزيل: هناا جنب السرير وطالع جدام لاتطالعها لافقع عيونك
رعاد: من زينها
فنن بعصبيه: وش تقول ؟
مها بضحك: يويله
رعاد: اقول من زينتس
فنن: غزيل طلعي الزق ذا لاقوم عليه اخلاقي صفر
رعاد: ا (قاطعته غزيل وهي تسحبه برا )
غزيل: يلا بابا رح فليتها عاد وتعال المغرب كذا خذني
رعاد: يصير خير
________________
عند الشباب ..
فيصل:يعيال وين رعاد الحين
محمد: مدري وش الحل
سلطان: انا جوعان وش الحل
جاء ابو خالد وقال: اخباركم
فيصل بحقد: ولك وجه تقول اخباركم بعد؟
ابو خالد برفع حاجب:احترم عمك لاربيك
فيصل: تخسي وتعقب المخنز تصير عمي
غازي: وهو صادق اردى مانشوفه انت
محمد بهمس: لااا مو كذا ياحميررر
ابو خالد بعصبيه: تسمعون وش تقولون لي؟ ترا بربيكم ياعيال الشوارع
فيصل بغضب: عيال الشوارع هم عيالك السرابيت ولا انت وعيالك تخسون تجون مثلنا والله انك منت رجال على فعايلك السودا الي مثل وجهك
ابو خالد وهو خانق فيصل: ترا بذكيك
غازي وهو يخنق عمه من ورا: اتركه لايجي دورك
ابو خالد بسخريه: بتودع اخوك كذا وبتخسر ابوك
محمد:تعوذو من ابليس
جاء سلطان يركض يبعدهم: تعوذو من ابليس
غازي بصراخ: الله يلععععععننننك اتركههههه
(طاح فيصل مغمى عليه بالارض قدام عيون اخوه غازي وولد عمه محمد)
سلطان: فيصل فيصل تسمعني
ابو خالد بسخريه: حمير والله
قام غازي وضرب عمه على وجهه لكن عمه سبقه ومسك يدينه ولواها على ظهره وقال: تحرك اذا تبي تخسر يديك
سلطان: بس يانااصر خلاص اتركه
جاء ابو رعاد وهو يركض: ناااااصصصصصصصصصصصر
رفع ناصر راسه وقال: عيالك بربيهم لك
ابو رعاد بغضب: اترك ولدي لاينقطع حبل الوصل الي بينا
ابو خالد بسخريه: مايهمني حبل الوصل عيالك ملاقيف
شدّ ابو خالد على يدين غازي وصارخ غازي اقوى ماعنده من الالم
وقام سلطان : ناصر تراك انت الي بديتها
جاء سلطان ومعه العجرا بيضرب ابو خالد ومسكه رعّاد وقال: رعاد ! وينننك؟
رعاد: خله انا الي بربيه
ابو خالد: انت يالمريض؟
جاء ابو رعاد واقف بين رعاد و بين اخوه: ناصر عيالي ابعد عنهم
ابو خالد: بذبحهم كلهم وانت معهم
رعاد بضحك هستري: وانت مصدق؟
غازي بألم: وخر عني لادبجك
ابو خالد بيكسر يدين غازي جاه رعاد وكسر رجل عمه بالعجرا
وقال: قلت لك انت مصدق انك قوي وانت شايب على فراش الموىًت
ابو رعاد بحزن: غازي يابوي بك شي؟
غازي ببرود: لا مافيني شي لكن لو حنا نهمك كان وقفته شف فيصل مغمى عليه وانا يديني بغت تروح وانت بس تحاول تخليه يوقف
سلطان بهمس لرعاد: لاتضغط انت على ابوك يكفي عتاب غازي
رعاد: كنت بتكلم زين
سلطان: لا اسكت ابوك خله متضايق
رعّاد:من وش؟؟
سلطان: بعدين اقولك بس حاول تهدي غازي وابوك وانا باخذ ناصر
(هدت الاوضاع واخذ سلطان ناصر وراحوا ورعاد اخذ فيصل وراحوا المستشفى مع ابوهم)
_____________________
قرية الفرسان ..
(في بيت باهر واخوانه عائلة جديدة تنظم الى احداث قصتنا )
باهر: حنان متاكده الطبخ بيكون زين؟
حنان: وليه ان شاءالله بيطلع خايس مثلا؟
باهر: والله يمكن ليش لا
ترف: يابنت الكلب الاكل احترق
صالح: حنننااااااااااننننننننننننن تعاااااللي
باهر بضحك : اخس يالرفله
احترق الاكل الي كانت تهايط فيه حنان وقال باهر لها: ويك ويك هذي نهاية هياطك اكلنا احترق الحين ننام جوعه
حنان بزعل: انطمممم انت السبب
باهر وهو يقهرها: ياحرااممممم
صالح : بس انت لاتقهرها
حنان بدموع: كل تبنن
راحت لغرفتها تبكي من الفشله والقهر
صالح: مو قلت لك تسد حلقك
باهر: افا زعلت
ترف:حنان حساسه كلنا عليها قبل شوي مالومها تزعل الا وين شوق ؟
جاء عزيز:شسالفه
صالح: خلوكم من الهرج شوق نايمه وعزيز بعدين نقولك السالفه الحين باهر رح راض حنان
باهر: وش ذا لا
عزيز: بعد مزعلها؟
صالح: حنان هايطت عليه واحترق اكلها وزعلت من طقطقته عليها
عزيز: قم اذلف وراضها
باهر: يوه طيب
(راح باهر لغرفة حنان وقال: حنوو ترا بدخل
دخل ولقاها زعلانه وقال: شدعوه كل ذا زعل ؟ عادي دايم نمزح
حنان ببكاء: كل تبن مو اول مره تقهرني انت بذات تقهرنيي وتزعلني
باهر وهو يحك راسه: احبك عشان كذا
حنان بدموع: حبك برص انقلع
جلس باهر على سريرها: طيب سامحيني وبنقلع
حنان: مابي اذلف
حضنها باهر وقال: مو يعني اذا قهرتك يعني اكرهك او ماحبك ترا امزح معك عادي والاكل بداله اكل الحمدلله مافيها شي خلي الدلع عنك ماحب اشوف وحده من خواتي زعلانه
حنان بدموع:حب راسي وبرضى
باهر بنفسه: شين وقوي عين ويتطلب
باهر حب راسها: هاه سمي حبة الراس تامرين شي ثاني يالاميره؟
حنان: لا خلاص كذا زين سامحتك
باهر: الحمدلله يلا مشينا عزيز جايب اكل
يتبع ...
أنت تقرأ
وطيت رُوحي لاجل شانتس ياعرُوق قلبيّ .
Poetryالشخصيات الأساسية : البطل : رعّاد ، العُمر 27 البطلة : فـننّ ، العُمر 19
