هي دايماً حاسه بيا مهما غلوشت فى كلامي
قاريه رموز لمعة عينيا عارفه أكتر منى عنى
أمى حبيبتي أقرب ما ليا فى الوجود أغرب علاقه أنسانية
لو حد عابني أو الكل سابنى لو كنت تايه
مهما عملت فى دنيتي مهما كانت غلطتي باقية عليا
هيا الوحيدة تفضل معايا دايماً فى ضهري
على طول شاغلها ساكن فى بالها دايماً وفية
وجاتلى جنبي ومسكت إيديا .. وقالتلي مالك
ماتقولي مااالك .. يا أمى مفيش
وبعدهااالك .. تمام ماليش
يا أمى بجد انا حالتي اهيا كله طبيعي مفيش جديد وأمور عادية
طيب يا أبني .. تعالي يلا عشان تاكل معاهم
سامحيني والله مفيش شهية
لأ بقي خلص يا واد قولي اللي فيك انا حاسه بيك
شايفه فى عينيك يا نور عينيا
أمى كبرت وكبرت همومي مبقتش زي زمان مالي هدومي
بقيت هوااا .. تعبت من الضربات بقي .. على طول شقا
جوايا محكمة لألفين قضيه وفى المحكمه أنا كلهاااااااا
يا أبني أفهم كل لما تكبر هاتفهم أكتر وأصبر هاتأجر
وصدقنى ربك بيدي الصعاب للي بس قدها
زي انا وأنت كده صبر أم على أبنها هههه
بس أنت حته منها .. يكفي وجودك جنبها
فكر شوية وحب الهنا .. وأزعل يومين وأضحك سنة
ويوم ما تعرف حجمها هاتكون ساعتها فهمتها
يا أمي فى كل الدنيا ديه أنتي والله أجمل هديه
أنتي الحياه أنتي اللى دايماً همها على طول عليا
روحي أنتي يا أمي لا قبلها ولا بعدها
فداكي روحي وكل عمري .. يا أغلي حاجة عرفتها
