" حبيبتك "
رجعوني لأيام حكايتك
وكلموني النهاردة عنك
لما خلوني أوصف ملامحك
وأحكى عنك أحرجوني
تلامذة الحب في دراستك
عملوكي مادة يدرسوكي ويدرسوني
ميعرفوش لو جابوا سيرتك مش هاجمع أى جملة
يمكن هالخبط فى الكلام أستر ياربي وتروني
هاحاول أثبت يمكن أفديهم هما دايماً في النصيحة بيحتاجوني
دول طلبة يعني وفى أولى ثانوي
وفي سن صعب شباب صغير مُهتميين وبيسألوني
طب هاعمل أيه مش هاقدر أجمد وقت مااحكي
ياربي بس بقى ده أسمه درس .. ما يجوش زمايلي ويخلصوني
وقفت جريئة في وسطهم
من فضلك يا مستر أحنا أتفقنا كلنا درس النهارده عنها
عن حبيبتك اللي عشت معاها في وقتها حب جنوني
ينفع كده !! أسكتي .. هو انتوا ايه .. هاتجننوني
واللهي هازعل اللي عليكم في المادة بس تسألوني
قام رد طالب
أنا عارف كل الحكاية قالولي أهلي عشان جيرانه
ماهو أتحكالى ولو ماقلش متقلقوش كله من الأخر معايا
ومن النهاية
هو يمكن صعب يحكى
بس قلب أستاذكم ببيكي
طيب تمام هاحكى خلاص للعبرة بس أسمعوني
الحكاية إن يمكن مش عايز أحكى لأنى بهرب
من حلم عشته لحقيقه أصعب
لا عرفت أبعد ولا بأيدي قدرت أقرب
كانت ملاكي بنتي الكبيرة أخلاقها كانت أخلاق أميرة
خلاص بقى الحصة خلصت بعدين نكمل
أرجوك يا مستر أرجوك تكمل
وأحكلنا عنك علمنا يمكن يمكن نجرب
كانت فى ثانوي زيكم
كنت أكبر منها بسنتين تلاته من السنين
مقدرش أعيش من غير ماأشوفها بكتيره أقدر تغيب يومين
كاااانت بريئة .. أجمل حقيقة أشوف عينيها أخلف يمين
أفضل معاها وأرضى لرضاها كان كل همى
ماشوفش أبداً قلب حبيبتي يكون حزين
ثقتي فيها ملهاش حدود وغيرتي عليها مش بالقيود
عارف إن جواكم سؤال .. هي فين دلوقتى وأنت فين
بعد مامرت سنين
لما غدروا بيها وغدروا بيا
وعرفوا يقسونى عليها
وقدروا يقسوها عليا
قال إيه قرايب خايفين علينا
خانوا اللى كانوا أقرب ما ليها وأقرب ما ليا
حبكوها ورتبوها خدوها منى وأقنعوها
اغتلوها فى عقلها وهددوها بحبها
استغلوا ضعفها وبرغم صغر سنها
حلفوا والله بأي طريقة يجوزوها
انتقموا منى ببعدها واللى أتبقى لي منها
موجود معايا من وقتها
حقكم تستجوبوني وتدرسوها وتدرسونى
وفسروها وحللوها عشان إيه الأهل ممكن بنتهم يرموها
وليه كده وقد إيه أذوني وكمان أذوها
وانا بحكى ليكم ده للنصيحة فاصدقونى
الحب حكاية تستحق تعيشوها
حبكم أكرمكم من أي حد ده أساس حياة
وأتمسك جداً في اللي أخترت أنك تكون معاه
هو مين له الحق يختارلكم
هو مين هايعيش بدالكم هو مين هايعيش لكم
مين ها ينفع وقت جرحك مين هايفهم معنى فرحك
أوعو تضحوا وترضوا ناس خسارة فيهم نعيش بجرح
أختار لنفسك وعيش لنفسك وأفرح لنفسك
هايكونوا فين وقت وجعك وقت ألمك
هما ممكن يرضو أنك تختار مكانهم لأ طبعاً
فا الحقيقة خدها منى لو أختارلولك هاتعيش لوحدك
ضروري صح فى قرارات حياتكم تعقلوها
وصح جداً إيه في صالحكم ولراحتكم تحسبوها
ده مش نصيب النصيب بيجى بأختيار أو حد يختالك حياة
يعنى قبل ما نقول نصيب نتعلم إن كان في قرار
وإن لازم كان فيه سبب أكيد وراه
هو درس صعب مفيش كلام ومن غيرة ومن اللى زيه
أزاى هنتلقى علام وازاى هانتجنب أذاه
وسامحوني ولو دايقت حد منكم أسمحولى
"حبيبتك"
درس النهاردة
ihab mohamed ali
