" مات وعاش "
الدنيا الفانية اللى فى ثانية بتبيع ببلاش
تلهيك وتجرك وتغرك وكأنك سايق قشاش
وتووه فى متاهة وسواسك غماك وتملك أحساسك
النفس بتأمر بالسوء لازم تتحاش
الصدق النعمة اللى تحلى السيرة الباقية اللى تخلى
وقت أما هاتخلص اوقاتك ويمر العمر على وفاتك
يدعوا من الله بالخير ليك ويقولوا عنك
لو مشى مالدنيا صحيح لاكن كان طيب كان هين لين
كان صادق كان طبعه حنين وبذكره أهو عاش
كان عايش أيوه ومتعايش لو حد يساومه على مبادئه
أو ياخده لذنب مش حابه لو غيره بحاجات يرضى
هو ميرضاش
كان درع وسيف اللى يحارب جنس الأوباش
كان همه الأخرة و بالنية كان حامد ربه ده فى الدنيا
كان عايز يوصل فى نهايتة
ويروح ويسلم فى ورقتة
مطمن ناجح فى الاخر وفى الحكمة علام
العبرة فى أخطاء غيرك تمحى جواك كل الأوهام
أياك أبداً تفقد صبرك ويصيبك شىء مالأستسلام
او تظلم حد أياك تألم أو قلبك يملاه حزن
أو تفقد معنى انك أنسان انا مسلم مؤمن بعقيدتي
وبقيمة دينى اللى حمينى هو الأسلام
مقدرتش انافق بالفطره معرفتش اسايس فى الرحلة
أخترت العبرة اللى تعبر عن حد سليم
اخلاقه تخليه باقى وموجود ممشاش
عكس اللى فى وجوده وفى غيابه يتقال عنه
أهو جيه وراح وياريته مجاااش ماهو مفهمهاش
يمكن أنا وأنت فهمناها
وعشان كسرت السىء جوايا
وأخترت اللى هايمشى معايا ومقبلتش أكون اللى يدور عالرحمه وياخسارة ملقاش
مقبلتش يتقال عنى بيت النتاش واضى ميعلاش
ده حكايته حكاية وكان أكبر غشاش
دايما بالزهد فى الدنيا سهلة وتتعاش
خليك عالمبدأ والحقنى حتى أسأل كل اللى سبقنى
هاتعيش أبدياً صدقنى مرتاح واللهى مش عايزة نقاش
الدنيا الفانيه اللى فى ثانية بتبيع ببلاش
خليك فاكر
ماشى متنسااااش
مات وعاش
ihab mohamed ali
